mánadagur 10. apríl 2017síða 38

VIKA 15 • 10. APRÍL 2017 14 ÓKEYPIS LÝSINGARBLAÐ TEMA: KOLLAFJØRÐUR Útstykkingin á Hamrabøi liggur væl fyri í Kollafirði Vilmund Jacobsen T að gleðir Jákup Dam, býráðslim í Tórs­ havnar kommunu, at nú verður gjørt klárt til at útstykkja 24 grundstykki á Hamrabøi í Kollafirði. Hetta er eitt arbeiði, sum byrjaði í fjør heyst, og tað er Sp/f Við Sjógv, sum tekur sær av hes­ um. Sambært ætlanini verður hetta arbeiðið lið­ ugt til heystar, og tá verður – um alt gongur, sum tað skal – klárt at byggja á Hamrabøi. Jákup Dam, sum er formaður í teknisku nevnd og limur í byggi- og býarskipanarnevndini hjá Tórshavnar kommunu, sigur, at nýggju grund­ stykkini verða ikki útgrivin og planerað. Tað fara tey at gera, sum keypa tey og vilja byggja her, men allar íbindingar verða lagdar til grund­stykk­ ini. Ein góð útstykking Nýggju grundstykkini fara at liggja báðu megin vegin, sum verður gjøgnum økið, og her verða eisini onnur øki løgd av, eins og her verða par­ keringspláss. Býráðslimurin heldur, at Hamrabøur er eitt útmerkað byggiøki. – Eg trúgvi, at hetta verður ein góð út­stykk­ ing. Her verður gott útsýni, og økið liggur væl í mun til bygdina annars. Hann vísir á, at henda útstykking er harðliga tiltrongd í Kollafirði, har fólkatalið og barnatalið í skúlanum og barnagarðinum hevur verið mink­ andi, og aldurssamsetingin í fólkinum er um at skeiklast. – Í mun til grannabygdirnar, haldi eg, at Kolla­fjørður er eitt sindur afturútsigldur við byggi­møguleikum, og her hevur eingin nýggj út­ stykking verið í ára tíggjur, samstundis sum bygt hevur verið í bygdunum norðan fyri Kollafjørð. Ósamd um søluprís Tað harmar býráðslimin í Tórshavnar kommunu, at ósemja hevur tikið seg upp um prísin á grund­ stykkjunum, sum nú verða útvegað á Hamrabøi. Samtyktin í býráðnum sigur, at hesi skulu seljast fyri marknaðarprís. Men, hesa avgerð hevur minnilutin í bý­ ráðnum kært til Innlendismálaráðið, tí minnilutin metir, at grundstykkini eiga at verða seld fyri kostprís. – Í Kollafirði eins og í øðrum útjaðarum í Tórs­havnar kommunu nyttar einki at selja grund­stykkini fyri kostprís, tí tá verður tað alt ov kostn­aðarmikið í mun til fíggingarmøguleikarnar at ogna sær tak yvir høvdið. Jákup Dam vísir á, at ætlanin hjá meiri­lut­ anum í býraðnum var at fáa selt nýggju grund­ stykkini nokso skjótt, men nú verður bíðað eftir niðurstøðuni hjá Innlendismálaráðnum, ið skal góðkenna prísin. – Vit vilja gjarna selja grundstykkini fyri marknaðarprís – ella fyri tað, sum mett verður, at grundstykkini kunnu seljast fyri í Kollafirði. Tvey meklarafeløg, Skyn og Inni, hava gjørt sín­ar metingar og uttan frammanundan at vita, hvat hin parturin helt, halda bæði feløgini, at hósk­ andi prísur er umleið 250.000 krónur. Hevur góðar vónir Býráðslimurin vísir á, at um grundstykkini skulu seljast fyri kostprís, fara tey ivaleyst upp um hálva miljón, og haraftrat noyðast tey, sum ætla sær at byggja, bæði at syrgja fyri útgrevsti og planering sjálvi. – Tá er skjótt, at grundstykkini fara at nærk­ ast miljónini, og tá er spurningurin, hvussu stórur áhugin fyri grundstykkjunum í Kol-lafirði verður. Neyðugt er at hava ein prís sum er rími­ ligur, og tað nyttar einki at hava ein prís, har eing­in keypir. Jákup Dam sigur seg hava góðar vónir um, at Innlendismálaráðið fer at ganga meirilutanum í býráðnum á møti, og hann vónar, at ein niður­ støða fyriliggur skjótt, tí hann sigur seg vita um fleiri, sum ynskja at byggja sær hús í nýggju út­ stykkingini. – Tað gongur ein tíð, áðrenn útstykkingini verður klár, men tað he-vur stóran týdning fyri fólk, sum ætla sær at byggja, at tey fáa stundir til at fyrireika seg. Býráðslimurin heldur, at Kollafjørður annars er væl útbygdur, sum hann tekur til, men tað eru tey góðu grundstykkini, sum er ein mangulvøra, sum hann tekur til. vilmund@sosialurin.fo – Tað gongur ein tíð, áðrenn útstykkingini á Hamrabøi í Kollafirði verður klár, men tað hevur stóran týdning fyri fólk, sum ætla sær at byggja, at tey fáa stundir til at fyrireika seg, sigur Jákup Dam – Eg trúgvi, at hetta verður ein góð útstykking. Her verður gott útsýni, og økið liggur væl í mun til bygdina annars, sigur Jákup Dam, býráðslimur Jákup Dam er formaður í teknisku nevnd og limur í byggi-og býar-skipanarnevndini hjá Tórshavnar kommunu