týsdagur 11. apríl 2017síða 29

29 Mikudagur 12. apríl 2017 · Nr. 44 Sosialurin Hugskot og viðmerkingar – send sms til 225000 VÍKINGUR Allir mans tøkir. Við aftur: Betuel Hansen (eftir fótskaða) Ikki við: Salmundur Bech (Skurðviðgjørdur í knænum, 4 vikur) Ikki við: Hans Pauli Samuelsen (liðband). Ivasamur: Hans Jørgen Djurhuus (búkurin), Andreas Lava Olsen (ryggurin), Jákup V. Olsen (knæ). Við aftur: Fróði Benjaminsen (heim til ein dyst) NSÍ TB/FSC/Royn JÁKUP ÓSÁ ítróttarskrivari á Norðlýsinum B36-Víkingur 0-1 B36 hevur ikki fingið nóg nógv av stigum burturúr higartil, men avrikini og spælið hevur verið á eini leið. Spælið hjá B36 er kanska tað besta í landinum, har Róaldur Jakobsen, Christian R. Mouritsen og Philip Lund eru bóltsterkir leikarar og gera kanska, at liðið fer at klára seg uttan Lukasz Cieslewicz hesaferð. Men hagtølini móti toppliðunum uttan Lukasz lúgva ikki. B36 vinnur næstan aldrin móti øðrum toppliðum, tá Lukasz ikki er við. Víkingur manglar Hans Jørgen Djurhuus, men so vænti eg, at Fróði Benjaminsen kemur inn á tað plássið. Tvey lið sum eru væl fyri í løtuni, men har tað tykist at koppa til Víking í nógv størri mun enn til B36. Víkingur hevur eisini sterka siðvenju í steypakappingini, so tað verður helst ein tepur sigur til Víking. Har annar av profilunum úr Leirvík verða avgerandi, antin Sølvi Vatnhamar fyrsta tíman ella innskifti Andreas Lava Olsen seinastu løtuna. 1-0 til Víking. NSÍ-TB/FCS/Royn 3-1 NSÍ var við undirlutan størsta partin av dystinum móti B36, men liðið spældi væl frammanundan móti 07 Vestur. TB/FC Suðuroy/Royn hevur ikki fingið nakra roynd móti einum sokallaðum toppliði fyrr enn her, og tað verður áhugavert at síggja, hvat suðuroyingar megna móti NSÍ. Eisini spennandi at síggja, hvørja tilgongd Maurice Ross, venjari, fer at brúka til ein slíkan dyst. Vanliga plaga suðuroyðarliðini at vera sera verjukend til dystir sum hesar. Eg vænti, at NSÍ fer at seta seg á hendan dystin og vinna hann. Tí Klæmint A. Olsen og Árni Frederiksberg tykjast vera komnir í gongd og teir plaga at hava uppskriftina uppá, hvussu ein letur eitt verjukent lið upp. 3-1 til NSÍ. ÍF-KÍ 0-1 Áhugaverdur dystur, har heimaliðið helst verður sera uppsett. Tí nógvir leikarar og venjarar í ÍF hava verið í KÍ áður. Eisini hevur ÍF eitt stórtap í steypakappingini í fjør at hevna. KÍ liðið í løtuni er tengd av góðum verjuspæli, har mótstøðuliðini koma til fáar møguleikar. Frameftir hevur liðið trupult við at skapa nóg nógvar møguleikar, men støðan var líknandi um somu tíð í fjør. Móti 07 Vestur glapp hjá báðum álopsleikarunum, og kanska kann tað hjálpa. Nú havi eg ikki sæð ÍF, men sum skilst hevur tað ikki sæð so galið út hjá ÍF burtursæð frá fyrra hálvleiki í fyrsta umfarinum. Nú veit eg ikki, um Adeola Runsewe verður tøkur, men ein álopsleikari kann broyta nakað hjá ÍF, sum ikki skoraði móti HB og spældi uttan nakran leikara, ið er vanur at spæla í álopinum. Eg vænti ikki, at tað koma so nógv mál, sum tað ofta plagar millum hesi liðini, tí liðini skora fá mál í løtuni. Páll A. Klettskarð plagar ofta at skora í Fuglafirði og hann verður kanska munurin í Fuglafirði hósdagin. 1-0 til KÍ. HB-EB/Streymur 2-0 Summi lið njóta gott av tilvildarligum lutakasti í steypakappingini, og HB er eitt av teimum í ár. Fyrst heimadyst móti MB og nú heimadyst móti EB/Streymi, har HB má metast sum favorittur. Sum eg havi skilt á lagnum, so var tað heppið, at EB/Streymur fekk stig í Runavík í fyrsta dystinum, so eg vænti ikki, at EB/Streymur fer at vinna nógvar útidystir móti topp 5 liðunum (frá 2015 og 2016). HB er enn ikki heilt samanspælt, men verjuparturin hevur verið góður. Hetta verður ein dystur, har EB/Streymur fer at lata HB hava bóltin. Tað kann enda 0-0, 1-0 ella 2-0. Eg velji at siga, at HB kemur á odda 1-0 og so blakar EB/Streymur alt fram móti endanum, tí tað er líka mikið, hvussu nógv ein tapir í steypakappingini. Tá kontrar HB og vinnur 2-0. B36-Víkingur 2-1 Uppgerð ímillum tveir gull- kandidatar, har B36 hevur fyrimunin grundað á heimavøll og generelt betri spæl higartil í ár. NSÍ-TB/FSC/Royn 3-1 Heimavøllurin ger NSÍ til ein rímiliga greiðan favoritt, hóast gongdin higartil í landskappingini hevur verið ivasom. ÍF-KÍ 0-2 KÍ er betri skipað enn ÍF. Teir duga at spæla uppá úrslit og eru greiðir favorittar í Fuglafirði. Fuglfirðingar eru tó eitt sindur truplir at rokna út. HB-EB/Streymur 3-0 Hóast EB/Streymur hevur tikið øll á bólið, so verður hesin bitin ov stórur fyri teir. HB fer at sita á øllum spælinum. SONNI L. PETERSEN toppskjútti í føroyskum fótbólti 2004 B36-Víkingur 0-1 B36 svaraði væl aftur móti NSÍ leygardagin, men við Lukasz Cieslewicz úti við skaða kann heimaliðið fáa tað trupult. Ein javnur dystur, sum Víkingur vinnur við einum máli. 1-2 ella 0-1. NSÍ-TB/FCS/Royn 3-1 NSÍ vísti styrki og nakað av tí sum vit vænta av teimum í ár í Gundadali leygardagin. Tó skulu teir uppá toppstøðið hvønn dyst og sum FM favorittur, er tað eitt krav at vinna Suðuroyarliðið, sum við eini flúgvandi byrjan er um at missa flogið. Tryggur 3-1 sigur til NSÍ. ÍF-KÍ 1-1, KÍ víðari ÍF spældi væl móti HB, meðan KÍ hevði tað trupult í Sørvági. Vænti ein javnan dyst, sum kanska endar javnur, men KÍ vinnur tá av tornar. 1-1, men KÍ vinnur antin eftir longda leiktíð ella brotsspørk. HB-EB/Streymur 2-0 Enn ein favoritsigur. Heimaliðið er komið gott í gongd og megnar at halda tætt í verjupartinum. EB/ Streymur hevur ov tunnan hóp til veruliga at blanda seg. Tryggur 2-0 sigur til HB. BILL M. JACOBSEN fyrrverandi U21 landsliðsvenjari B36 – Víkingur 1-1 Tey hava spælt javnleik í landskappingini, og eg vænti enn ein javnan dyst. Javnleikur við Víkingi sum vinnara eftir umdyst ella brotsspørk. NSÍ – Suðuroyðarliðið 3-0 NSÍ er ikki rættiliga komið í gongd í landskappingini, men eg vænti at startskotið til eina góða NSÍ gongd kemur skírisdag við einum tryggum sigri. ÍF – KÍ 0-1 Vænti mær ein taktiskan dyst, sum kann fara báðar vegir. Havi tó KÍ sum lítlan favoritt, og eg vænti, at fysikkurin verður avgerandi. HB – EB/Streymur 1-0 Bæði liðini eru væl skipað, og hetta fer at merkja dystin. HB fer tó vera meira á bóltinum, og eg vænti, at júst hetta fer at verða avgerandi á degnum. TEITUR JOENSEN viðmerkjari og fyrrverandi spælari ÍTRÓTTUR