hósdagur 20. apríl 2017síða 16

FRÍGGJADAGUR 21. APRÍL 2017 SOSIALURIN 46 16 FANGAFLÝGGJAN Í MJØRKADALI Ein fangi, sum situr inni fyri vápnað rán, megnaði mikudagin seinnapart at sleppa sær til rýmingar. Í 16 tímar goymdi hann seg frá politinum, inntil hann at enda varð funnin í Kaldbak. Miðlahúsið hevur fylt hesari gongdini og á síðuni kanst tú lesa júst hvat hendi. Fleiri lesarar okkara hava sent okkum boð um, at tey vórðu fjálturstungin hósnáttina, tí vónleyst var at vita, um maðurin var vandamikil. Givið er, at hann hevur í øllum førum verið vandamikil einaferð – tá ið hann hótti ein mann við vápni til at geva sær pening. Elkin Klettheyggj, leiðari á Kriminalforsorgini, gevur vánaligu hølisviðurskiftunum ábyrgdina av tí, sum hendi. – Húsini í Mjørkadali eru ikki gjørd til at húsa fangum. Um tú vilt flýggja, kanst tú tað. Men tey Skandinavisku fongslini eru í heila tikið ikki gjørd so, at tað er púra vónleyst at flýggja, sigur Elkin Klettheyggj, sum harmast hendingina. BARBARA HOLM T að varð rættiligt rok uppi í Mjørkadali og har um leiðir mikukvøldið, tá ið ein fangi slapp sær til rýmingar, og megnaði at fjala seg frá løgregluni í 16 tímar ella har á leið. Elkin Klettheyggj er leiðari á kriminalforsorgini og hon varð­ ar sostatt av fangunum og varð­ haldinum í Mjørkadali. Sum vera man er hon hørm um støðuna, sum leiddi til eitt øgiligt stríð hjá løgregluni og ikki minst ótta millum tey fólkini, sum búgva nærhendis Mjørkadal. Elkin fær ikki sagt nakað ítøki­ligt um hetta málið, men hon greiðir frá, at varðhaldið í Mjørka­ dali er ein fyribils loysn – sum tó hevur verið einasta loysnin seinastu mongu árini og eftir ætlan fram til 2023. – Hatta húsið er á ongan hátt bygt til at húsa fangum. Hatta er gjørt til hermenn og teirra familjur og teir broytingar vit hava gjørt, eru bert ábøtur av smáum slag, sum bøta eitt sindur um støðuna. Men húsið er á ongan hátt útgjørt til at húsa fangunum, sigur Elken Klettheyggj. Víðari heldur hon, at tá ið talan er um eitt varðhald, sum hev­ur áleið somu krøvsum tey donsku »opnu fongslini«, so er støðan jú tann, at fangarnir hava munandi leysari teymar enn teir fangar, sum eitt nú sita í donskum »stongdum fongslum«. – Fangarnir sleppa út í verk­ staðin, sum er hinumegin varð­ haldið. Teir fara út við skrell­in­um og eru annars partur av dag­lig­ degnum í varðhaldinum. Ein fanga­vørður er altíð við teimum, men hann heldur ikki í hondini á teimum, sigur Elkin Klettheyggj – Okkara »garðspláss« er ein altan og har eru bert fáir metrar niður. So fangarnir kunnu lættliga rýma, um teir vilja, sigur Elkin Klettheyggj, leiðari á Kriminalforsorgini Elkin Klettheyggj, leiðari á Kriminalforsorgini: Varðhaldið í Mjørka­ dali er als ikki bygt til at húsa fangum RÝMDI FANGIN