hósdagur 20. apríl 2017síða 17

FRÍGGJADAGUR 21. APRÍL 2017 SOSIALURIN 46 17 og vísir á, at tað væl ber til at flýggja, um man veruliga vil. Ikki óvanligt at gera eina »arresthúsroynd« Elken Klettheyggj vísir á, at tað er púra vanligt at tosa um sokallaða arresthúsroynd. Tað er, tá ið fangar í eina tíð fara úr stongdum fongslum og í meira opin fongsul ella arresthús, har teir sleppa at fáa nakað fríari teymar eina tíð. – Hetta er ein partur av út­ slusingar­tilgongdini, sum man brúkar, um fólk hava tørv á luftfor­ andring, sigur Elkin Klettheyggj. Maðurin, sum rýmdi mikudagin, sat í fongsli í Danmark fyri vápn­ að rán. Spurningurin er tí, sæð í bak­spegilin, um hann yvir­høvur er egnaður at royna eina »arrest­ húsroynd«, tá ið hann er dømdur fyri so álvarsligt brotsverk. – Eg kann ikki siga nakað ítøki­ligt um hetta. Men vit skulu sjálvandi altíð eftirmeta, um okk­ ara trygd er í lagi og um vit skulu taka øðrvísi avgerðir, sigur Elkin Klettheyggj og heldur fram. – Um man er í vanda fyri at rýma, so er man ikki engaður at sita her í varðhaldinum, tað er vist. Tí trygdarumstøðurnar eru ikki til tess, sigur Elkin Klettheyggj. Skulu hava møguleika at rýma Elkin Klettheyggj, leiðari í krimi­ nalforsorgini, er av tí sannføring, at fangarnir, sum sita í varðhaldinum, skulu hava vónina um, at tað ber til at flýggja. – Yvirornað eru fongslini í Skandinavia ikki gjørd til, at fólk ikki kunnu flýggja. Í síðsta enda skal man kunna flýggja, sigur Elkin Klettheyggj. Víðari greiðir hon frá, at vónin hevur stóran týdning. – Um so er, at fangar ongan møguleika hava at rýma, so kunnu teir blíva desperatir og vandamiklir. Teir skulu hava møguleikan at rýma, um alt gerst púra vónleyst, sigur Elkin Klettheyggj. Hendingin leiðir til eftirmeting Tað er at kalla ongantíð hent, at ein fangi er flýggjaður úr Mjørkadali. Og hendingin mikukvøldið fer tí at leiða til, at varðhaldið og krimi­nal­ forsorgin fara at eftirmeta manna­ gongdirnar í samband við trygd. – Mannagongdirnar hjá okkum eru fylgdar, og í fyrstu atløgu vil eg siga, at hetta ikki fær nakrar av­ leiðingar fyri nakað starvsfólk, tí eingin hevur gjørt nakað skeivt. Men vit fara at eftirmeta okk­ara manna­ gongdir, sigur Elkin Klett­heyggj. Fyri hana er trupulleikin, at danski myndugleikin, sum varðar av økinum, ikki hevur eina greiða ætlan fyri føroyska varðhaldinum. – Ynskir man at tað skal vera eitt arresthús? Eitt opið fongsul ella eitt stongd kanska? Nú hevur man júst longt sáttmálan fyri hendan bygningin her uppi til 2023, og tí er hendan fyribils loysnin veruleikin í mong ár aftrat. Eg vildi ynskt, at man longu nú legði eina ætlan fyri, hvat man víðari ætlar aftaná 2023, sigur Elkin Klettheyggj. BARBARA@SOSIALURIN.FO Hótti seg til hálva triðju millión 37 ára gamli maðurin, sum rýmdi úr arrestini í Mjørkadali, hevur ein hálvtsætta ára fongsulsdóm fyri vápnað rán Dømdur fimm og eitt hálvt ára fongsulsrevsing: EIRIKUR LINDENSKOV Maðurin breyt inn í húsini hjá Niels Peter Louis-Hansen í Ved­ bæk í Danmark. Niels Peter Louis- Hansen eigur fyritøkuna Coloplast, og hann sigst vera triðríkasti mað­ ur í Danmark. Niels Peter Louis-Hansen og konan vóru inni og sótu til borðs, tá tann tá 36 ára gamli føroyingurin breyt inn til teirra við masku fyri andlitið. – Hann kommanderaði okkum at leggja okkum niður á gólvið. Hann var klanur, í myrkum, pro­ fessio­nellum klæðum, andlitið var fjalt í onkrari hettu. Í hondini hevði hann eitthvørt, sum líktist eini skambyrsu, greiddi Niels Peter Louis-Hansen, tá málið var fyri í rættinum. – Hann tekur so ein brævbjálva fram og sigur á enskum: »Les hetta«. Eg lati brævbjálvan upp og lesi brævið, greiddi Coloplast- eigarin frá. Í brævinum var eitt krav um 2,5 milliónir krónur, sum skuldu vera endurgjald til eina japanska gentu, hvørs systir og mamma vóru deyðar í ferðsluvanlukku. Í brævinum stóð, at Niels Peter Louis-Hansen hevði ábyrgdina av ferðsluvanlukkuni, og tí hevði tann 19 ára gamla gentan leigað eini sníkidrápsmann at drepa parið, um hann ikki vildi rinda peningin. – Tú vilt jú fegin spæla sterkur í slíkum støðum, men tað var ikki annað at gera, enn at lesa brævið, greiddi Niels Peter Louis-Hansen frá í rættinum. Hvørki Coloplasteigarin ella konan kendu nakað til japansku ferðsluvanukkuna, men kendu seg tó noydd at flyta pengarnar. – Aftaná segði hann »have a nice evening«, og so fór hann. Síðan sita vit og summa okkum og avráða, hvat vit nú skulu gera. Vit vistu ikki, um fleiri fólk vóru við til hetta, ella um hann stóð uttanfyri og bíðaði. Men eftir eina løtu fór eg niður í kjallaran og ringdi til Securitas og løgregluna, greiddi Niels Peter Louis-Hansen frá. 36 ára gamli føroyingur noktaði seg sekan í rættinum og vildi einki siga um sín leiklut í heimaráninum. Tískil fekk rætturin onga frá­ greiðing uppá, hví tær 2,5 milli­ ónir krónurnar vóru fluttar á hans­ara konto, og hví brævið, sum Coloplas­teigarin varð biðin um at lesa, varð funnið á teldu hansara. Undir rættarmálinum kom eisini fram, at maðurin hevði plan­ lagt ránið í umleið átta mán­aðir, til hann 1. mars í 2015 breyt inn í marglætishúsini hjá Coloplast­ eigaranum í Vedbæk við at bróta ein rút í hurðini við einum steini. Tað kom eisini fram at hann hevði latið seg í sum ein svartur ninja- stríðsmaður. Býarrætturin dømdi mannin hálvtsætta ára fongsul. Maðurin kærdi dómin til landsrættin, sum seinni staðfesti dómin. EIRIKUR@SOSIALURIN.FO Hetta hendi: Maðurin rýmdur úr varðhaldinum klokkan 17.15 mikudagin. Stutt eftir fóru løgreglufólk og hundar at leita eftir manninum. Illveður og mjørk var um hetta mundið og tískil var ikki hugsingur um at senda tyrluna upp at leita eftir manninum Løgreglan sá tað heldur ikki ráðiligt, at umbiða hjálp frá bjargingarliðum fyrr enn hósmorgun klokkan 07.00. Mikukvøldið setti løgreglan síðani fólk á ymisk støð nærhendis Kaldbak og Mjørkadal. Hetta so, at um maðurin kom á høvuðsvegin kundi hann verða fangaður. Stutt eftir klokkan 8 hósmorgun var maðurin fangaður í einari ódramatiskari handtøku í Kaldbak. Løgreglan helt upprunaliga, at maðurin var farin í fjøllini, men tað vísti seg, at hann hevði goymt seg í einum fjósi í Kaldbak. Hósdagin var maðurin so avhoyrdur av løgregluni og hevur verið í rættinum, har hann fekk 40 aftrat teimum hálvsættu árunum hann hevði frammanundan.