hósdagur 20. apríl 2017síða 18

FRÍGGJADAGUR 21. APRÍL 2017 SOSIALURIN 46 18 Vit eiga øll jørðina: HEVUR TÚ VEÐUR­ LAGS­ANGIST? »Eg hevði viljað at eg ongantíð lærdi hatta orðið, tí áðrenn visti eg ikki um mín ótta, eg var lukkuliga óvitandi«. Soleiðis segði ein vinkona mín eftir nakrar mánaðir í Svøríki. Sviar hava í nógv ár tosað um »klimatångest« – veður­ lagsangist – sum nokk meira er ein djúpur ótti, heldur enn beinleiðis angist. So ger so væl, føroyingar, her fáa tit enn eitt orð at fyrihalda tykkum til og enn ein ótta at vera tilvitað um: VEÐURLAGSANGIST. TJÓÐHILD PATURSSON Veðurlagsangist er tann sterka kenslan av fjáltri og ótta, sum nógv fólk kenna í sambandi við prátið um veðurlagsbroytingarnar; og tann kenslan av maktarloysi sum fylgir við - tí hvat kann eg, lítla menniskja, gera við tað? Summi vilja vera við, at tá ið vit menniskju verða sett andlit til andlits við vandar í framtíðini, slær verndarmekanisman til, og vit fortreingja, minka ella fornokta vandan - tí hugsa vit ov nógv um veðurlagsbroytingarnar og alt tað vit gera galið, ja, so ber næstan ikki til at liva. Eg las herfyri eina stuttliga grein í Dagens Nyheter ‘Hur hanterar du din klimatångest?’ (Hvussu handfert tú tína veðurlagsangist?). Yvirskiftin leggur onkusvegna upp til, at vit øll líða av veðurlagsangist (sjálvsagt eru vit bangin, tá ið ‘tey’ siga, at heimurin fer at ganga undir!), men at vit handfara hesa angist ymiskt. Hetta royni eg at hugsa um, tá ið eg tosi við fólk sum (eftir mínum tykki) býttisliga siga: ‘Altso Tjóðhild, kanst tú ikki bara gleðast um at tað verður heitari í Føroyum?’ - aha! HIN AVNOKTANDI! Ella um onkur sigur: ‘Tað ger ongan mun, um eg skilji mítt rusk - eg eri bara ein dropi í havinum’ - aha! HIN UPPGEVANDI! Hetta smáskemtandi yvirlitið yvir ‘hvussu vit handfara okkara veðurlagsangist’ minti meg á, at vit gera okkara frægasta at vera til í einum heimi við støðugum útmiðlaum hóttanum. Kanska hetta yvirlitið eisini kann hjálpa tykkum øðrum at skilja meg – hin, ið gongur tørn (umhvørvistørn). Eg gerist bangin, um ljóta heimin, og royni at gera alt rætt… Til tað verður ov strævið at bíleggja økologiskar bambusbuksur á netinum og hárið ongantíð verður nóg reint við heimagjørdu tálgsápunum… og eg ‘gloymi’ tað eina løtu og finni eina lekkra óøkologiska blusu, og fái útlongsul og flúgvi í 4 tímar til Barcelona, har eg eti óøkologiskan mat í eina viku…. ella til næsta tørn. Ja, eg gangi umhvørvistørn - hvussu handfert tú tína veðurlagsangist? Veðurlagsklumma VEÐURLAGSANGIST