hósdagur 20. apríl 2017síða 25

FRÍGGJADAGUR 21. APRÍL 2017 SOSIALURIN 46 25 ONGULEIÐARAR EINA SEMJU verið frammi og sum heldur ikki semja er um, er økiskvotur. Tað vil siga, at økir í landinum fáa framíhjárætt til ávís rættindi. Hetta er heldur ikki semja um, men møguliga finnist loysn á hes­um spurningi við at umdoypa økis­ kvotur til royndarloyvir. Sum skilst, so kann hetta gera, at fleiri sam­ gongufólk kunnu taka undir við tí. Økiskvotur fáa fleiri at halda, at tað ikki kann vera rætt, at summi økir í landinum bara fáa rættindi fram um onnur. Tað halda tey eisini er ein politisk útluting. Lógin, sum skal forða fyri at summi feløg gerast ov sterk og ov stór – anti trust – hevur heldur ikki fulla undirtøku. Tingfólk halda, at hetta fer at forða fyri, at tey feløg, sum eru stór í dag og eru væl fyri at kappast, fara at missa hug og motivatión. Tey halda eisini, at hetta fer at føra til spekulatión og strámanna­ virksemi. Lokalar kreftir Kring landið eru tingfólk, sum kenna seg varða av ymiskum økjum í landinum. Tey hugsa í stóran mun um hesi økir og hvørja ávirkan ein nýggj fiskivinnulóg fer at ávirka júst hetta økið. Tað er nevnt fleiri ferðir, at ser­ liga teir báðir javnaðar­ting­menn­ irnir á Tvøroyri verja borg og royna at forða fyri, at onki verður gjørt, sum niðurlagar virksemi á Tvøroyri. Tað sama tykist gera seg gald­ andi millum tingfólk úr øðrum økj­um. Tey hugsa um lokaløkini og onki er at ivast í, at tey eru undir stórum trýsti frá lokalum kreftum. Summi teirra vita eisini væl, at eru tey við til at gera eina lóg, sum ger at virksemi í teirra lokala øki minkar, so er vandin fyri at tey ikki verða vald aftur á ting rættuliga stórur, sjálvt um vit hava eitt valdømi í dag. Kroystir leiðarar Samgonguleiðararnir Akseel V. Johannesen, Høgni Hoydal og Poul Michelsen eru rættuliga kroystir politiskt í løtuni. Teir fóru allir til val upp á at broyta fordeilingina av virðum í samfelagnum og sum nevnt oman­fyri, so er tað eisini at býta rættindini til at veiða øðrvísi. Lógin um vinnuligan fiskiskap var søgd upp fyri 10 árum síðani – altso í 2007 – at fara úr gildi á nýggj­ árinum í ár. Tí skal okkurt gerast. Hendan samgongan hevur átikið sær uppgávuna og fyrst og fremst landsstýrismaðurin við fiski­vinnumálum hevur gingið á odda. Aðrar samgongur hava ikki arbeitt so nógv við málinum og hóast Fólkaflokkurin og sam­ bandsflokkurin royndu eitt skifti í seinastu samgongu at finna eina felags loysn, so eydnaðist tað als ikki og málið varð lagt á hillina. Núverandi samgonguleiðararnir hava síðani valið í 2015 arbeitt við nýskipanini, men málið er eisini ómetaliga stórt og fløkt. Tað røkist ikki fyri einari semju uttan so, at landsstýrismaðurin við fiskivinnumálum tekur ávísar partar úr uppskotinum. Tað skal til fyri at øll í samgong­ uni taka undir við uppskotinum. Um landsstýrismaðurin vil tað er óvist. Hann heldur fast um sjálvt málið, men sum skilst, so er hann sinnaður at geva seg í einstøkum málum, bert málini ikki verða slept. Samgonguleiðararnir eru kroyst­ir, tí fæst semja ikki und­ an summarsteðginum, so er sam­ gongan so nógv viknað, at hon neyvan kann halda fram. Aksel V. Johannesne, løgmaður, skal eisini lata tær neyðugu atkvbøðurnar Poul Michelsen er helst tann samgonguleiðarin, sum er minst kroystur í fiskivinnumálinum