mánadagur 24. apríl 2017síða 4

Mánadagur 24. apríl 2017 · Nr. 47 4 Sosialurin Hugskot og viðmerkingar – send sms til 225000 UNDIR FÝRA EYGUM Hugskot og viðmerkingar – send sms til 225000 Hvønn politikara hevur tú samstarvað serliga væl við? – Eg havi havt gott samstav við nógvar politikarar úr mínum flokki og úr øðrum flokkum. Eg havi lagt uppskot fram saman við eitt nú Aksel V. Johannsen og Sirið Stenberg, og hjúnabandsmálið varð lagt saman við Kristiannu Wither Poulsen, Honnu Jensen og Sonnu Jógvansdóttir. Eg arbeiddi eisini sera væl saman við Kára á Rógvi, sála. Gott samstarv krevur álit. Hvat land kundi tú hugsað tær at vitja? – Eg havi verið í Peru og kundi hugsað mær at sloppið aftur til Suðuramerika at vitja fleiri lond. Í summar fer øll familjan at ferðast í Ungarn, og tað gleði eg meg eisini til. Eyðun Klakstein Hon telist ikki millum politik­ararnar, sum larma mest og markera seg við um­strídd­um sjónarmiðum í almenna rúmum. Hon vil held­ur siga sína hugsan á rætta stað til røttu tíð, og fyri hana er stóri vinningurin av politiska arbeiðnum, tá ið tað lukkast at fáa mótstríðandi meiningar at ganga saman um eina loysn á ítøkiligum mál­um. Bjørt Samuelsen hevur síðani 2008 umboðað Tjóð­ veldi í løgtinginum og lands­ stýrinum, men leingi noktaði hon at lata seg stilla upp til løg­tingsval. – Eftir at hava búð 16 ár uttanlands fluttu vit heim til Føroya í 2000, tá ið stór optimisma var í sam­fe­lag­ num. Fólk fluttu aftur til Før­oya, og fólka­at­kvøða skuldi verða um fullveldi. Longu árið eftir varð eg spurd, um eg vildi stilla upp til løgtingsval, men tað hevði eg ikki hug til. Eg umhugsaði tað, men eg avgjørdi, at eg ætlaði mær ikki at verða politikari og segði nei takk, greiðir Bjørt Samuelsen frá. Hon var tá farin í starv í Útvarpinum, har hon kundi brúka sína útbúgving sum journalistur. Á løgtingsvalinum í 2004 komu bert tríggjar kvinnur í løgtingið, og tað var ein við­ virkandi orsøk til, at Bjørt Samuelsen fýra ár seinni still­aði upp í politikki. – Eg arbeiddi við at fáa fleiri kvinnur at stilla upp, tí Føroyar høvdu botnmet í kvinnuligari umboðan, og tað kundi tykjast eitt sindur ironiskt, at eg ikki vildi lata meg stilla upp. So eg valdi at vísa vilja og tók avbjóðingina á meg, sigur hon. Bjørt Samuelsen stillaði upp á løgtingsvalinum í 2008 og varð vald. –­ Tá ið tú kemur í løg­ting­ i­ð, so kunnu tvey ting henda. Tú kanst fáa hug at stinga av aftur beinanvegin, ella tú fært politikkin í blóð­ið. Hjá mær hendi meira av tí seinna. Eg motiverist av tankanum um, at tað ber til at broyta ting til tað betra. Tað er ikki altíð heimsins besta starv at vera politikari, tí tú ert ein almennur per­són­ ur og stendur støðugt yvir fyri truplum avbjóðingum, sum skulu loysast, men tá ið tað lukkast at fáa mál ígjøgnum, kanska saman við politikarum, sum tú ert ósamd við, er tað stríðið vert, sigur Bjørt Samuelsen. – Politiska arbeiðið er avbjóðandi og samansett, tað gevur breitt innlit í sam­ felagsviðurskifti, og tú fært møguleika at broyta ymiskt. Samspælið við onnur fólk er eisini spennandi, og tú skalt læra handverkið at sam­ starva við fólk, sum tú ert djúpt ósamd við um ym­isk politisk ella persónlig viður­ skifti, sigur hon. Vargarnir verða løntir Føroyskur politikkur er í alt størri mun merktur av politikarum, sum markera síni persónligu sjónarmið fram um flokkin ella sam­ gongu, og tað hóvar Bjørt Samuel­sen sera illa. – Tað er ótrúliga oyði­ leggj­andi fyri eina sam­ráð­ ingar­støðu ella eitt politiskt samtarv, tá ið onkrir politik­ arar velja at koyra sítt egna løb og leka upplýsingar ella fara út alment at markera seg. Og tað er ræðandi at síggja, hvussu væl hesin at­ burður verður løntur av fjøl­ miðlunum, flokkunum og eisini av veljarunum. – Miðlarnir dekka altíð tey, sum eru í andsøgn ella í uppreistri móti sínum egnu, og tað gevur í nógvum førum atkvøður seinni. Politikarar verða soleiðis eggjaðir til at koyra solo, tí tað kann løna seg politiskt. Eg skilji væl, at tað kann verða freistandi at fara í miðlarnar at markera seg í málum, sum hava stórt uppmerksemi, men tað ger bara politiska arbeiðið enn truplari, og tað er ikki so­ leiðis, at tú fært semjur og mál ígjøgnum. Bjørt Samuelsen telist ikki millum teir politikar­ar­ nar, sum í tíð og ótíð buldrar ​– Individualisma og eg-mentan fyllir alt ov nógv í føroyskum politikki, og tað er kanska ikki so løgið, tá ið ein politikari kann fáa túsund atkvøður fyri at vera upp á tvørs heldur enn at innrætta seg í floksdisiplina, sigur Bjørt Samuelsen, løgtings­ kvinna, sum heldur, at flokkarnir mugu taka seg saman og forða fyri, at hetta heldur fram EG-MENTAN GER FLOKKARNAR VEIKAR