mánadagur 24. apríl 2017síða 12

Mánadagur 24. apríl 2017 · Nr. 47 12 Sosialurin Hugskot og viðmerkingar – send sms til 225000 LÝSINGARTORGIÐ Arbeiði Uttandura málaraarbeiði verður gjørt Uttandura málaraarbeiði verður gjørt. Ring 517704 Herman Dam 517704 B.H.C smíð Timbur og snikkaratænasta Treingja hús tykkara til ábøtur? Vit átaka okkum alt timburarbeiði, vit garantera dygdarsmíð, skjótt og til ein rímiligan kostnað. Royn okkum! B.H.C smíð tlf. 218991 Bingo Gott Bingo hjá EB-Streymi Gott bingo verður við Margáir mánakvøldið 24. apríl2017 kl. 19. Øll hjartaliga vælkomin. EB-Streymur Býli í Føroyum Garaga á Argjum til leigu. 27 m2 garaga til leigu á Argjaboða 1500 kr/mð. 287580/317580/517580 Húsarhaldstól LEIGA HVÍTVØRUR VIÐ KEYPSRÆTTI VASKI­MASKINUR,TURKITRUMLU R,UPPVASKIMASKINUR,KOMFÝR AR OG VASKI/TURKIMASKINUR .EINKI DEPOSITUM ÓKEYPIS ÚTKOYRING UM ALT LANDIÐ SÍ MEGNA.FO Megna v/ Guttorm Mortense tlf 251160 NØVN Jóannes S. Hansen 70 ár Í dag, mánadagin 24. apríl, verður Jóannes Símunar­ son Hansen í Saltangará 70 ár. Jóannes var í nógv ár bankamaður, og mong kom­ ast við hann frá listarliga pallinum, har hann hevur gjørt vart við seg bæði við penslinum og innan sang og tónleik. Vøggan stóð á Toftum. Mamman er Karla fødd Joen­sen og ættað úti á Lið í Sørvági. Pápin var Símun Hansen ættaður úr Túni á Toftum. Tá ið Jóannes varð føddur, búðu tey inni hjá ommuni og abbanum, Sannu og Andriasi Hansen í Túni. Símun var vinnulívs­ mað­ur, og harafturat var hann fyrsti leiðarin í deild­ ini hjá Føroya Banka í Runa­ vík. Jóannes var trý ára gamalur, tá ið tey fluttu í húsini í Runavík, sum eisini hýstu Føroya Banka. Í 1960 fluttu tey í húsini, sum Karla og Símun høvdu latið byggjað úti á Mýrunum. Karla og Símun fingu seks børn: Jóannes (1947), Sanna (1951), Andre­as (1955- 1958), Kristina (1958-1984), Andreása (1959) og Kára (1961). Jóannes, Andreása og Kára búgva í Saltangará, og Sanna býr í Rókini í Salt­ nesi. Tað var dyggur smeitur hjá familj­uni, tá ið Símun doyði av sjúku í 1968 – bara 45 ára gamalur. Jóannes kendi og hevur síðani kent stóra ábyrgd fyri mamm­ uni og systrunum. Stór­ir sjógvar hava fleiri ferðir skolað omanyvir tey, og tað hevur styrkt um familju­ bandið, sum er ógvu­liga tætt. Í nógv ár var Jóannes banka­maður. Seinnu árini hev­ur hann ver­ið nógv í skúl­unum í Sunda komm­ unu. Tað eru nógv sam­ býli í Eysturoy. Í teimum er Jóannes við til at syrgja fyri fjølbroytni í ger­andis­ degnum. Hann undir­held­ ur og upplýsir, eitt nú við at spæla uppá og syngja saman við búfólkunum og at lesa fyri teimum og práta við tey. Pápanum og Louisi mammu­beiggjanum dámdu væl at royna seg við pensl­ in­um. Hetta festi eisini í hjá Jóannesi, sum longu á ólav­søku í 1966 luttók í fyrstu fram­sýningini. Hetta var í auluni í Komm­ unuskúlanum í Havn. Í mong ár hevur Jó­ ann­es undir­víst í máling í kvøld­skúlum í Eysturoy, og fleiri teirra, sum nú eru viðurkendir listarmenn og hava listina sum livibreyð, royndu seg fyrstu ferð við lørifti og pensli í kvøldskúla hjá Jóannesi, sum undir­ vísti, uppmuntraði og gav íblástur og sjálvsálit. Jó­ ann­es hev­ur ofta luttikið á fram­sýningum – bæði einsa­mallur og saman við øðrum, heima og burturi. Myndatólið hevur altíð verið partur av útgerðini. Jóannes man vera tann, sum í Runavíkar komm­unu hevur tikið flestar mynd­ir seinastu knappliga seksti árini. Hetta er framúr íløga og man ikki minst fara at vísa seg at vera kærkomið, nú søgan um kommununa skal skrivast, og stóra menn­ingin harvið verður lýst og eisini dokumenterað í myndum. Í 1965 varð Berøa í Sal­tangará bygt. Longu framm­anundan, at Berøa varð reist, hevði Jóannes í fleiri ár verið orgul­spælari í sunnu­dags­skúl­anum í sal­ inu­m á Toft­um. Øll árini í Berøa hev­ur Jóannes verið ógvuliga trúfastur í sam­ komuni. Hann var sunnu­ dags­skúla­lærari í mong ár, og hann hevur verið álitið í undirspæli til felags­sangin øll árini. Tá ið jarðarferðir hava verið úr salunum hjá brøðra­sam­komunum á Skála, í Søldar­firði, á Toft­ um og í Saltangará hevur Jóannes sum oftast spælt undir og verið for­sang­ari á grøvini. Slíkt er trúfesti. Tað er einki at liggja omaná, at tað liggur framúr væl fyri hjá Jóannesi at spæla og improvisera á orgli­num og klaverinum. Hetta megn­ar hann sum fáur. Tey fyrstu árini, eftir at Berøa varð bygt, hevði Jóannes saman við øðrum sang­kór. Í sjeyti árun­um var hann við í Miðnáttarsangbólkinum, sum var til stóra gleði í Berøa og nógva aðra staðni kring landið. Tað kemur framvegis meiri enn so fyri, at sangir eru av hoyra av báðum bondunum, sum Mið­náttar­sang­bólkurin gav út. Fyri nøkrum árum síðani vórðu tvær fløgur útgivnar við kendum løgum, sum Jóannes spælir á klaverið. Tann fyrra var klassiskum kristiligum løgum og tann seinna við jólaløgum. 31. oktober í 1970 giftist Jóannes Sæunn Ólavsdóttir Gregersen úr Syðrugøtu. Hon er dóttir Elin Mariu og Ólav Gregersen. Sæunn og Jóannes búðu eitt stutt skifti í Syðrugøtu, áðrenn tey fluttu í snøggu húsini í Saltangará, har tey eiga hugnaligt heim. Børnini hjá Sæunn og Jóannesi eru Símun Jóannesarson Hansen (1972), Elin Maria Jóannesardóttir av Reyni (1978) og Ólavur Jóannesar­ son Hansen (1980). Elin Maria og Ólavur búgva í høvuðsstaðnum, og Símun býr í Saltangará. J NEYSTAOGN Í VESTMANNA TIL SØLU Vegna Føroya Skiftirætt verður neystaognin matr. nr. 29e, Vestmanna við hesum lýst til sølu. Áhugaði kunnu venda sær til. ADVOKATVIRKIÐ J.H. Schrøtersgøta 20, Postsmoga 85, 110 Tórshavn, Tlf. 31 21 71, sigrid@advokatvirkid.fo www.advokatvirkid.fo Frá Havnar Handverkarafelag og Eftirlønargrunni Havnar Handverkarafelags Havnar Handverkarafelag Stoffalág 60 · Box 203 · FO-110 Tórshavn Aðalfundurin verður mikudagin 26. apríl 2017 kl. 19.00 í hølum felagsins Stoffalág 60. Skrá samb. § 21 í lógini: 1. Val av fundarstjóra. 2. Frágreiðing frá farna árinum. 3. Roknskapur til góðkenningar. 4. Innkomin mál. Nevndin mælir til at broyta reglugerðina fyri Bata 5. Val av nevnd. 6. Val av grannskoðara. 7. Ásetan av limagjaldi. 8. Ymiskt. Aftaná aðalfundin verður aðalfundur í Eftirlønargrunninum við hesi skrá: Skrá samb. § 8 í viðtøkunum: A. Val av orðstýrara. B. Frágreiðing frá nevndini um virki grunnsins í farna ári. C. Framløga og góðkenning av roknskapi og fíggjarstøðu. D. Støða verður tikin til, hvat gerast skal við møguligt avlop ella hall. E. Val av nevndarlimum. F. Val av grannskoðara. G. Møgulig mál frá nevnd/limum. Nevndin mælir til, at gera fleiri broytingar í viðtøkunum. Endamálið við broytingunum er at dagføra viðtøkurnar soleiðis, at hesar vísa galdandi viðurskifti. Eisini verður mælt til at gera málsligar rættingar. Okkurt verður til matna eftir fundirnar. Møtið fjølment. Sí lýsing á www.handverk.fo Havnar Handverkarafelag Samkoman Marknagil Fjalsg.2, Tórshavn Mánakvøldið kl.20 bønar- og uppbyggingarmøti. Øll hjartaliga vælkomin. Ebenezer Mikumorgunin 26. apríl kl. 10 – 12 møtast foreldur og børn undir skúlaaldur. Mikukvøldið 26. apríl kl. 20: Bønar- og uppbyggingarmøti. Hóskvøldið 27. apríl kl. 20: Ungdómsmøti. Hjartaliga vælkomin Meinigheitshúsið í Havn Týsdagin, kl. 20, Bíbliutími við Egil Joensen, Matt. 28, 16-20 Hósdagin, kl. 20, Ungdómsmøti, við luttøku frá Åbne døre Sunnudagin, kl. 14, Sunnudagsskúli, kl. 17.30 Bønarløta, kl. 18, Møti www.meinigheit.fo KFUK í Havn Hósdagur 27. apríl kl. 15.00 í KFUK: Binditreff, allar kvinnur eru vælkomnar. Hósdagur 27. apríl kl. 19.30 í KFUK: Silas Olofson sigur frá um Turkaland. Pensionistafelagið í Havn Mikudagin 26. apríl kl, 19,00 verður hugnaløta í Losjuni. Á skránni er upplestur. Tekningarlisti til útferð við bussi til Viðareiðis 25. mai, liggur frammi. Seinasta freist at boða frá og at gjalda fyri útferðina er 19. mai. NB! Allir pensionistar eru vælkomnir til fundin. Losjan í Havn Tinghúsvegur 18 Fríggjadagin 28. apríl frá kl. 15 til 18 hittast tilkomin og eldri fyri seinastu ferð í vetur. Byrjað verður aftur í september. Tiltøk