mánadagur 24. apríl 2017síða 22

Mánadagur 24. apríl 2017 · Nr. 47 22 Sosialurin Hugskot og viðmerkingar – send sms til 225000 Hey Gilli og til lukku við flotta málinum í gjár. Hvar kom hasin hælarin frá? Takk fyri tað. Nú er tað so, at eg havi skorað so nógv til venjing í seinastuni, at tað mátti koma okkurt máli burturúr fyrr ella seinni. At skorað upp á handan mátan vísur yvirskot. Hevur tú skorað nakað líkandi mál, ella er hatta tað besta tú hevur skorað? Sjálvandi eg skorað nógv flott mál í míni tíð. Tvætl, men eg havi skorað eitt betri mál móti á Sevmýri móti VB/Sumba. Hevur tú fingið nógvar reaktiónir fyri málið? Tú veist sjálvur hvussu tað er, tá tú hevur skorað eitt vakurt mál. Tað eru altíð nógvar reaktiónir ;) Hvussu er tú nøgdur við gongdina higartil í ár í Brann? Vit eru við har, sum tað er stuttligt, so tað er á eini leið. Eisini gongur tað væl persónliga. So alt í alt er tað ikki so galið 5. Kunnu tit endurtaka bragdið frá í fjør og vinna silvur? Eg vil ikki siga so nógv so tíðliga í kappingini. Vit taka í løtuni ein dyst á gangin og so fáa vit at síggja hvussu langt tað røkkur. Vikan ið fór Kyndilskvinnur vunnu greipuna, tá tær leygarkvøldið spældu javnleik 17-17 í seinnu FM finaluni móti Neistanum. Kyndil vann fyrru finaluna 26-22 og kundi tí vinna FM við javnleiki H71 er somuleiðis greipuvinnari hjá monnum. H71 vann 26-21 á VÍF í seinnu FM finaluni. H71 vann eisini fyrru finaluna, og er tí greipuvinnari í manshondbólti. Hetta var somuleiðis seinasti dysturin hjá Peter Krogh Suðuroyingar eru oddalið í Effo- deildini, eftir at teir vendu 0-2 til 3-2 í fimta umfari, sum var um vikuskiftið. Sigurin hevur við sær, at nýggja felagsliðið liggur á odda, meðan Víkingur og KÍ elta. Tey spældu javnt í Gøtu Kontrast FM hevur verið um vikuskiftið. Millum søgurnar eru, at Rannvá D. Carlsen er FM vinnari í badminton fyri sættu ferð Lionel Messi skoraði tvær ferðir, tá FC Barcelona vann 3-2 á Real Madrid í uppgerðini, ið er doypt “El Clasico” Tað verða Chelsea og Arsenal, sum møtast í FA Cup finlauni. Tað er greitt eftir at Chelsea vann á Tottenham, meðan Arsenal vann á Manchester City Nú er greitt, at Sporðdrekin verður í kurvabóltsfinlauni saman við Ravni, sum var ósigrað undan dystinum teirra millum. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Gilli Rólantsson Sørensen Aldur: 24 ár Starv: Yrkisfótbóltsspælari í Brann Bergen Royn tína vitan um ítróttin her og nú! Svarini standa niðast til vinstru, men royn teg nú fyrst 1 Hvør bleiv útvistur í Runavík í dystinum millum NSÍ og HB? 2 Hvør bleiv útvístur í El Clasico uppgerðini millum Real Madrid og FC Barcelona 3 Lionel Messi skoraði tvey av málini hjá FC Barcelona, men hvør annar skoraði fyri FC Barcelona? 4 Áleyparin hjá ÍF, Adeola Runsewe, er burturvístur av landinum við vantandi loyvi. Hvørs landsmaður er hann? 5 Suðringar vunnu í gjár 3-2 á B36, men hvør skoraði sigursmálið? 6 Gilli Rólantsson svarar fimm spurningum í dag, men hvørjum skotskum liðið hevur hann spælt við sum yngri? 7 Hvør er liðskipari hjá Real Madrid? 8 Hvør er spælarin á myndini? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1: Einar Tróndargjógv (NSÍ) 2: Sergio Ramos (Real Madrid) 3: Ivan Rakitic 4: Nigeria 5: Poul Ingason 6: Aberdeen 7. Sergio Ramos 8: Alexandar Stankov (HB) Mads Timm er mest kendur sum ungi danski fótbóltsspælarin, sum bleiv keyptur til Man­ chester United, men ikki bleiv til nakað. Í bólkini greiðir hann frá hví og hvussu lívið er í Manchester United sum ung fótbóltsstjørna. Tað er fleiri sløg av bókum, sum spælarar geva út. Tað eru David Beckham bøkurnar, sum eru um stórar stjørnur, ið hava alt ov nógv at missa, tl at skriva nakað frá myrku síðunum. Síðani eru tað spælarar sum David Nielsen og Stig Tøfting, sum skriva beint frá hjartanum, men ikki hava spælt á høgsta stigi. Hendan bókin er nærri bókini, sum vit ummæltu av Martin Nielsen, ið eitt skifti var ungdómsmálverji hjá Liverpool. Her sleppur tú tætt at stóru stjørnunum, skrivað av spælarum, ið einki hava at verja. Mads Timm fekk allar møguleikarnar, sum tú kanst ynskja tær, men hann vildi tað nokk aldrin. Bókin varpar eisini eitt øðrvísi ljós á Sir Alex Ferguson, enn vit vanliga síggja. Les um: Tú vilt hava røvarasøgur úr Premier League og annars kennist við søguna um Mads Timm Ikki lesa um: Bókin er nokk ikki til tey heilt ungu, so ikki lesa um tú væntar ein sólskinssøgu, har tað fúlasta er skorað vekk Hvussu er at lesa: Havi sagt tað fyrr, danskarar duga væl at skriva lættar og áhugaverdar bøkur. Hvat sigur tú: Mads Timm er bersøgin um eitt nú privatlívið, so eg havi næstan hug at siga, at tú skal tola eitt sindur av, áðrenn tú traðkar inn í heimin hjá Mads Timm Fakta: Mads Timm gavst í 2009 við at spæla yrkisfótbólt. Hann er í dag 32 ár og eitt kent navn í Danmark, men ikki fyri tað, sum tey flestu høvdu væntað at hann fór at blíva kendur fyri ★★★★★★ UMMÆLI Tróndur Arge ummælir Mads Timm: Rød djævel ?