hósdagur 27. apríl 2017síða 12

FRÍGGJADAGUR 28. APRÍL 2017 SOSIALURIN 49 12 TEMA Vandamikil heilivágur BARBARA HOLM BARBARA@SOSIALURIN.FO 23 oktober 2014. Ein dagur, sum stendur rimmar fast í minnunum hjá Kristiani í Stórustovu og fam­ ilju hansara. Hetta var dagurin, tá ið hann og beiggjar hansara mistu mammu sína, 75 ára gomlu Jenny Eliasen. Hóast ein slíkur dagur altíð set­ ur seg fast í kropp og sinn sum ein sorg­ardagur, so var hesin dagurin øðr­vísi enn tað, sum Kristian helt hann fór at vera. Tí hóast Jenny hevði ein trupl­ an kropp, sum stríddist við fleiri sjúk­ur, ið kravdu serstakan stuðul, so bagdi høvdinum einki. Hon var glað, spent um at sleppa aftur at spæla kort við búfólkunum á Boða­nesheiminum – so skjótt hon fekk pláss og slapp av Lands­ sjúkrahúsinum eftir lokna við­ gerð. Men tað slapp hon ongantíð. Orsøkin, sum stendur í deyðs­ att­est hennara er, at hon er deyð orsaka av heilivágnum “Vene­fi­ci­ um (Leponex 250 mg)”. Ein sera sterk­ur heilivágur, sum sendi Jenny beint í koma og síðani í deyð­an. Hví hon tók heilivágin, sum ikki var til hennara, er ógreitt. Meðan starvs­fólk á Landssjúkrahúsinum siga, at hon sjálv hevur toygt seg yvir á grannaborðið eftir tabl­ ett­unum, so siga tey, sum stóðu henni nærmast, at tað er at kalla ómøgu­ligt at hugsa sær. Tí Jenny hevði álvarsamar trupulleikar í rygg­inum, og kundi tí ómøguligt toyggja seg eftir nøkrum sum helst, halda tey nærmastu. Hvussu víkur og vendur, so er í øllum førum greitt, at skeivi heili­vágurin tók lívið av Jenny Elia­sen, meðan hon lá á stovu í Lands­sjúkrahúsinum. Jenny Eliasen hevði stríðst við ym­iskar sjúkur og trupulleikar í kroppinum í fleiri ár. Hon hevði kol í lungunum, hevði sera skadd­ an rygg og trupulleikar í livrini. Men hon búði heima við hús inntil ein dagin, tá ið ryggurin gav eftir. Vónin tendraði aftur á Boðanesheiminum Ein summardag í 2014 vakna syn­ irnir hjá Jenny Eliasen í kjall­ ara­íbúðini í heiminum, sum teir deildu við mammu sína. Eini sonurin hoyrir eitt ordans buld­ ur, og komin upp á sær hann, at mamma hansara er dottin á ves­ in­um. Ryggurin gav undan og hon end­aði fram eftir rommum niðri í baði­kar­inum. Jenny fekk tá vitjan av heima­ hjálp fleiri ferðir um dagin, men um náttina kom eingin. Tá varð av­rátt, at spyrja seg fyri eftir pláss­ið á Boðanesheiminum, so at Jenny kundi vera í tryggari hond­ um alt døgnið. Og so bleiv. Kommunan játtaði Jenny eina umlættingartíð á heim­inum í tríggjar mánaðir, og Jenny blómaði aftur. – Hon veruliga treivst har úti. Hon gjørdist eitt heilt annað fólk, tí nú var hon aftur púra trygg. Hon elskaði lívið og sat har úti og spældi kort við búðfólkunum, greið­ir Kristian í Stórustovu frá. Men gleðin varð stokkut, tí stutt eftir fekk Jenny lungabruna og endaði á Landssjúkrahúsinum. Hon gjørdist frísk eftir eitt stutt tíðarskeið og flutt aftur á heim­ið. Men aftur hesaferð fekk lungna­ brun­in fatur á henni, og hon fór aft­ur á Landssjúkrahúsið. – Til síðst gingu hasir tríggir mán­aðirnir av umlætting á Boða­ nes­heiminum út, og mamma mátti vera liggjandi á Lands­sjúkra­ húsinum, meðan vit bíðaðu eft­ir umlætting, sigur Kristian í Stóru­ stovu. Skeivur heilivágur Tíðin á Landssjúkrahúsinum gong­ur, og meðan Jenny Eliasen ligg­ur har, fær hon hjálp frá fysio- og ergoterapeutum, sum hjálpa henni at koma fyri seg aftur. Og hon fær hjálp til at kalla alt. – Mamma kláraði sum oftast ikki á vesi sjálv, tí hon fekk so sera illa gingið fyri rygginum. Hon kláraði heldur ikki at eta sjálv altíð, ella at lata ein bommposa upp, men hon var við gott mót, sig­ur Kristian í Stórustovu. Tað gekk framá hjá Jenny, sum nú gleddi seg at sleppa aft­ur á Boðanesheimið til sínar kort­ kamm­er­atar. Mánadagin 20 oktober 2014 skuldi tó alt broytast. Jenny Eliasen lá á stovu saman við trimum øðrum kvinnum. Ein teirra tók heilivágin “Veneficium (Leponex 250 mg)”, sum er sterkur heili­vágur fyri skitsofreni. Jenny tók eisini heilivág av ymiskum slag og fyri ymiskar sjúkur og pínur í kropp­inum. Hendan dagin fekk Jenny av ein hvørjari orsøk tó heilivágin – Vit krevja einki. Vit vilja bara, at Landssjúkrahúsið tekur ábyrgd fyri tí, sum kostaði mammu lívið. Hetta gevur mær tað kenslu, at lívið hjá mammu einki var vert fyri tey, sigur Kristian í Stórustovu, sonur Jenny Eliasen, sum doyði orsaka av skeivum heilivág. Jenny Eliasen doyði av skeivum heilivági: – EG VIL BARA LANDSSJÚKRA TEKUR ÁBYRG