hósdagur 27. apríl 2017síða 20

FRÍGGJADAGUR 28. APRÍL 2017 SOSIALURIN 49 20 Nýggj kanning: TÆNASTA Nýggj kanning vísir, at nógvir føroyingar halda seg fáa verri tænastu í Føroyum enn í øðrum londum. Søluráðgevi heldur, at føroysk sølufólk mangla útbúgving og dirvi til at veita betri tænastu TÆNASTA Í FØROYUM ER VERRI ENN UTTANLANDS EYÐUN KLAKSTEIN M eira enn helmingurin av føroyingum halda seg ikki fáa eins góða tænastu í Før­oy­um, sum teir fáa uttalands. Tað vísir ein spurnarkanning, sum spyr.fo hevur gjørt fyri felagið Fegin, ið fæst við at ráðgeva um sølu og tænastu. 300 fólk hava verið við í kanningini. Tá ið fólk verða spurd, hvat tey sum heild halda um kundatænastu í Føroyum samanborið við útlond, svara meira enn 52 prosent, at tey halda, at kundatænasta í Føroyum er eitt sindur verri ella munandi verri enn í útlondum. Stívliga 40 prosent av teimum spurdu halda, at tænastan í Føroyum er eins góð, og bert 7 prosent halda, at tæn­ astan í Føroyum er betri enn hon, tey uppliva uttanlands. – Fólk samanlíkna helst Føroy­ ar við serliga Danmark og annars nærmastu grannalondini, har tey í langa tíð hava havt fokus á sølu og tænastu. Mín fatan av støðuni er, at londini rundan um okkum hava virt sølu og tænastu høgt í nógv ár og hava útbúgvið fólk miðvíst, og tí duga tey eisini væl at veita góða tænastu til viðskiftafólkini, sigur Niclas Heri Jákupsson, sum er stjóri í Fegin og ráðgevur før­ oyskum fyritøkum um sølu og tænastu. – Nakrar vinnur í Føroyum eru betri fyri enn aðrar, tá ið tað ræður um tænastu. Summar vinnur hava dagligt samband við ein altjóða marknað – til dømis partar av ferðavinnuni, hotell og aðrar fyritøkur – og tað bæði setur krøv til tær og gevur teimum nakrar royndir og íblástur, sum tær njóta gott av, sigur Niclas Heri Jákupsson. Samskifti og virðing Í sínari ráðgeving leggur Niclas Heri Jákupsson stóran dent á, at søla og tænasta snýr seg um gott samskifti og at hava virðing fyri kundanum. – Søla er eitt handverk, og nøk­ur eru fødd sølufólk, men øll kunnu læra tað. Lykilin til góða tænastu er virðiligt samskifti við kundan. Sum sølufólk skalt tú tora at samskifta við fólk, tú skalt verða opin mótvegis teimum, spyrja um teirra tørv og ikki prakka nakað upp á tey, sum tey ikki hava brúk fyri. Tað skal verða eitt virðiligt samskifti, sum ikki er ágangandi, men hinvegin er vinarligt og hjálptsamt. Á ein hátt snýr tað seg heilt einfalt um vanliga høfligheit og umfólkaskikk. – Kanningar vísa, at 75 prosent av sølutilgongdini er kenslulig, og eisini tí hevur tað stóran týdning, at sølufólk skapa eitt gott og trygt samband við kundan við at spyrja og lurta. Vit hava tvey oyru og ein munn, og tí skulu vit lurta meira, enn vit tosa. Tá ið sølufólk spyrja nærri um tørvin hjá fólki, fáa tey eisini upplýsingar, sum gera tey betri før fyri at geva kundanum júst tað vøru ella tænastu, tey hava brúk fyri. Meira vit spyrja og lurta, meira áhuga og virðing vísa vit kundanum, og tá kenna tey seg trygg. Harvið fær mann ein stóran fyrimun, tá ið mann setur seg inn í tørvin hjá fólki, sigur Niclas Heri Jákupsson. Hann mælir eisini leiðslum á fyritøkum og stovnum til at finna røttu fólkini og at útbúgva tey innan sølu og tænastu. – Hetta er eisini ein leiðslu­ spurn­ingur. Ov ofta hendir tað, at fólk verða sett at selja ella veita tænastu, uttan at tey eru upp­lærd og hava fingið neyðugu am­boðini til at klára seg væl. Har síggi eg ein greiðan mun millum Føroyar og útlandið, tí aðrastaðni eru fyritøkur sera tilvitaðar um, at sølufólkini hava lært um sølu og tænastu. Har eru vit í Føroyum heilt einfalt komin ov stutt, sigur Niclas Heri Jákupsson. Uppfylging og tilboð Kanningin, sum spyr.fo hevur gjørt fyri Fegin, vísir eisini, at fyritøkur ikki eru serliga góðar til at lata kundum skjót tilboð upp á vørur ella tænastur, og síðani at fylgja tilboðunum upp. Bert fimti hvør av teimum spurdu upp­livdi at fáa tilboðið skjótt, og at starvsfólk fylgdu upp, eftir at tilboðið var latið. – Her hava føroyskar fyritøkur flest pengar at heinta, og her er skjótast at gera mun. Í hesum føri senda fólk greið keypssignal, tey biða um tilboð, men fyritøkurnar Hvat heldur tú sum heild um kundatænastu í Føroyum í mun til uttanlands? Munandi verri ..................... 15,7% Eitt sindur verri ................... 36,6% Eins góð ................................ 40,67% Eitt sindur betri ................... 5,6 % Munandi betri ........................ 1,3 % Kanning: Spyr.fo fyri Fegin Hvat heldur tú sum heild um kundatænastu í Føroyum í mun til uttanlands?