hósdagur 4. mai 2017síða 8

FRÍGGJADAGUR 5. MAI 2017 SOSIALURIN 52 LANDSSJÚKRAHÚSIÐ Síðani fyrsta apríl hevur støðan hjá barnakonum á Landssjúkrahúsinum verið hættislig, siga ljósmøðurnar, sum ikki undir nøkrum umstøðum vilja góðtaka støðuna ÁKI BERTHOLDSEN S íðani fyrsta apríl hevur støð­an hjá barnakonum á Lands­sjúkra­húsinum ver­ ið hætt­islig! Tað stað­festa ljósmøðurnar á Lands­sjúkrahúsinum í eini drúgv­ari kæru til Sirið Stenberg, landsstýriskvinnu í heilsumálum. Í kæruni, vit hava fingið innlit í, siga tær, at síðani fyrsta apríl hev­ur trygd­in hjá barnakonum á Lands­ sjúkra­húsinum verið í vanda. Tað er hent eftir at leiðslan á Lands­sjúkrahúsinum skar ígjøgn­ um og býtti føðideildina á Lands­ sjúkra­húsinum sundur í tvey, har onn­ur deildin er ein føðideild, har ein ljósmóður var leiðari og hin deild­in er ein barsilsdeild, har ein sjúkra­røkt­arfrøðingur er leiðari. Áður var talan um eina felags deild, har ein ljósmóður var leiðari. Og ljósmøðurnar halda eisini, at tað er sjálvsagt, at leiðarin skal vera ljósmóður, tí tað er einasti fak­bólk­ur sum til fulnar hevur teir fak­ligu førleikarnar til tað.  – Útbúgvingin til ljósmóður er skrædd­araseymað til alt barna­ konu­økið, og gevur okkum ser­ før­leika og heimildir, sum eingin ann­ar fakbólkur hevur, siga tær í kær­uni til landsstýriskvinnuna. –  Sostatt kann ein ljósmóðir, sjálv­støðugt, røkja barsilsrøktina hjá frískum kvinnum og børnum, og, í samráð við lækna, seta sjúkar kvinn­ur og børn, í viðgerð. – Ljósmøðurnar eru sostatt ein­ asti fakbólkur, ið hevur førleikan, og heimildina til at seta neyðuga við­gerð í verk, tá ið bráðneyðugar og vandamiklar støður taka seg upp í barsilstíðini, leggja tær aft­ ur­at. Og tær gera eisini púra greitt, at tær góðtaka undir ongum um­ støð­um, avgerðina, mátan og av­ leið­ingarnar av henni, siga tær í kær­uni til landsstýriskvinnuna. Fakliga stigið er alt annað enn nøktandi Men ljósmøðurnar siga, at nú bars­ ils­deildin í stóran mun er mannað av sjúkrarøktarfrøðingum, sum hava lítlar ella ongar royndir innan bars­ilsrøkt, er fakliga stigið alt ann­ að enn nøktandi. Og nú eru ongar ljósmøður til arb­eiðs á deildini, tá ið støður taka seg upp, har ein ljósmóður er best skikk­aði fakbólkur at taka sær av trup­ul­leikanum. Tær vísa nevniliga á, at ljós­møð­ ur fara ikki til arbeiðis á eini deild, har aðrir fakbólkar hava leiðsluna, har tað fakliga rætta er, at ein ljós­ móð­ur hevur leiðsluna. – Sostatt hava ongar ljósmøður starv­ast á barsilsdeildini síð­ani fyrsta apríl, tí eingin ljós­møðra­ fak­lig leiðsla er á deildini. Tær leggja afturat, at hetta hava ljósmøðurnar gjørt leiðsluni á Landssjúkrahúsinum púra greitt í fleiri ár. Tær siga kortini, at síðani nýggja skipanin varð sett í verk, eru ljós­ møð­ur boðsendar á bars­ils­deildina, tá ið óvæntaðir trupulleikar stinga seg upp, og tá fara tær sjálvsagt til hjálp­ar. Men tað er tað dagliga virksemi, tær ikki longur hava ávirkan á. – Vit meta, at tað er sera álv­ar­ samt, at fólk verða sett at arbeiða á barsilsdeild, hóast tey ikki hava før­leikarnar at meta um tey mest álv­arsomu viðurskiftini, sum kunnu íkoma í barsilstíðini siga ljós­møðurnar. – Ein sera týdningarmikil part­ ur av tilboðnum til føroysku barna­ konuna er, at har er størst møgu­ ligur samanhangur, við somu starvs­fólk­um. – Hetta tryggjar besta tilboðið og tí er tað púra eyðsæð fyri okkum, at vit eiga at hava eina deild, sum er und­ir leiðslu av eini ljósmóður, har sam­an­hangur er ímillum viðgongu, føð­ing og barsil, og so vit so eisini hava eina nýggja neonataldeild, ella pinkubarnadeild, við sjúkra­ røkt­ar­frøðiligari leiðslu, har pinku­ børn, sum eru fødd ov tíðliga, og onn­ur, liggja, siga ljósmøðurnar. Hurrað ígjøgnum Í kæruni til landsstýriskvinnuna, vísa ljósmøðurnar eisini á, at eft­ir sáttmálum skulu munandi broyt­ ing­ar í starvsviðurskiftunum ger­ ast í samráð við tær, men tað er ikki hent í hesum føri. Tey siga, at tað, sum nú er hent, er ein týðandi broyting, tí nú hava ljósmøðurnar mist minst ein trið­ ing av sínum virkisøki. Men broytingin varð als ikki gjørd í samráð við tær, tí hon varð kunn­gjørd 29. mars og varð sett í gildi longu tann 1. apríl, ella bara tríggj­ar dagar seinni. Hetta hildu ljósmøðurnar vera so vanvirðisligt og ósømiligt, at tær fóru av fundinum, ein fyri og onn­ur eftir. Tey halda eisini at tað er óskiljandi, at leiðslan á Lands­ sjúkra­húsinum væntar, at ljós­ møð­urnar glaðbeintar fóru til arb­eiðis á nú barsilsdeildini, hó­ast leiðslurætturin var tikin frá teim­ um – Skelkurin av at viðurkenna, at vit starvast undir einari leiðslu, ið ikki tekur nøkur sømilig atlit til okk­um sum fakbólk, hevur fingið flestu ljósmøðurnar at umhugsa at kanna aðrar starvsmøguleikar, siga ljósmøðurnar í kæruni til Sirið Sten­berg. Fakligi førleikin at vera um barnakonur á Landssjúkra­ húsinum er ikki til staðar og tað er at seta trygdina hjá barnakonum í vanda, siga ljósmøðurnar Hetta hava ljósmøð­ urnar gjørt leiðsluni á Landssjúkrahúsinum púra greitt í fleiri ár Tær fóru av fundinum, ein fyri og onnur eftir SETA TRYGDINA HJÁ BARNA- KONUM Í VANDA 8