hósdagur 4. mai 2017síða 13

FRÍGGJADAGUR 5. MAI 2017 SOSIALURIN 52 13 fram í føroyska samfelagnum, er ikki farin fram frá degi til dags, men so líðandi er hátturin hugsað verður um djór og vælferð teirra broyttur í samfelagnum. Rannvá H. Tórgarð heldur eisini, at av tí at føroyingar eru serliga bundnir at djórum í vinnuni, so noyðast vit eisini at gera umstøðurnar so góðar sum gjørligt. – Tað sum vit royna at gera er at vegleiða fólki, tá tey ringja til okkara. Tá tey fáa djór frá okkum, skulu tey hava upplýsingar um, hvussu djórið verður passað. Vit hjálpa við at betra um um­støð­ urnar djórini liva undir við veg­ leiðing, sigur Rannvá H. Tórgarð. – Globalt er eisini meir fokus á, hvussu umráðandi tað er at vera góð við djórini. Hetta ávirkar eisini før­oyingar, og verður endurspeglað í føroyska samfelagnum, leggur hon afturat. Lógin má broytast Í apríl mánaði fór djóraverndar­ felagið undir, at savna saman undir­ skriftir í handlum kring landið, tí tey halda at djóraverndarlógin má broytast. – Í apríl mánaði fóru vit undir at savna undirskriftir inn, tí næstan eitt ár var liðið síðani lovað varð, at nýggj djóraverndarlóg skuldi smíðast, men onki hendi á økinum, sigur hon. Rannvá H. Tógarð heldur, at føroyska djóraverndarlógin frá 1985 er óítøkilig og torfør at tulka. Hon kann tulkast ymsikt, alt eftir hvør tað er, sum lesur og út­leggur hana. Tí ynskir djóra­vernd­ar­ felagið eina nýggja ítøkiliga djóra­ verndarlóg skjótt. Undirskriftirnar verða savnaðar saman fríggjadagin og latnar Poul Michelsen, landsstýrismanni í Uttanríkis og Vinnumálum. – Politikararnir, sum nú sita á valdinum hava lovað okkum, at lógin skal broytast, men enn er onki hent. Tí fóru vit at savna saman undirskriftir at handa Poul Michelsen. Tey sum hava skrivað undir, ynskja eina ítøkiliga nýggja lóg sum ger, at vit fáa brúkt hana. Øll lógin sum hon er má broytast og vera skilligari, sigur hon. – Vit vildu við hesum gera vart við okkum, tí vit halda, at tað er alt ov vánaligt, at onki varð gjørt í so langa tíð. Tað varð rætt og slætt ikki prioriterað, sigur Rannvá H. Tórgarð. Hon fegnast tó um, at gongd aftur er komin á arbeiði við nýggju lógini, og um at áhugabólkar eru tiknir við í tilgongdini. – Vit ynskja at lesa lógina í gjøg­num, og fáa møguleikan at koma við góðum ráðum og við­ merkingum, um tørvur verður á tí, sigur Rannvá H. Tórgarð. – Tað er eisini frálíkt, at hugt verður at tí norsku djóra­verndar­ lógini, tá tann føroyska verður smíðað, men ynskiligt var tó, at tey hugdu at lógunum í øllum norðan­ londum og ikki bert tí norsku, sigur hon til endans. ANNIKA@SOSIALURIN.FO Politikarar­ nir, sum nú sita á valdinum hava lovað okkum, at lógin skal broytast, men enn er onki hent. Tí fóru vit at savna saman undirskriftir at handa Poul Michelsen Telefonin hjá djóraverndafelagnum ringir at kalla hvønn dag, men felagið hevur onga heimild at fjerna útsettu djórini