hósdagur 4. mai 2017síða 14

FRÍGGJADAGUR 5. MAI 2017 SOSIALURIN 52 14 TEMA TEMA Djóravernd ANNIKA KUNOY IM T á løgreglan fær frá­ boðanir um djóra­mis­ røkt ella pínslu av arbeiðs- ella húsdjórum, so tekur løgrelgan við sær fakfólk á staðið at meta um støðuna. Síðani hyggur djóralækni at ein­staka málinum, og tað kann vera ein rapport sum verður gjøgnum­gingin ella djóralæknin fer á staðið, um neyðugt er, og ger síðani eina meting, sum løgreglan brúkar í málinum, sigur Birna Mørk­øre, landsdjóralækni. Hon leggur afturat, at tað er sera sjálvd­ an – bert nakrar ferðir um árið – at hon fær slíkar fráboðanir. Fer eitt mál í rættin, so er eisini javnan, at djóralækni verður biðin at vitna sum fakfólk og greiða frá, hvat hent er í málinum, og hví talan er um misrøkt ella pínslu. Birna Mørkøre heldur, at nógv er broytt í føroyska samfelagnum seinastu árini, og at fólk eru vorðin alsamt meir tilvitaði um, hvussu farast skal við djórum. – Tað er fleiri støður, sum enda sum mál hjá løgregluni í dag, enn tað vóru fyri bert fáum árum síðani. Tó, so eru støður har talan kann vera um djóramisrøkt ella pínslu, men onki verður gjørt við tað, tí tað ikki verður meldað til løgregluna, sigur hon. Hon greiðir frá, at tað eisini tykist, sum at fleiri mál detta burturímillum, tí torført er at grundgeva fyri brot á lógina, tí lógin er óítøkilig. Hon heldur, at nýggja lógin, sum er í gerð fer at bøta um hendan trupulleikan, tí tað eisini verður lættari at stað­ festa, nær lógin veruliga er brotin, og talan er um misrøkt ella pínslu. Má meldast Landsdjóralæknin greiðir frá, at tað ikki ber til at taka avgerð um talan er um misrøkt ella pínslu, um mál ikki verða meldað til løg­ regluna. – Verða málini ikki meldaði, so kann ongin avgerð takast í mál­ inum. Nýggja lógin burdi gjørt hetta arbeiði lættari hjá myndug­ leikunum, og tá nýggj lóg kemur á økinum, verða tað óivað fleiri bøtur og átalur, sigur hon. Hon vísur tó á, at tað eisini er ein trupulleiki, at ongin mynduleiki í Føroyum hevur regluligt eftirlit á økinum, tí um onkur hevði tað, so hevði arbeiði, við at farið inn og gjørt metingar í ymisku málunum gingið nógv skjótari. Summi øki, so sum ælibrúk, eru tó lættari at hava eftirlit við enn seyðahald, fjós ella húsdjór. Ofta verður til metingar Í samrøðu við djóraverndarfelagið, vísir nevndarlimur í felagnum á mál, har hundur hevur verið inn­ girðaður í ov lítlum øki, og hevur verið illa fyri sálarliga. Málið varð meldað, og bæði løgregla og djóralækni vóru á staðnum. Hundurin varð tó ikki fluttur, tí hann var væl fyri kroppsliga – hædd var tí ikki tikin fyri sálar­ ligu heilsuna hjá hundinum, vil djóra­verndarfelagið vera við. Hetta málið er onki eindømi, og djóraverndarfelagið veit um fleiri av slíkum slagi. Landslæknin sigur tó, at tað verður hædd tikin fyri sálarligu heilu djórsins, men at tað er løgreglan sum tekur endaligu avgerðinar um einstøku málini. – Um ein hundur ikki hevur kontakt við menniskju, er illa hildin ella ikki er forsvarliga røktur og týðilig tekin eru um tað, so hevði eg mett at talan var um misrøkt, sigur hon. Hon leggur tó afturat, at onki slíkt mál hevur verið á hennara borði, og um løgreglan ivast í slíkum málum, so plagar djóralækni at verða fráboðaður. – Tað verður ofta ein meting í slíkum støðum, tí í lógini stendur at djórið skal hava mat og drekka og standa undir skýli um tað er vindur, kalt ella um djórið stendur í vátum umstøðum. Tí er tað ynski­ligt við fleiri nágreiniligum kunn­gerðum, sigur hon. Undantakið er flutningur av djór­um, tí tá djór skulu flytast skulu akfør góðkennast av djóra­ læknanum, og tað eru greiðar reglur fyri, hvussu umstøðurnar av flutningi skulu vera. – Tá verður hugt at um flutn­ ing­urin er ov harðligur, um tað er ov heitt og um djórini fáa mat og drekka, sigur landsdjóralæknin. Nær er talan um misrøkt Tað er torført at nágreina, nær talan er um misrøkt ella pínslu av djórum. Hon sigur, at djóral­ æknarnir altíð hyggja at um grund­leggjandi tørvir djórsins eru møttir. Hetta er millum annað, um djórið fær nokk at eta, hevur skýli at kroka undir, hevur sár. Hon vísir aftur á, at reglurnar kundu verið meir nógv ítøkiligar, so lættari var at meta um ein­ støku tilfeldini – hetta bæði hjá myndugleikum og hjá teimum sum eiga djórini. Sum dømi nevnir hon seyðahald og eftirlit við seyði. Tað er krav at eftirlit er við seyði, har tað er lætt at koma til, men sjálvsagt er torførari, tá seyð­urin er langt burturi og veðrið møgu­ liga er ringt. – Tað skal vera rímuligt, og tingini vóru lættari, um tað var ein greið kunngerð, so fólk eisni vita hvat tey skulu fyrihalda eg til, sigur hon. ANNIKA@SOSIALURIN.FO Tá eitt mál verður meldað til løgregluna, og talan møguliga er um djóramisrøkt ella pínslu, so fráboðar løgreglan djóralæknanum, sum kemur at meta um einstøku støðuna. Djóralæknin saknar eisini eina greiðari djóraverndarlóg, sum ger tað lættari hjá myndugleikanum at taka avgerðir, men sum eisini gevur djóraeigarum nágreiniligari leiðreglur at halda seg til Landsdjóralæknin: UMRÁÐANDI AT TAÐ VERÐUR MELDAÐ Landsdjóralæknin heldur, at tað er torført at nágreina, nær talan er um misrøkt ella pínu av djórum undir núverandi lóg