mánadagur 8. mai 2017síða 16

Mánadagur 8. mai 2017 · Nr. 53 16 Sosialurin Hugskot og viðmerkingar – send sms til 225000 FRÁ CHAMPIONS LEAGUE TIL U17 Tað er ikki hissini mótstøða, sum er at finna til EM endaspælið. Moise Kean, sum áleypari hjá italia, skoraði sigursmálið móti Kroatia í fyrsta dystinum, fyri síðani at fara heim til Juventus at spæla Seria A. Hann hevur millum annað eisini spælt í Champions League í ár. Føroysku spælararnir fingu leygardagin ein lærdóm, sum teir seint koma at gloyma, tá Føroyar taptu 7-0 fyri Fraklandi. Í tí sambandi, so hyggja vit at framgongdini í føroyskum ungdómsfótbólti, men eisini eftir hvørjar avbjóðingarnar eru fyri framman TRÓNDUR ARGE Zaprecis, Kroatia Fýra mál í móti aftaná bara 17 minuttir. Tað gingu bara 46 sekund, til bólturin lá í málinum á fyrsta sinni. Jú, sanniliga fingu ungu mennnir á U17 landsliðnum seg royndar, tá føroyska landsliðið í øðrum dystinum í bólkaspælinum tapti heili 7-0 fyri Fraklandi. Úrslitið kundi verið tveysiffrað, men tað hoyr­ ir eisini til søguna, at frak­ lendingar skoraðu upp á næst­an allar møguleikarnar í fyrra hálvleiki. Dysturin gevur føroyska fót­bóltselskaranum fleiri ting at hugsa um. Vit kunnu gleð­ast um, at Føroy­ar fram um lond sum Portu­ gal, Belgia, Sveis, Dan­mark, Svøríki og Russland eru við til EM endaspælið. At yvir­leggjarin fyri hvat eitt før­oyskt landslið kann, er hækk­aður. Hinvegin mugu vit ásanna, at vit hava ótrúliga langt upp til elituna í Evropa – og kanska enntá í heim­in­ um, sum Frakland er. Hava vit rakt toppin, ella kunnu vit mennast enn meir? FRAMGONGDIN 1: Royndir og duga at liva sum fót­ bóltsspælarar Eftir fleiri ár við ungdóms­ landsliðnum, so hevur van­ ligi føroyski ungdóms­lands­ liðsspælarin lært at liva sum ein fótbólts­spælari, tá hann er á ferð. Spælarar hava royndir við at verða til kappingar og duga at liva við frælsi undir egnari ábyrgd. Bæði tá tað kemur til venjing á vøllinum, men eisini við­ víkjandi hvíld og kosti. Eisini hava spælararnir vant seg við, at tað til tíðir eru stjórar stjørnur, sum teir spæla ímóti. 2: Breiddin Fleiri venjarar vísa á, at tað í dag eru fleiri spælarar at velja í millum, sum hava áleið sama kvalitet. Tað ger, at liðið tolir betri útskiftingar, skaðar og gevur venjaranum fleiri møguleikar við liðupp­ stillingini. Fyrr var talan mangan um einstakar profilar, sum at kalla bóru liðið. Tað síggja vit ikki nógv til longur. Venj­ingarnar eru blivnar væl betri í feløgunum, sum eisini duga væl at fáa fleiri spælarar at halda seg til. 3: Spælarar venja nógv meiri og fara av landinum fyrr Ein víðari ágóði av góða arbeiðinum í feløgunum er, at fleiri spælarar fara av landinum fyrr. Teir eru van­ ir við nógva venjing og tí halda teir eisini í størri mun til alla tað venjingina, sum teir skulu í gjøgnum í einum útlendskum felagi. Eisini sæst væl, at før­ oysku feløgini leggja meiri við venjing, so teir spæl­arar­nir, sum koma á landsliðini eru á einum hægri kvaliteti. Framtíðar mál: 1: Skúli og fótbóltur Vit hava sæð fyrsta stig - fót­bóltsskúlin í Havn. Har kunnu ungu fólk í fram­ halds­deildini spæla fótbólt og ganga í skúla samstundis. Vit hava eisini sæð tað við Páli V. Joensen, sum tók stu­dentarprógv í Hovi upp á fýra ár, har serlig atlit vóru tikin fyri hansara yrkis­ svimji­leið. Eitt stórt framstig hevði verið ein ítróttarbreyt á mið­nám, sum tók fýra ár, so at okkara ungu ítróttarfólk høvdu kunna lagt nógv meiri fyri í ítróttinum. Tey vilja so gjarna, so hví arbeiða ímóti? 2: Venja einstaklingin og ikki spæla fyri at vinna ungdómskappingar Tað er ikki semja um hvussu tú mennir góðar spæl­ arar. Summi spæla fyri at vinna og halda, at um liðið hjá teimum vinnur gull í ungdómsrekkjunum, so merk­ir tað góðar spælarar. Onnur royna at vísa, at úr ruðuleikanum á einum vána­ligum liði, har koma sterk­astu spælararnir. Helst liggur veruleikin onkustaðni har í millum. Hvørki stóra liðið ella tað lítla liðið fáa nakað burturúr, tá úrslitið blívur tveysiffrað. Her má stoltleikin í at vinna í ungdómsdeildini skiftast út við at menna einstaklingin. Skorar ein spælarar hattrik hvønn dyst, so skuldi við­kom­ andi kanska spælt við teim­ um eldru, har hann mennist. Spælararnir, ið ikki klára at skjóta hattrik í áðurnevndu deildini, kunnu mennast har. At tað kostar gull er líkamikið, um spæl­ararnir fáa eina betri menn­ing. Skúladømi um at meist­araheiti og spælara­ menning ikki altíð gongur hond í hond er HB. Felagið vinnur at kalla altíð flest ung­dómsgull, men hevur tor­ført við at menn spælarar í hópa­tali – nakað felagið hevur fokus á í løtuni. Hin­ vegin, so hevur felagið ment fleiri spælarar, sum eru farn­ ir uttanlands – men við betri spælaramenning hevði tað helst eisini hildið fram. Vit hava løtuni góðar lið­ spælarar og tað gevur eina góða breidd. Kanska er tíðin komin, at seta fokus á ein­ staklingarnar aftur, so vit eis­ini kunnu menna stóru profilarnar. 3: Venjingarsentur Vit kenna tað frá lond­ unum kring okkum, men enn eru vit ikki komin á mál við eini ætlan um eitt miðdepil fyri føroyska fótbóltsmenning. Vit hava brúk fyri einum stað, har liðini kunnu samlast í longri og styttri tíð. Eitt stað har umstøður eisini eru at kanna spælarar bæði ítróttarliga og fysiologiskt. Eitt stað har vit samla alla okkara ítróttarvitan. Ein afturvendandi trupul­ leiki hjá føroyskum spæl­ arum er, at teir eru ikki eins væl fyri og mótstøðuliðini, tá teir umræður kropsstyrki og skjótleika. Sjálvt um spæl­ararnir eru farnir at venja meir, so má næsta stig verða at venja kropsstyrki og skjótleika. Tað sóu vit í ólukkumát í dystinum móti Fraklandi, har okkum hava tungar føtur og vandandi krops­styrki, at bjóða elituni av. trondur@sosialurin.fo LÆRDÓMUR FYRI ALLAR PENGARNAR Fótbóltur Dysturin hesa vikuna... U17 til EM í Kroatia: