hósdagur 11. mai 2017síða 11

FRÍGGJADAGUR 12. MAI 2017 SOSIALURIN 55 11 hann nógv um tíðina, tá hann var misbrúktur av Q. Q er dømdur fyri seksuelt misbrúk móti honum. Hann fekk tað sera óbehagiligt í búkinum. Hann var bangin. Hann hugsaði beinan vegin um porno­ filmar. Hann skuldi hyggja at pornofilmum tá við Q, og so varð hann misbrúktur aftaná.” Duga vit nóg væl at lofta teimum veikastu? Tað, sum kann veruliga kann undra er, at hesi ungu fólkini í heila tikið sleppa at sita á slíkan hátt í einum vardum bústaði. Tí tá ið ein drongur, sum hevur fingið staðfest eina sálarliga sjúku, áður hevur framt harðskap í rúsi og fingið vreiðisviðgerð fyri sínar tankar – hví sleppur hann so at hava veitslu við rúsdrekka? Fleiri teirra, sum vóru í veitsluni eru kenningar hjá løgregluni fyri fleiri sløg av lógarbrotum, eins og leigarin av íbúðini er tað. Hví sleppa hesi ungu at drekka rúsdrekka saman á einum almennum stað, sum er sett í verðina fyri at hjálpa teimum, sum búgva har við at fáa eitt ríkt lív? Hvussu ofta skulu hesi ungu inn at venda hjá ákæruvaldinum, áðrenn tey fáa nøktandi hjálp og sleppa burturúr tí? BARBARA@SOSIALURIN.FO Edvard Heen, stjóri í almannaverkinum: Vit hava ikki heimildir til at gera meira BARBARA HOLM T að kann undra, at fólk halda stór ball inni í vardum bú­støð­um undir Almanna­verk­ inum, og at sama ball endar við ógvusligum harðskap, har ungdómar blíva skuldsettir fyri drápsroynd og ein maður mundi latið lív av harðskapinum. Tí hvussu ber tað til, at ein vardur bústaðir við manning 24 tímar um døgnið, kann húsa slíkum veislum? – Vit vita einki um, at tað hevur verið ball har, sigur Edvard Heen, tó grannarnir siga við Sosialin, at ballið hoyrdist í fleiri tímar áðrenn hendingina. Men stjórin í Almanna­verk­ in­um vísir á, at tað er ógvuliga keðiligt, sum hent er, og at tað kann leiða til eitt samfelagsliga kjak um, hvar markið millum sjálvs­avgerðarrætt og frælsi og so eftirlit frá myndugleikunum gongur. – Vit hava ongar heimildir til at fara inn í privata kamarið hjá fólki, sum búgva hjá okkum. Vit hava reglar fyri húsið, vit hava starvsfólk á staðnum døgnið runt og vit halda eyga við, at reglarnar verða hildnar í felagsøkjunum. Men vit hava ongan kjans at fara inn á hvørt kamar og kanna, um reglar verða hildnar alt døgnið. Tað er jú eisini teirra egna, privata stað, sigur Edvard Heen. Høvdu ynskt at spjatt íbúgvarnar meira Keldur við vitan um umrøddu húsini á Íslandsvegnum upplýsa fyri Sosialinum, at løgreglan mangan er boðsend á bústaðin og at har sum heild er nógvur ruðuleiki á staðnum rímiliga javnan. Edvard Heen er vitandi um, at tað eru trupulleikar tengdir at bústaðnum á Íslandsvegnum. Og spurningurin er, hví fleiri fólk við stórum og afturvendandi trupulleikum, verða miðsavna á einum og sama stað. – Um vit høvdu møguleikan, so høvdu vit vilja hugt eftir, um hesi búfólk á Íslandsvegnum skuldi verið staðsett á ymiskum adressum. Men ein trupulleiki er, at vit hava sera fáar íbúðir at ráða yvir og tí ikki so nógvir val­ møguleikar, sigur Edvard Heen. Víðari greiðir hann frá, at tað er serstakliga eitt tilboð, sum tey hava í Danmark, sum al­ mannaverkið kundi hugsað sær at fingið til Føroya. – Vit hava leingi ynskt okkum ein hóskandi bústað til fólk, sum hava tørv á strangum reglum og eftirlitið og viðgerð av ymiskum slag. Tað, sum eisini er á slíkum bústøðum er, at her er púra greitt, at starvsfólk hava heimild til at fara inn til fólk og annars luttaka aktivt í at eftirhyggja, at alt er sum tað skal, sigur Edvard Heen. Fara at eftirmeta vardu íbúðirnar á Íslandsvegnum Edvard Heen sigur, at í skrivandi stund vita tey ikki meira um málið enn tað, sum miðlarnir skriva. Tí í løtuni ger løgreglan kanningararbeiði á staðnum. Men tá ið greiða fæst á, hvat vendir upp og niður í málinum, fer Almannaverkið at taka støðu til framtíðina á stovninum. – Vit fara avgjørt at hyggja eftir reglum og mannagongdum á staðnum og hvussu vit skulu betra um stovnin, sigur Edvard Heen. Víðari greiðir hann frá, at í Al­manna­verkinum er tað sjón fyri søgn, at ung við rúsdrekka og rúsevnistrupulleikum ger­ ast fleiri og fleiri og mong teirra eru heimleys. Tí heldur hann, at Almannaverkið og Al­ mannamálaráðið mugu taka støðu til ynski hjá Almanna­ verkinum um at fáa betri førleikar og umstøður til at taka sær av hesum ungu. BARBARA@SOSIALURIN.FO – Hatta er ein sera keðilig hending, men veruleikin er, at tá ið fólk hava sitið sín treytaða dóm, so hava vit ikki heimild til at fara inn á kømurini hjá fólki. Tí tey hava rætt til at gera sum tey vilja inni hjá sær sjálvum, sigur Edvard Heen, stjóri í Almannaverkinum