hósdagur 11. mai 2017síða 14

FRÍGGJADAGUR 12. MAI 2017 SOSIALURIN 55 14 Unga Tjóðveldi og Sosialist­ isk Ung heita bæði á møður­ flokkar sínar um at steðga ætlanunum um at leita eftir olju á føroyskum øki DANJAL AV RANA – Oljuleiting við Føroyar er ikki í samsvari við París-sáttmálan ella politisku ætlanirnar um einar grønar Føroyar og eigur ikki pláss í einum burðardyggum sam­felag. Tað er óumhugsi og ber boð um politiska fávitsku, at leiti­loyvi verða útbjóðað, sam­ stundis sum tað er bráneyðugt at avmarka alheimsútlátið av vakstrarhúsgassum, sigur Føroya Náttúru- og Umhvørvisfelag við Sosialin og fær stuðul frá fleiri av politisku ungmannafeløgunum. 17. mai byrjar fjórða leitiumfarið eftir olju á føroyskum øki. Síðani fyrsta umfarið, sum var hildið í 2000, eru níggju brunnar boraðir á føroyskum øki. Fleiri fund eru gjørd hesi árini, men tó einki so­mikið stórt, at vert er at útvinna olju. Áhugin fyri føroyska økinum hevur verið minkandi seinastu árini. Serliga eru tað lágu olju­ prís­irnir og kappingin frá bíligari ameri­kanskari skifterolju, sum hava gjørt, at tað hevði verið lut­ fals­liga nógv dýrari at útvinna olju á før­oyskum økjum, og tí hevði tað ikki verið raktrarvert. Men hevði tað staðið til ung­ manna­feløgini hjá teimum báðu stóru samgonguflokkunum, Unga Tjóðveldi og Sosialistisk Ung, so hevði punktum verið sett fyri føroyska oljuævintýrinum beinan vegin. Tey eru bæði ímóti at leita verður eftir olju á føroyskum øki. – Unga Tjóðveldið er ímóti olju­ ídnaði í Føroyum. Vit meta ikki at hetta er burðardygt hvørki tá tað snýr seg um umhvørvi, tað sosiala ella búskaparliga. Vit hava alment gjørt vart við, at vit ikki taka undir við nýggju útbjóðingarumfarinum til oljuleitingar, sigur Unga Tjóð­ veldið. Sosialistisk Ung siga, at tað eftir teirra tykki ikki er hóskandi at fara undir at bora eftir olju undir Føroyum nú. – Henda fatan byggir á ta grund­ hugsan, at vit, sum liva í dag, ikki bert hava ábyrgd fyri okkum sjálvum, men eisini fyri komandi ættar­liðum. Vit hava skyldu til at geva ein heim víðari, sum er livi­ ligur. Hetta er solidaritetur, siga tey. Oljuævintýrið er ov stuttskygt Ungmannafelagið hjá lítla sam­ gongu­flokkinum, Framsókn, stuðl­ ar tó ætlanunum hjá lands­stýris­ manninum. – Fiskur er beint nú hitt størsta tilfeingið, men olja kundi verið ein viti fyri føroyska búskapin innan fá ár, siga Framsøkin Ung, og halda, at hetta er ein ov stórur møguleiki at lata fara. – Hetta er at melda pass til ómeta­liga mongdir av peningi og ar­beiðsplássum, sum kundu verið føroyska samfelagnum sera kær, sigur ungmannafelagið hjá Framsókn. Eisini ungmannafeløgini hjá andstøðuflokkunum eru ymisk á máli um ætlaðu oljuleitingarnar. Ungmannafelagið Samband heldur, at hóast tað kann geva eitt búskaparligt yvirskot, so er tað ov stuttskygt. – Tað hevði verið meira ábyrgdar­ fult fyri okkara eftirkomarir at hyggja langskygd og harvið held­ ur gera íløgur í grøna orku. Før­ oyingar kunnu gerast munandi ríkari við at framleiða nógv meira grøna orku úr egnum orkuríkidømi og soleiðis varðveita pengarnar í landinum, heldur enn, at teira fara til útlendskar oljuframleiðarar, sigur Ungmannafelagið Samband. Eins og Framsøkin Ung, so leggur UfM dent á búskaparliga týdningin, ein oljuvinna kann fáa fyri Føroyar. – Oljuídnaðurin skapar nógv arbeiðspláss, og er hetta sjálvandi gott. Um tað eydnast okkum at finna olju, so hevði hetta kunna givið kempistóra fíggjarliga fram­ gongd. Hetta er peningur, ið m.a. kann brúkast uppá heilsu­verk, vælferð, útbúgving og styrkja okkara støðu í altjóða felags­skap­ inum, siga tey og vísa til stóru framgongdina, sum oljuvinnan hevur skapt í Noregi. Ósemja um COP21- sáttmálan Landsstýrið boðaði í oktobur frá, at tað ætlar sær at halda ásetingarnar í COP21, ella Paríssáttmálanum. Í COP21-sáttmálanum, sum er ein veðurlagsavtala, sum lima­ londini í ST undirskrivaðu í París í fjør, verður mælt til at gevast at nýta olju sum orkukeldu. Hetta inniber millum annað, at lima­ londini ikki skulu byrja nýggj leiti­ umfør eftir oljufundum og í størst møguligan mun royna at avmarka troytingina av verandi fundum. Tí eru tað fleiri sum halda, at eitt nýtt leitiumfar undir Føroyum er brot á COP21-sáttmálan. – Vit meta, at tað er beinleiðis brot á sáttmálan, at vit bjóða út nýggj oljuloyvir. Føroyar eiga heldur at ganga á odda at menna BER BOÐ UM POLITISKA FÁVITSKU