mánadagur 15. mai 2017síða 8

Mánadagur 15. mai 2017 · Nr. 56 8 Sosialurin Heri Joensen: – Tey komu frá nøkrum fáum illviljaðum fólkum, so um eg gav eftir, so hevði eg verið líka láturligur, sigur Heri Joensen, sum á ráðstevnu á Christiansborg greiddi frá, tá mótstøðufólk av grindadrápi royndu at boykotta Týr HALLUR AV RANA H óast serfrøðingar úr Kanada, Svøríki, Før­ oyum, Bretlandi og Noregi vóru samlaði at miðla teirra ríku vitan innan náttúruna, umhvørvi og djóralívið í Arktiska økinum, so var tað for­ sangarin í einum føroyskum tung­ málmsbólki, ið fangaði áhugan hjá áhoyrarunum til ráðstevnuna um burðardygga gagnnýtslu av havsins tilfeingi Við eini framløgu um hvussu hann var endaður í hornatøkum við mótmælisfólk, ið eggjaðu til boykott av Týr, borðreiddi hann eina sólskinssøgu fyri teimum 60-70 fólk, ið vóru møtt á Christiansborg týsdagin seinnapart, tá Arktiski arbeiðsbólkurin á Fólkatingi og Tjóðveldi á Fólkatingi skipaðu fyri eini ráðstevnu um burðardygga gagnnýtslu av havsins tilfeingi. Tí meðan flestu mentanir og fólk hava lítlan kjans, tá tey enda í hornatøkum við um­hvørvis­ felagsskapir, so eydnaðist tað Hera Joensen at koma sigrandi úr eini slíkum stríði. Hóttanir Hera Joensen greiddi frá, at trýst varð lagt á hann í september 2016 eftir, at hann í juli mánaði var avmyndaður til eitt grindadráp í Hvannasundi. – Myndin varð løgd út á Face­book, og eg hugsaði slett ikki yvir, at tað kundi fáa nakrar avleiðingar og flestu viðmerkingar til myndina vóru eisini jaligar, segði Heri Joen­sen. Í september skuldi Týr á eina konsertferð Iberianesinum, og var tað byrjanin til nakrar heldur øðrvísi mánaðir hjá forsangaranum í Týr. – Fyriskiparin greiddi frá, at nøkur av spælistøðunum høvdu fingið hóttanir í samband við, at vit skuldu spæla á teirra støðum, men tað bleiv aldrin til nakað meira enn tað, sigur Heri Joensen. Tók dik á seg Mótmælini hvurvu tó ikki, og tá bólkurin í november skuldi á konsertferð við tveimum øðrum bólkum í ymiskum londum kring Evropa, fingu teir boð um, at mót­ mælini høvdu tikið dik á seg, og fyriskiparin av konsertferðini var vorðin bangin. – Hann kravdi eg kom við eini treytaleysari umbering fyri mína luttøku í grindadrápinum, um eg ynskti at bjarga konsertferðini og yrkisleiðini. Hann fortaldi eisini, at hann hevði sæð persónar, hvørs yrkisleið innan tónleikin var oyði­ løgd, eftir líknandi hendingar, segði Heri Joensen. Føroyski sangarin var tó aldrin í iva um hvat hann skuldi gera. – Mótmælini vóru láturlig og komu frá nøkrum fáum illviljaðum fólkum, so um eg gav eftir, so hevði eg verið líka láturligur, segði Heri Joensen í framløguni, og vísti á, at í staðin valdi hann ein annan leist. Sjónband – Flestu konsertstøð vildu avlýsa vegna trygdina, so eg valdi at gera eitt sjónband, har eg greiddi frá mínum sjónarmiðum og grinda­drápi. Tað tóktist at virka, tí fleiri broyttu hugsan eftir at hava sæð tað, segði Heri Joensen. Mótmælini høvdu kortini eina lítlan ávirkan á konsertferðini. Av átjan konsertum kring Evropa vóru tað fimm spælistøð, ið ikki loyvdu Týr at spæla, meðan bólkurin varð møttur við mótmælum á trimum spælistøðum. – Trý fólk mótmæltu í einum býi í Sveis, tólv fólk í Týsklandi og eini tjúgu fólk í London. Men sum heild, so tóku fólk væl móti míni frágreiðing, og tá eg hyggi á Facebook og Youtube, so eru tað umleið níggju út av tíggju við­merkingum, ið eru jaligar, greiddi Heri Joensen frá. HALLUR@SOSIALURIN.FO MÓTMÆLINI VÓRU LÁTURLIG Javnvágin í havsins vistskipan kann málast Bjarni Mikkelsen, lívfrøðingur, Náttúrugripasavnið. Trupulleikin millum fiskarar og kópin í Eystarasalti og møguligar loysnir Sven-Gunnar Lunneryd, granskari á Sveriges lantbruksuniversitet. Vaksandi kópastovnar og trýstið á fiskastovnar Mike Hammil, professari, Fisheries and Oceans Canada Havsúgdýr sum matvørutilfeingi Amalie Jessen, deildarleiðari fyri veiðu og landbúnað í grønlendska fiskimálaráðnum. Tann sosialbúskaparligi týdningurin av havsúgdjórum Ola Flåten, professor emeritus í tilfeingisbúskapi á The Arctic University of Norway. NAMMCO – 25 ár seinni – Leiklutur, royndir og ábyrgd Charlotte Winsens, varaaðalskrivari, NAMMCO. Statt upp fyri tíni rættindi Heri Joensen, forsangari í Týr. Veiða av havsúgdjórum og fjølmiðlarnir Tim Ecott, rithøvundur og journalistur Fyrilestrarnir Hugskot og viðmerkingar – send sms til 225000