hósdagur 18. mai 2017síða 23

FRÍGGJADAGUR 19. MAI 2017 SOSIALURIN 58 23 DANJAL AV RANA – Um ein vildi borgarunum tað besta, hevði ein valt eina meiri fleksibla loysn. Nú verða øll noydd at keypa sær ein Nissan, sum er einasti el-bilur til sølu í Føroyum í løtuni, sigur Gordon Rajani, stjóri í bilasøluni Nordcar Nordcar var ein av tveimum bilasølum, sum tóku sær tíð til at senda eitt hoyringssvar til lands­ stýrið um lógina um endur­rindan av mvg á el-bilum. Í hoyrings­ svarinum sæst greitt, at bilasølan heldur, at landsstýrið hugsar ov lítið um brúkaran í uppskotinum. – Eg haldi, at talan er ov nógv um súmbolpolitikk í hesum førinum. Útboðið av el-bilum í Føroyum er ógvuliga avmarkað, tað er í veru­leikanum bara ein bilasøla, sum hevur el-bilar í løtuni. Lógin umfatar eisini vetnisbilar, men vit hava onga vetnisstøð ella nakað undirstøðukervið til vetnisbilar, sigur Gordon Rajani, sum væntar ikki, at lógarbroytingin í sjálvum sær fer at gera størri mun. Helst kundi Gordon Rajani hugsa sær, at øll avgjøld á nýggjum bilum bleiv strikað. – Millum 42 og 48 prosent av prís­inum á einum nýggjum bili eru avgjøld. Um tey vóru strikað, kundu vit selt føroyingum nógv betri bilar, við nógv minni útláti enn flestu bilarnir, sum koyra í Før­ oyum í dag, nógv bíligari. Ein BMW hevði kostað minni í Føroyum enn í Svøríki, sigur Gordon Rajani. Hann heldur, at fatanin í lógini enn er, at bilurin er ein luksusvøra. – Vit høvdu luksustoll á ymisk­ um vørum fyrr, men hann er burtur á næstan øllum vørunum. Bilurin er ikki ein luksusvøra longur. Hann er eitt neyðugt arbeiðstól hjá hvørji einasti føroyskari familju. At strika avgjøldini hevði ført til at vit fingu nýggjari, grønari og tryggari bilar til føroysku familjurnar, sigur hann. Tað hevði tó havt sín prís. Útrokningarnar siga, at tað hevði kostað landskassanum eini 100 milliónir í mistum avgjøldum, tó at allarhelst hevði heilt fitt komið inn aftur í øktari sølu og tí mvg- inntøku. Ein millumloysn hevði tí verið, um Landsstýrið lat lógina um mvg-afturbering eisini umfata hybrid-bilar. – Hybrid-bilarnir eru ein betri loysn fyri allar flestu føroysku kundarnar. Tað liggur ein eyka trygd í at vita, at um battaríið á bilin­um verður tómt, so skiftir motor­urin yvir til at brenna bensin inntil tú fært løtt bilin aftur. Tað er øgiliga keðiligt at steðga upp millum Fjarða, tí tú goymdi at løða bilin, áðrenn tú fórt heimanífrá. Kortini minka hybridbilar um koltvísúrniútlátið heilt nógv, tí fólk yvirhøvur minnast til at løða bilarnar. Hetta hevði eisini tryggjað, at munur ikki bleiv gjørd­ ur á bilasølunum, tí at allar bila­ sølurnar hava hybrid-bilar, greiðir Gordon Rajani frá. Gordon Rajani vísir eisini á, at elbilar eru ein stór avbjóðing, tá tað kemur til umvælingar. Í hoyringssvarinum metir Nordcar, at tað fer at kosta um eina millión krónur fyri hvørt bilmerki, sum skal umvælast. Talan kann tí ger­ ast um eina risastóra íløgu hjá bila­ sølunum. – Tað eru strong krøv til um­væl­ ingar av el-bilum og fer at seta stór krøv til tey, sum selja í Føroyum. Skulu hesar milliónaíløgurnar gerast, skulu tær eisini heintast inn aftur onkra aðrastaðni, og tað verður sannlíkt hjá kundanum, sigur Gordon Rajani. Í løtuni hevur Nordcar ongar el-bilar til sølu, men Gordon Rajani sigur, at tá hetta er kósin, sum myndugleikarnir stinga út í kortið, so verður Nordcar noytt at fylgja eftir. – Eg havi tí heitt á okkara donsku veitarar um at seta ferð á, so vit kunnu fáa el-bilar sum til dømis BMW i3 til Føroya so skjótt til ber, sigur hann. DANJAL AV RANA – Lógarbroytingin fer ikki at hava stórvegis ávirkan á bilasølurnar í Føroyum, heldur Sámal av Reyni, stjóri á Reyni Service. – Tað verður ikki fyrr enn at sølan av el- og vetnisbilum er voksin nakað, at eitt slíkt uppskot fer at hava nakra ávirkan. Men til ta tíð er kortini sannlíkt, at tíðaravmarkaða lógin um afturbering av MVG fyri el- og vetnisbilar, ikki longur er í gildi, sigur hann. Sjálvur harmast hann um, at gildistíðin er so stutt, nýggju bilarnir skulu vera skrásettir innan 2019, tí hann væntar ikki, at tíðin røkkur til at fáa vetnisbilar til Føroya innan ta tíð. – Vit hava framvegis ikki undirstøðukervið til vetnisbilar í Føroyum, og eg trúgvi ikki, at tað er komið upp á pláss áðrenn 2019. Tí heitti Reyni Service á løgtingið um at leingja gildistíðina nøkur ár afturat, sigur Sámal av Reyni. Reyni Service hevur ongar el- bilar til sølu í løtuni, og Sámal av Reyni sigur, at tað neyvan fer at vera í bræði, at teirra kundar kunnu keypa nýggjar el-bilar. – Vit eru umboð hjá Toyota og vit bíða eftir, hvat Toyota ger á hasum økinum. Í løtuni liggur altso einki í kortunum fyri, at vit fara at selja el-bilar í Reyni Service, sigur hann og vísir á, at vetnisbilar eru fremri í teirra hugaheimi. – Undirstøðukervið fer at koma, onkrir veitarar eru í gongd við at gera til reiðar at bjóða vetni til bilar og tí vænti eg, at vit selja vetnisbilar áðr­enn Gildistíðin er ov stutt til, at lógin skal fáa nakra varandi ávirkan, heldur hann. – Útboðið av el- og vetnis­bilum skuldi kanska verið nakað størri, um lógin skuldi havt nakra størri ávirkan. Men tá útboðið er voksið um nøkur ár, er sannlíkt at lógin verður tikin av, tí at saman við einum hægri útboðið fylgja gjarna lægri prísir, sigur Sámal av Reyni. Gildistíðin er ov stutt Sámal av Reyni: Ikki besta loysnin fyri brúkaran Gordon Rajani: Reyni Service bíðar eftir vetnisbilunum, sigur Sámal av Reyni, stjóri. Nordcar fer væntandi at taka elbilar inn í næstum, sigur Gordon Rajani, stjóri. Soleiðis síggja Toyota Mirai, vetnisbilurin hjá Toyota, og BMW i3, elbilurin hjá BMW, út.