mánadagur 22. mai 2017síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 22. mai 2017 · Nr. 59 FERÐASAMBAND Áki Bertholdsen Vit mugu hava eina greiða ætl­an fyri, hvussu vit gera, skuldi tað hent, at Smyril fær eitt brek, ella ein skaða, og brád­liga má takast úr sigling. Tað sigur Henrik Old, landsstýrismaður í sam­ ferðslu­málum. – Vit kunnu skjótt koma í eina slíka bráðkomna neyð­støðu tí sjálvandi kann Smyr­il fáa eitt tekniskt brek sum alt annað, og eitt óhapp kann altíð henda. Tað kann vera ein róðurskaði, ella ein skaði á skrúvuna, sum ger, at Smyril má av landinum í dokk, og so eru suðuroyingar heilt illa farnir, staðfestir lands­stýr­ismaðurin. Og hann ásannar, at veru­ leikin er tann, at hendir okk­ urt óvæntað við Smyrli, so at hann brádliga má takast úr sig­ling, er ongin tilbúgving fyri, hvussu vit so skulu røkja ferða­sam­bandið til og úr Suð­uroy. Og hann heldur at tað mugu vit hava, tí nú á døgum kann tað ikki góðtakast, at Suð­ur­oyggin liggur við ong­ um sam­bandi. – Tað er neyðugt, at fólk sleppa ímillum Suðuroy og meg­in­økið. Fólk skulu til arb­eið­is, ella gava ørindi norð­an­fyri, og fólk skulu av land­in­um til arbeiðis ella í øðr­um øringum, og tí kunnu vit rætt og slætt ikki liggja við ongum sambandi, sigur lands­stýrismaðurin. Tí skulu vit eisini hava eina »plan-b« fyri Smyril sum skjót­ast, legði hann afturat. Samstarv við Atlantsflog Hendrik Old sigur, at í næst­ um fer hann tískil at fáa fund í lag við Atlantsflog við tí fyri eyga at fáa eina avtalu um at fáa tyrluna til taks, so at vit ikki standa á berum í eini slíkari bráðkomnari neyð­støðu. Hann vísir á, at nú Smyril var í dokk, og Galaxy skuldi sigla, vendi hon aftur tað eina kvøldið, men morgunin eft­ir fleyg Tyrlan tríggjar túr­ar við ferðafólki ímillum Vág­ar og flogvøllin. – Tað riggaði fínt og við tveimum tyrlum kann At­ lants­flog flyta ein hóp av ferða­fólki eftir stuttari tíð, legg­ur hann afrturat. Hann hugsar um, at tey, sum skulu av landinum við flog­fari, verða flogin vestur á flog­vøllin, men tey, sum skulu norður á meginøki, verða flogin í Sandoynna, hað­ani tey so sleppa víðari. Henrik Old sigur, at hetta eru stuttir túrar, so tyrlan kann flyta ein hóp av fólki upp á onga tíð. Hvat farmi viðvíkur er tað ein annar trupulleiki, sum eis­ini má takast upp, leggur hann afturat. VIL HAVA EINA TRYGDAR­ ÆTLAN FYRI SMYRIL Tá ið óhappið er hent, er tað ov seint at fara at hugsa um, hvat vit so skulu gera, sigur Henrik Old, vinstrumegin, her saman við Gudmundi Mortensen á 100 ára føðingardagshaldi hjá strandferðsluni fríggjadagin ­ Áki Bertholdsen Nú skal tað verða nógv lætt­ari at ferð­ast í Før­oy­um. Tað fortaldi Hilmar Elia­sen, stjóri á Strand­ferðsl­uni, fyri teim­ um, sum vóru kom­in í hundrað ára føð­ing­ar­dag hjá Strand­ferðsl­ uni í Salt á Drel­nesi, fríggja­dagin. Í hesum sambandi tek­ur Strand­ferðslan allar­nýggjastu tøkn­ina í brúk fyri at gera tað lætt­ari hjá ferðafólki at fáa greiði á ferðaætlanini. Súsanna Sørensen á Ferða­ráð­ num vísti á, at út­lendsk ferðafólk halda at ferðaætlanin hjá Strand­ ferðslu­ni er fløkt og ring at fáa greiði á. Men Hilmar Eliasen sig­ur, at nú verð­ur mun­andi bøtt um hend­an trup­ul­leik­an. Í hesum sambandi sigur hann, at tey arbeiða við eini skipan, har Strand­ferðsl­an fer á Google Maps og tað fer at gera tað nógv lætt­ari at ferðast í Før­oy­um og at fáa greiði á, hvussu ferðast kann av ein­um plássi til eitt annað. Tá ið Strandferðslan er kom­in á Google Maps, kunnu ferðafólk skriva navn­ið á einum býi, ella eini bygd, og so síggja tey alt fyri eitt, hvus­su tey koma hagar. Hilmar Eliasen sigur, at hig­ar­til hevur Strand­ferðsl­an mest hugsa um at leggja ferðaætlanina eftir teim­um, sum ferðast ímill­um í sam­bandi við arb­eiði ella skúla. Men stjór­in sigur, at tey eru greið yvir, at nettupp eitt gott samstarv við ferða­vinn­una fer at verða ein týð­andi partur av til­veru­grund­ar­ lag­n­um hjá Strandferðsluni fram­ yvir. Strandferðslan tekur nýggjastu tøkni í brúk Á GOOGLE Google Maps skal gera tað nógv fyri at lættari at ferðast í Føroyum FERÐASAMBAND Henrik Old vil ikki, at suðuroyingar skulu standa á berum, skuldi Smyril fingið brek, ella skaða, og brádliga noyðist úr sigling