fríggjadagur 26. mai 2017síða 7

FRÍGGJADAGUR 26. MAI 2017 SOSIALURIN 61 7 við­gjørdi klagur um løgreglufólk. Tá tann tíðin var liðug, gekk leið­in aftur til ríkisløgregluna í Keyp­mannahavn, har hann var í fimm ár, áðrenn hann fyrst tók við starvi sum ákæri og síðan sum um­sitingarleiðari hjá løgregluni á Born­holm. Friðarligt samfelag Starvstíðin á Bornholm endaði eft­ ir seks árum, tá Martin Gravesen tók við starvinum sum varafúti í Før­oyum. Talan er um sjeynda starv­ið innan donsku løgregluna síð­an hann tók við starvinum í Kø­ben­h­avns Politi í nítiárunum, og tað er júst møguleikin, at royna ym­isk­ar uppgávur, ið Martin Grave­sen heldur vera styrkin at arb­eiða innan løgregluna. – Eg havi verið víða um, og haldi hetta er ein spennandi skip­ an, ið loyvir einum at royna nógv ymisk ting. Eg haldi tað vera fan­tastiskt, at man hevur fleiri møguleikar. Tað er stórur mun­ ur á arbeiðinum um man situr í Keyp­mannahavn, Grønland, Før­ oy­ar ella Bornholm. Tað hevur altíð drivið meg, tí eg haldi tað er stutt­ ligt at síggja ymisku síðurnar av løg­regluarbeiðinum, sigur Martin Grave­sen. Samanborið við hini sam­feløg­ ini, ið hann hevur virkað í, metir Martin Gravesen, at føroyska ­fe­ lag­ið er serstakliga friðarligt. – Vit skulu vera glað fyri, at føroyska samfelagið er ótrú­liga einsháttað og friðarligt. Krimi­na­ l­iteturin er lítil her, og vil eg siga, at hetta er tað friðarligasta stað­ ið, ið eg havi verið. Tað er bara deiligt, tí tað merkir, at tað er trygt at búgva og liva í føroyska sam­ felagnum. Fólk taka sær av hvørj­ um øðrum, og langt er millum álv­ ar­somu brotsverkini, sigur Martin Gravesen. Hóast talan ikki er um tey stóru brotsverkini, ið hann roynir í rætt­ in­um, so leggur Martin Grave­sen áherðslu á, at tíðin sum ákæri í Føroyum als ikki hevur verið keði­ lig. – Tað at tað er munur á lóg­gáv­ uni í Føroyum og Danmark ger, at mál fáa eina aðra avbjóðing. Tí verður arbeiðið sum ákæri als ikki keðiligt í Føroyum. Men tað skerst ikki burtur, at tað er minni krimi­nalitetur her. Innbrot er lít­ ið samanborið við onnur støð í danska ríkinum, meðan harð­skap­ ur og annar grovur krimina­li­tetur er sera lítil, sigur Martin Grave­sen. Sea Shepherd Í síni tíð sum leiðari fyri ákæru­ vald­ið í Føroyum hevur Martin Grave­sen tó fingið innlit í eitt ser­ stakt mál, ið er heilt øðrvísi enn nakað, ið hann áður hevur upp­ liv­að. Partur av arbeiðinum hevur nevni­liga verið at føra søk móti um­hvørvisfelagsskapinum Sea Shep­herd, sum serliga á sumri 2015 fleiri ferðirnar vóru í hóslag við løgregluni, og førdi tað við sær fleiri rættarmál móti altjóða um­ hvørv­is­fe­lags­skapinum. – Sea Shepherd er ein heilt øðr­ vísi uppgáva enn nakað, ið eg áð­ur hava verið við til. Tað fyllir eis­ini nógv í samfelagnum, at fremm­ anda­fólk koma til landið og royna at broyta føroysku siðvenju. Grinda­dráp hevur ein stóran ment­ an­ar­ligan týdning í Føroyum, og tí hev­ur løgreglan eisini brúkt nógva orku upp á hetta. Tað hevur verið spenn­andi at vera ein partur av, sigur Martin Gravesen. Martin Gravesen vísir tó á, at tað í høv­uðsheitum hevur verið Linda Hes­sel­berg, ákæri, ið hevur ført rætt­ar­málini móti Sea Shepherd. – Hetta hevur verið eitt stórt mál hjá ákæruvaldinum, og tíbetur hava vit Lindu Hesselberg, ið nærm­ast er vorðin ein serfrøðingur í slík­um málum. Hon hevur staðið á odda fyri okkara parti, sigur Mart­ in Gravesen, og dylur ikki fyri, at Linda Hesselberg hevur verið hon­ um ein stór hjálp. – Linda Hesselberg hevur drúgv­ar royndir innan føroysk við­ur­skiftir eftir at hava starvast her í fleiri ár, og hevur tað hjálpt mær at kunna arbeiða við hana hesa tíðina, sigur Martin Gravesen. Eru ikki liðug Hóast Martin Gravesen og familjan nú flyta av landinum, so følir vara­ fútin ikki, at hann er heilt liðugur við Føroyar enn. – Eg havi fýra børn í aldrinum 10 til 18 ár, ið eru farin at trívast væl her í Føroyum og hava knýtt vinabond við føroyingar, so tey eru kedd av, at tey nú skulu aftur til Danmark at ganga í skúla. Persónliga trívast eg og konan eisini væl, so tað kann væl vera, at vit koma aftur ein túr. Um tað verð­ur í renniørindum, arb­eiðs­ør­ ind­um ella at vitja vinir, fer tíðin at vísa, men vit eru ikki heilt liðug við føroyingar enn, sigur Martin Grave­sen. Grindadráp hevur ein stóran mentanarligan týdning í Føroyum, og tí hevur løgreglan eisini brúkt nógva orku upp á hetta. Tað hevur verið spennandi at vera ein partur av Man kann gott kalla tað hugin til ævintýr. Eg vildi royna okkurt nýtt og øðrvísi, og so kom møguleikin at søkja starvið í Føroyum, sigur Martin Gravesen Vunnið trý FM-gull – Man sleppur víða um, tí kappingar eru kring alt landið og eru allar árstíðir. Tað er ein heilt annar máti at læra fólk og land at kenna, tá man letur seg í renniskógvar, sigur Martin Gravesen, ið hevur vunnið FM í marathon tvey ár á rað. Tað er ikki einans sum varafúti og leiðari fyri ákæruvaldið, at Martin Gravesen hevur gjørt vart við seg millum føroyingar tey árini hann hevur búleikast her á landi. Innan frælsan ítrótt hevur 49 ára gamli løgfrøðingurin nevniliga vunnið eitt pláss í føroysku søgubøkurnar við at gerast tvífaldur FM-meistari. Í 2015 varð hann fyrst um málstrikuna í FM í hálvmarathon og marathon, og árið eftir prógvaði hann, at talan ikki var um hepni, tá hann endurvann FM í marathon. Við sær í skjáttuni aftur til Danmarkar hevur Martin Gravesen tískil ikki færri enn trý FM-heitir innan frælsan ítrótt. Men tá hann kom til landið, væntaði hann als ikki at finna eitt so aktivt umhvørvi fyri rennarar. - Eg eri glaður fyri at renna. Tí var tað fantastiskt at koma her og finna útav, at tað verður gjørt nógv burturúr at renna her, sigur Martin Gravesen, ið er limur í Bragdinum, ið heldur til í høvuðsstaðnum. - Tað er eitt gott felag, og tað er ein frægd at renna við teimum. Tey hava øll tikið væl ímóti mær, sigur Martin Gravesen. Gjøgnum renningina hevur Martin Gravesen eisini fingið ein frálíkan møguleika at vitja tær ymisku oyggjarnar. - Man sleppur víða um, tí kappingar eru kring alt landið og eru allar árstíðir. Tað er ein heilt annar máti at læra fólk og land at kenna, tá man letur seg í renniskógvar, sigur Martin Gravesen. Serliga er hann ovfarin av, hvussu nógv sjálvboðið arbeiðið verður gjørt í samband við tær ymisku kappingarnar. - Óansæð veður, so eru tað eini 100 rennarar, sum renna í øllum veðrið. Harumframt eru tey sjálvbodnu, ið gera kaffi, markera rutur og hjálpa til á annað hátt. Tað hevur verið ein góð uppliving at síggja samanhaldið millum feløgini kring oyggjarnar, sigur Martin Gravesen.