fríggjadagur 26. mai 2017síða 19

FRÍGGJADAGUR 26. MAI 2017 SOSIALURIN 61 19 skúlagjaldið upp til 120.000 krón­ ur um árið, men tað er nú lækkað nið­ur í 80.000 krónur. Sagt verður, at skúlagjaldið í flestum førum er lægri, umleið 50.000 krónur, men tað vil siga, at ein fimm ára út­búgving uttan fyri Norðurlond kost­ar landskassanum 250.000 krón­ur. Bara í skúlagjaldi. Hongur ikki saman Tá ið hugsað verður um, at lands­ kass­in hevur átikið sær hesa skyldu, at føroyingar eisini skulu fara út um Norðurlond at lesa, so mátti tað eisini havt við sær eina viðurkenning av fakligu før­leik­un­ um, sum hesi hava við sær, tá ið tey koma heimaftur. Men tað tykist halta meira enn eitt sindur. Lønardeildin hevur, sum áður nevnt, valt at seta sum krav, at fyri at fáa løn sum kandidatur, skalt tú hava lokið eina trý ára bache­ lor­útbúgving, og so skalt tú eisini hava lisið master ella kandidat om­aná. Og tað kann tykjast rættiliga løgið, tá ið ein hugsar um, at lands­ kass­in á útbúgvingarstigi hevur valt at góðtaka útbúgvingar. Tað er jú tað, hann ger, táið hann rindar skúla­gjald upp til 80.000 krónur um árið. Men tá tað kemur til løn, tá ið útbúgvingartíðin er liðug, tá er man ikki líka sinnaður at gjalda. Tá vera útbúgvingarnar ikki javnsettar við tær donsku ella norðurlendsku, og tað er ein trup­ ul­leiki fyri tey lesandi. Onkur hevur róð framundir, at landskassin á henda hátt tekur tað innaftur, sum hann hevur latið, með­an tann lesandi var úti og tók sína útbúgving, men tað er einki sum bendir á tað. Kanska er tað heldur tað, at man ikki hevur hugsað avleiðingarnar at enda, tá ið man gjørdi av, at fyri at kunna fáa løn sum kandidatur, so skuldi tú hava fylgt einum ávís­ um leisti. Tað kann sjálvandi broytast, men tað verður í øllum førum ein spurningur um pengar. Um løn­ ar­játtanin er nóg stór til, at man kann javnseta útbúgvingar, sum eru tiknar uttan fyri Norðurlond, við tær, sum eru tiknar í Danmark. Fyri tey lesandi er eingin ivi. Tey kenna seg fakliga líka væl fyri sum starvs­felagarnir. Hendan greinin er gjørd í samband við limablaðið hjá Magistarafelagnum