mánadagur 29. mai 2017síða 4

Mánadagur 29. mai 2017 · Nr. 62 4 Sosialurin Hugskot og viðmerkingar – send sms til 225000 UNDIR FÝRA EYGUM Hugskot og viðmerkingar – send sms til 225000 Hvat gert tú, tá ið tú slappar av? – Mær dámar væl at ganga í náttúruni og at lesa bøkur, men nógvar fríløtur havi eg tíverri hug at sita við iPaddinum á Facebook ella hyggja at onkrum á Netflix. Hvønn føroyskan sang dámar tær serliga væl? – Tað er vónleyst at nevna ein ávísan sang, tí tað veldst um høvi – um tað er í veitslulag, á møti ella fyri ommusoninum. Og nevndi eg ein sang í dag, var tað við vissu ein annar um ein mánað. Eyðun Klakstein Fyri sløkum tveimum árum síð­ani kom Ruth Vang fyri fyrstu ferð í løgtingið. Hon umboðar Framsókn og er varafólk á løgtingi. Fyrsta upp­gávan hjá henni varð at átaka sær sessin sum for­kvinna í mest týðandi nevnd­ini í løgtinginum – fíggj­ar­nevndini. – Tað kendist sera ógvus­ ligt at skula røkja hendan sessin sum nýggj løgtings­ kvinna, men umstøðurnar gjørdu tað soleiðis, at eg mátti átaka mær uppgávuna. Eg kundi ikki siga nei, sigur Ruth Vang. Umstøðurnar, hon sipar til, eru, at Framsókn slóðaði fyri, at Annika Olsen skuldi skifta úr Fólkaflokkinum til Framsókn og fáa týðandi álitis­sesin í løgtinginum. Tá ið Annika Olsen eftir stuttari tíð leitaði heimaftur í Fólka­ flokkin, stóð Framsókn eft­ ir við formanssessinum í fíggj­ar­nevndini, sum síðani skuldi røkjast av antin Ruth Vang ella Honnu Jensen, sum vóru tey bæði løgtingsfólkini hjá Framsókn. Hanna Jen­sen var blivin forkvinna í ment­ anarnevndini, og tí gjørdist tað Ruth Vang, sum átók sær stóru uppgávuna, sum í grundini ikki varð ætlað henni. – Tað var sera nógv at seta seg inn í, og nú hugsi eg, at fólk hava verið fitt við meg, tí um tey høvdu viljað ligið úti eftir mær, høvdu tey havt møguleikar til tað, sigur Ruth Vang. Sannførd um politikk Ruth Vang er útbúgvin ljós­ móðir og arbeiddi í fleiri ár sum leiðari á Lands­sjúkra­ húsinum. – Tá ið eg hevði arbeitt eina tíð sum ljósmóðir á Lands­sjúkrahúsinum, kendi eg meg vísa í, at eg var ikki týp­an, sum fór at vera á sama arbeiðsplássi alt mítt lív. Tí tók eg eisini HD í roknskapi og fíggjarstýring, so at kundi hava aðrar møguleikar í fram­tíðini, sigur Ruth Vang. Ruth Vang hevur starvast í Eik Banka, og í 2013 gjørd­ist hon leiðari á barna- og ung­ dómsdeildini hjá Tórs­havnar kommunu. – Eg havi altíð havt áhuga í politikki, og sum ung var eg virkin í ungdóms­fe­lag­num Viljanum hjá Fólka­flokk­in­ um. Síðani bleiv annað meira áhugavert, og tá ið eg fekk fyrispurningar um at stilla upp í politikki, segði eg nei meira enn einaferð. Í 2011 tók Ruth Vang stigið inn í politiska arbeiðið, tá ið hon fór upp í nýggja flokkin Fram­sókn. – Framsókn var nýhugs­ andi, og Poul Michelsen dugdi væl at sannføra meg um at stilla upp. Eg hugsaði, at eg skuldi royna, og so bleiv tað til, at eg stillaði upp, sigur Ruth Vang. Hon stillaði fyrstu ferð upp í 2011, og á valinum í 2015 fekk hon 169 atkvøður og gjørdist fyrsta varafólk hjá Framsókn, sum fekk tvey løgtingsumboð. Tá ið Poul Michelsen fór í landsstýrið, slóð­aði tað fyri, at Ruth Vang kom í løgtingið. – Eg varð fangað av poli­ tikki beinanvegin. Mær dámdi væl valstríðið, og eg trív­ist sera væl í løgtinginum. Tað er nógv at seta seg inn í, og tá ið vit bert eru tvey um­boð fyri Framsókn í løg­ting­in­um, mugu eg og Hanna Jensen deila tey mongu mál­ini ímill­ um okk­um. Tað er spenn­andi at fáa innlit í ymisk mál, sum eg frammanundan ikki hevði áhuga fyri, sigur hon. Ov stór uppgáva Ruth Vang hevði so at siga ongar politiskar royndir, tá ið hon kom í løgtingið í 2015 og tók við sum forkvinna í fíggjarnevndini. – Eg setti meg í ein stól og skuldi røkja eina uppgávu, sum eg ikki visti, um eg dugdi, men eg kundi ikki bera meg undan. Eg visti, at tað fór at verða hart, og at eg ivaleyst fór at gera onkrar feilir, men at eg visti eisini, at eg fór at læra tað, og við tíðini kunna gera nakað gott, sigur Ruth Vang. – Nú havi eg sjálvandi nógv størri vitan um bæði tað formliga og tað politiska spælið, og eg kenni meg betri føra fyri at røkja starvið. Nú veit eg, hvat skal til fyri at fáa ting ígjøgnum, og eg veit, hvat tú ikki skalt gera fyri at fáa okkurt ígjøgnum. Tá ið eg líti aftur á fyrstu tíðina, hugsi eg, at aðrir politikarar gjørdu sær ikki dælt av, at eg var so óroynd, sigur hon. Ruth Vang hevur hesi tvey árini gjørt sær royndir og fingið innlit í politiska umhvørvið. – Politikkur snýr seg um so nógv annað enn poli­ tikk. Tað er nógv psykologi í poltikki. Samspælið mill­um fólk, relatiónir, álit og trú­ virði eru sera týdningar­mikil, og tú kanst missa alt á gólvið, um tú fært trupulleikar við relatiónum til aðrar politik­arar. Hinvegin kunnu góðar relatiónir við aðrar politikarar – eisini teir, sum tú ert ósamd við politiskt – skapa møguleika fyri at fáa ymisk mál ígjøgnum – Politikarar eru forfeingi­ ligir og sartir um sítt image. Teir vilja ikki missa andlit, og teir kunnu mótarbeiða ein­ um máli, um tað ikki tærnir teimum, hóast sakin er góð, sigur Ruth Vang. Kostar at samstarva Í politikki ræður um at fáa ávirkan, og partur av tí veru­liga politiska spælinum LJÓSMÓÐIR Í POLITISKUM SPÆLI UM RUTH VANG Ruth Vang er 51 ára gomul og úr Havn. Hon er útbúgvin ljósmóðir og hevur HD í roknskapi og fíggjarstýring. Síðani september 2015 hevur hon sitið á løgtingi sum varafólk. Hon umboðar Framsókn og er forkvinna í fíggjarnevndini. Ruth hevur farloyvi frá starvi í Tórshavnar kommunu. Ruth er gift Dániali Vang, og tey eiga trý børn. – Eg setti meg í ein stól og skuldi røkja eina uppgávu, sum eg ikki visti, um eg dugdi, men eg kundi ikki bera meg undan, sigur Ruth Vang, sum byrjaði sína tíð sum tingfólk sum forkvinna í mest týðandi nevndini í løgtinginum