hósdagur 1. juni 2017síða 11

FRÍGGJADAGUR 2. JUNI 2017 SOSIALURIN 64 11 ENN Fólkatalið var 50.045 tann 1. apríl. Tað vaks við 762 fólkum í 12-mánaðarskeiðinum apríl 2016 – mars 2017. Hetta kemur av stórari nettotilflyting á 462, ið er munurin millum tilflyting og fráflyting, og av einum burðaravlopi á 300, ið er munurin millum fødd og deyð. Burðaravlopið er tað størsta síðani 2007, og nettotilflytingin hevur ongantíð verið størri, undantikið 2001, tá fleiri fluttu heimaftur aftaná stóru kreppuna fyrru helvt í 1990-unum. Og undantikið árini 2000 og 2001 hevur árligi fólkavøksturin ongantíð verið størri í tali enn nú. Ein avbjóðing hevur verið fólkasamansetingin, ið vísir at skjótast vaksandi bólkurin av fólki eru tey, ið eru eldri enn 67 ár, tað vil siga, tey, sum annahvørt eru farin av arbeiðsmarknaðinum ella eru á veg av arbeiðsmarknaðinum. Tað hevur verið ein orsøk til tað sokallaðu eldrabyrðuna, ið tosa hevur verið um í nógv ár, har tað verða færri og færri, ið skulu rinda fyri at varðveita vælferðarsamfelagið. Sum grafurin eisini vísir, so er tað serliga tann størsti grafurin, tey millum 16-66 ár, ið minkar skjótast í mun til allar hinar. Fólkatalsframrokningin vísir enn, at um eini 20 ár, her fólkatalið aftur at ganga niðureftir. Hetta hóast vit hava ein stóran vøkstur í fólkatalinum. Um 30 ár ella so koma vit niðurum aftur 50,000. Hetta skal tó takast við fyrivarni, tí tølini frá Hagstovuni, sum framrokningin er frá, ganga aftur til 1985 og øll árini fram til í dag verða brúkt í framrokningini. Tískil kann myndin broytast um komandi árini gerast eins góð sum tey undanfranu trý árini. Fólkatalsframrokning 2016 - 2055 Fólkatalsframrokning 2016 - 2055