hósdagur 1. juni 2017síða 17

FRÍGGJADAGUR 2. JUNI 2017 SOSIALURIN 64 17 Guðrum Sólja: Sigi altíð ja til eina avbjóðing Guðrun Sólja Jacobsen er ein av songkvinnunum, sum syngur við til konsertinar “Minnist tú enn”. Hon er av Tvøroyri, og hevur trý ára sangútbúgving frá privat­ skúlanum Complete Vocal Insti­ tute í Keypmannahavn. Guðrun Sólja Jacobsen gjørdist navnfrom í Føroyum, tá hon í 2003 luttók í og vann donsku sangkappingina Stjerne for en aften, sum Danmarks Radio skipaði fyri. Fyri tveimum árum síðni flutti hon heimaftur til Føroya at búgva og nú undirvísir hon í sangi. – Hetta er stórt, og eg gleði meg. Tað er ein onnur orka í einum slík­ um bólki enn tað er í einum van­ ligum bólki, sigur hon. – Ljóðið er samansett á ein ann­ an hátt: akkordirnar eru annar­ leiðis, tí tað er eitt swing band, og sangirnir eru langdir upp eftir tí, leggur hon afturat. Hon vil ikki avdúka hvørjar sangir hon skal syngja enn, men hon syngur fýra av teimum 16 sangunum, sum eru á skránni fyri kvøldini og hon sigur, at teir fýra sangirnir, sum hon skal syngja, allir eru sera ymiskir. – Tað er lekkurt við eitt sind­ur av spenningi og at koma til kon­ sertina og ikki vita, hvør syngur hvat, flennir hon. – Eg havi tó ikki verið við til at velja sangirnar, sum eg skal syngja, men tað eru alt sangir sum eg kenni væl frammanundan. Á skránni eru sangir, sum vit øll kenna, og hóast eg ikki havi sungið allar av teimum sjálv, so er ongin á listanum, sum eg ikki kenni. Tað er tað deiliga við tí, sigur hon spent. Tá Guðrun Sólja Jacobesn varð spurd, um hon vildi vera við til kon­ sertina hjá Tórshavnar Big Band, segði hon ja við tað sama. – Eg eri altíð við uppá slíkt, og tá eg verði spurd um eg vil vera við til slíkar konsertir ivist eg ongatíð. Um eg harafturat haldi, at tað er avbjóðandi so sigi eg altíð ja, tí ein avbjóðing er góð at fáa, sigur hon. Umráðandi at finna sína egnu leið 22 ára gamla Kristina Thede Jo­ han­sen, sum lesur tónleik á Det Jyske Musikkonservatorium í Århus, er vi í Tórshavnar Big Band við saxofon síni. Hon er komin heim til Føroya at venja við orkestrinum og at spæla konsertirnar í Norður­landa­ húsinum og í Løkshøll. Kristina Thede Johansen var eisini við í konsertini, sum Tórshavnar Big Band spældi á mentanarnáttini í fjør, og hon fegnast um at vera við aftur í ár. – Eg lesi klassiskan tón­ leik á tónlistaháskúlanum í År­hus, so hetta er nakað heilt annað enn tað, sum eg geri í gerandis­degnum. Hetta er ikki tað slagi av tónleiki, sum eg spæli so ofta, men tað er bæði stuttligt og mennandi. Eisini er tað stuttligt at spæla tónleik saman við slíkum royndum tón­ leikarum sum teimum, ið eru við í orkestrinum, sigur hon. Kristina Thede Johansen er 22 ár, og hon hevur spælt sakso­ fon í 10 ár. Hon greiðir frá, at hon tilvildarliga fann sálarvin sín í saxofonini, tá bíðilistin til bæði klaver og guitar á musikk­ skúlanum ongan enda fekk. – Eg lurtaði nógv eftir ameri­ konsku songkvinnuni Whitney Houston um tað mundið, og í navnframa sanginum »I Will Always Love You« er eitt stórt stykki við saxofon spæli í. Hetta var við til, at eg vildi royna meg sum træblásara. – Tað er umráðandi at finna sína egnu leið sum tónleikari, og serliga tá man spælir saxofon, sigur Kristina Thede Johansen, sum fer av landinum aftur mána­dagin, tá konsertinar við Tórs­havnar Big Bandi eru av á hesum sinni. Hon greiðir frá, at av tí at hon er ein av teimum yngru spæl­ arunum í Tórshavnar Big Bandi, og av tí at sangirnir sum spældir verða á konsertunum fevna seg um eitt 60 ára tíðarskifti, so kennir hon ikki allar sangirnir, sum hon skal spæla við orkestri­ num. – Eg kenni bara nakrar heilt fáar av sangunum, men eg gleði meg til at læra at spæla teir ordi­ ligt, sigur hon. Saxofonspælarin Kristina Thede Johansen: Umframt at vera við í Tórshavnar Big Band, er Kristina Thede Johansen við í hesum bólkunum: • Asynja Saxophone Quartet, sum vitjar í Føroyum í november • Trio Ovis, sum var í Føroyum og spældi í fjør • Ensemble Sirius, sum vitjar í Føroyum í august • Duo Morsing og Thede. Hesir sangirnir verða spældir á konsert- unum: 1. Vælkomnir føroyingar 2. Rasmus í Gørðum 3. Eitt sunnukvøld í Plantaguni 4. Minnist tú enn? 5. Hvønn ein mánadagur 6. Heimkoman 7. Mín góða 8. Timburmenn 9. Mær leingist 10. Leygarkvøld í Havn 11. Vit eru Tórshavnar Big Band 12. Motormani 13. Kvøld á Tinganesi 14. Havnin er ein lítil bygd. 15. 1001 nátt 16. Til Havnar við fara (Gentukæti) MYNDIR: ÁLVUR HARALDSEN