hósdagur 1. juni 2017síða 16

FRÍGGJADAGUR 2. JUNI 2017 SOSIALURIN 64 16 TÓNLEIKUR Tórshavnar Big Band var mannað fyrstu ferð í 1972, sum tað fyrsta big bandið í Føroyum. Orkestrið hevur verið virkið øll árini, og skal nú aftur á pallin við serstakari konsert um vikuskiftið. Hesu ferð fara 18 tónleikarar, ein dirigentur, sjey sangarar og eitt frásøgufólk á ferð gjøgnum føroysku tónleikasøguna við sangum úr øllum Føroyum, ið umboða seinastu 60 árini. ANNIKA KUNOY IM F ríggja- og leygar­kvøld­ ið trínur Tórshavnar Big Band aftur á pallin í Norðurlandahúsinum við serstakari konsert. Konsertin við heitinum "Minnist tú enn" tek­ur støði í væl umtóktu sjón­ varps­røðini, sum Suni Merkistein gjørdi í 2010. Sendingin lýsti, hvussu rútmiski tónleikurin birt­ ist í Føroyum miðskeiðis í fimmti­ árunum. Saman við sangarunum Sámali Ravnsfjall, Kristinu Skoubo Bærend­sen, Guðruni Sólju Jacob­sen, Signari í Homrum og Carl­sen systrunum, framførur or­kestrið fleiri av vælkendu før­ oysku perlunum, ið eru vorðnar fólka­ogn. Teir 16 sangirnir, ið fram­førdir verða umboða allir ymisk tíðarskeið frá miðskeiðis í fimmtiárunum til nútíðina, og sangirnir eru eisini valdir frá bygdum og býum kring alt landið. Tað er Magnus Johannessen, ið hevur sett løgini út fyri orkestrið. Tað er íslendski saksofonleikarin og dirigenturin Sigurður Flosason, sum stjórnar orkestrinum og Suni Merkistein er sjálvur frásøgufólk til konsertina. Harumframt verða forkunnugar myndir og filmsbrot varpað á stórskíggja meðan kon­ sertin er. Torført at finna løg sum rigga Sangirnir, sum valdir eru til kon­ sertina eru frá 1957 til 2017 og um­ boða øll ártíggjuni harímillum. Konsertin er eitt inniligt innlit í søguna hjá rútmiska tónleikinum í Føroyum, og áherðsla hevur verið løgd á, at tónleikurin eisini umboðar alt landið. At finna løg úr øllum Føroyum og yvir eitt 60 ára tíðarskeið, sum eisini skal hóska seg til eitt big band var ein stór avbjóðing, greiðir Eirikur Skála, fyri­skipari, frá. – Í eitt gott ár hava vit leitað í føroyskum uppruna tónleiki, sum eisini riggar at skriva út fyri eitt big band. Tað er ikki allur tón­ leikur sum hóskar seg, men ein fyrimunur er heilt víst, um lagið upprunaliga er í swing. Tá er tað næstan góðkent frammanundan, sigur Eirikur Skála. Hann greiðir frá, at tað er Magn­ us Johannessen, ið hevur skrivað og lægt til rættis tónleikin, sum orkestrið spælir, og at tað eisini hann, sum hevur valt sangirnar til skránna. Stórt projekt Endamálið við eini slíkari konsert er at geva fólki innlit í ymisku tíðar­skeiðini í føroyskum tónleiki – umframt góðan big band tónleik, fáa áhoyrararnir innlit í upprunan og søguna hjá hvørjum einstøkum lagi, sum spælt verður við stillum og livandi myndum á stórskíggja, greiðir Eirikur Skála frá. Hann leggur afturat, at um­ støð­urnar hjá einum orkestri sum Tórs­havnar Big Band ikki eru ser­ stakliga góðar, og at ynskiligt hevði verið um orkestrið hevði bæði meir pening og meir tíð til at vera virkið fleiri ferðir um árið, tí slíkar verkætlanir geva ikki fíggjarligt yvirskot. Hóast tiltakið hevur fleiri stórar stuðlar, so eru nógv fólk knýtt at verkætlanini, og fíggjarliga melur tað ikki runt. – Tað er ræðuliga tíðarkrevjand,i og tá verkætlanin er liðug, er sjálv­ sagt stórt ruddingararbeiði eftir, sigur Eirikur Skála. Hóast stóra og kostnaðarmikla arbeiði, so er ætlanin hjá Tórs­havn­ ar Big Bandi at verða fastur táttur á mentanarnáttini, við einum nýggj­ um evni ella tema hvørt ár, greiðir hann frá. ANNIKA@SOSIALURIN.FO EIN FERÐ VIÐ TÓRS­ HAVNAR BIG BANDI GJØGNUM FØROYSKA TÓNLEIKASØGU Við í Tórshavnar Big Bandi eru: 18 tónleikarar 1 dirigentur 7 sangarar Konsertirnar Minnist tú enn verða 2. og 3. juni klokkan 19.30 í Norðurlandahúsinum, og í Løkshøll í Runavík 4. juni klokkan 15.00 Um Tórshavnar Big Band Tórshavnar Big Band var mannað fyrstu ferð í 1972, sum tað fyrsta big bandið í Føroyum nakrantíð. Navnframi saxofonleikarin, tónleikalærarin og tónlistarliga eldsálin Brandur Øssurson tók við sínum serliga tokka til jazz og swingtónleik stig til at seta orkestrið á stovn. Í fleiri ár virkaði Tórshavnar Big Band sum húsorkestur bæði í V4-sendingunum í Útvarpi Føroya, sum vóru sendar beinleiðis úr aulini á Føroya Læraraskúa í 70’unum, og á Tórshavnar Jazz-, fólka-, og Blues Festivali, sum Brandur Øssurson eisini tók stig til fyrstu ferð í 1984. Festivalurin var á mangan hátt ein mentanarstovnur, sum frá 2004 gjørdist ein liður í árliga tiltakinum, Summartónum. Í kjalarvørrinum av hesum umboðaði Tórshavnar Big Band Føroyar á mongum festivalum bæði í Føroyum og uttanfyri oyggjarnar. Tey árini, ið Tórshavnar Jazz, Fólka- og Blues Festival var til frá 1884 til 2003, var orkestrið sera virkið, oftast við egnari skrá ella sum húsorkestur, tá útlendskir solistar vóru við. Hesin festivalur gjørdist karmur um nógv stór big band átøk, og Tórshavnar Big Band var ofta á skránni. Í 2011 gav Tórshavnar Big Band út fløguna Úr Sangskattinum. Magnus Johannessen setti út øll løgini fyri orkestrið á fløguni. Fløguverkætlanin hevði uppruna sín í 2009, tá Tórshavnar Kommuna hátíðarhelt 100 ára dagin sum fólkavald kommuna. Kommunan heitti á Tórshavnar Big Band um at seta út og framføra løg, sum á ein ella annan hátt hava samband við Havnina. Hendan verkætlanin fekk tá heitið “Gamla Havnin í nýggjum tónum”. Konsertið var so væl fagnað, at gjørt varð av at geva tónleikin út á fløgu. Hetta eydnaðist, tá Kringvarp Føroya eisini gjørdist partur av verkætlanini.