mikudagur 7. juni 2017síða 17

17 Mikudagur 29. mars 2017 · Nr. 38 Sosialurin Hugskot og viðmerkingar – send sms til 225000 Mikudagur 7. juni 2017 · Nr. 65 Sólvit Nolsø Tað verður val í Bretlandi í morgin. Valið er til parlia­ mentið í Bretlandi, West­ minster. Veljast skulu 650 lim­ir í parlia­mentið í eins nógv­um val­dømum. Val­ skip­anin í Bret­landi er tann, at flokkar stilla eitt um­boð upp í hvørjum val­dømi og tann, sum endar á fyrsta plássi í valdøminum, vinnur sessin. Tann, sum end­ar á øðr­um plássi, hevur ongan møguleiki at sleppa inn, tí varafólk verða ikki brúkt í Bretlandi, men minist­arar halda fram í parlia­ment­ in­um, samstundis sum tey varða av einuum øki sum ministari. Valskipanin er til fyrimuns fyri teirr størru flokkarnar, tí teir enda oft­ ast á fyrsta plássið í teim ymsu valdømunum. Tað gong­ur serliga útyvir teir báðu flokkarnar UKIP og Libe­ralu Demokratarnar, um í nógvum førum enda numm­ar tvey, men fáa ikki umboðan av tí sama. UKIP fekk seinasta val næstan 13% av atkvøðunum, men fekk einanst eittans umboð valt. Til samanberingar fekk Kon­ serva­tivi flokkurin tríggjar ferðir so nógvar atkvøður, men 330 umboð vald. Konservativi vinnur men kann missa meirlutan Konservativi flokkurin sær út til at vinna valið. Líka síð­an Theresa May tann 18. apríl útskrivaði val, hevur flokk­urin ligið á fremsta pláss­ið. Tó er munurin mill­ um flokkarnar tódnaður nak­að seinastu tíðina. Fyri tveim­um mánaðum síðani lá flokkurin greitt á odda og summar veljarakanningar góvu flokkinum 48% av at­ kvøð­unum og ein greiðan meirluta í parliamentinum. Leiðarin í flokkinum, The­ resa May, sá út at verða tað trygga valið til forsætis­mála­ ráð­harra. Orsøkin til stóru leiðsluna er partvíst, tí leiðarin í La­ bour, Jeremy Corbyn, var ikki ein leiðari, sum samlaði Labour flokkin, men heldur var við til at kloyva flokkin millum teirra, sum leitaðu á vinstarvongin og teirra, ið lógu longri á miðjuni. Flokk­ urin sá út til at ganga í fleiri bólkum og innanhýsis stríð eyðkendi flokkin meir enn nakað annað. Seinastu tíðina er mun­ urin tó minkaður niður í eini sjey prosent ella so. Fyri tveimum mánaðum var mun­urin út við 20%. Tað er sjálv­andi ein samansett orsøk, men partvíst er tað tí val­skráin hjá Labour hevur víst seg at hava stóra undir­ tøku, størri undir­tøku enn formaður floksins, og part­ víst er tað tí at Konservativi flokkurin hevur duga illa at rikið valstríð. Theresa May hevur klára seg illa og hevur millum annað noktað fyri at fara í eitt beinleiðis kjak við hinar politisku for­ mennirnar. Hinvegin er stóri trupul­ leikin hjá Labour flokkinum, at Jeremy Corbyn er illa dámd­ur og serliga er fortíð hansara, sum stendur sum eitt opið sár. Hann hevur í fleiri ár verið settur í sam­ band við ógvuliga víð­gongd­ an politikk. Hann hevur fyrr verið settur í samband við bólkar sum IRA og Hezbollah og hevur ikki gjørt nakað und­ir valstríðnum fyri at taka frástøðu frá tí. Fólk hava sum heild lítið álit á hon­um og í allar flestu veljara­kanningum er May mill­um 10-15% frammanfyri Corbyn, tá fólk verða spurd hvønn tey vilja hava til for­ sætis­málaráðharra. Sum støðan er í dag, so sær Konservativi flokkurin at fáa 43% av atkvøðunum og Labour flokkurin fær 37%. Hinir flokkarnir Næstan alt prátið hevur ver­ið um teir báðar stóru flokk­arnar, men tað eru tveir aðrir flokkar, sum eisini fáa lutfalsliga nógvar atkvøður, uttan at tað sæst aftur í um­ boðanini teir fáa aftur fyri. Liberalu Demokratarnir fáa sambært seinastu veljara­ kanningum um 8% av at­ kvøð­unum. Seinasta val fekk flokkurin átta umboð vald og tað er nógv, sum bendir á, at talið fer at liggja um tað sama hetta valið. UKIP, flokkurin, sum var ógvuliga sjónligur í samband við Brexit, er minkaður nógv seinastu tíðina. Seinasta val fekk flokkurin 13% av atkvøðunum, men nú benda tølini á, at flokkurin er tódnaður niður í eini 4%. UKIP fekk eitt umboð sein­ asta val og varðveitir eftir øllum at døma tað umboðið. solvit@sosialurin.fo BRETLAND Theresa May sær út til at halda fram sum forstætisráðkvinna Labour hevur vunnið nógv seinastu tíðina, men Jeremy Corbyn manglar undirtøku sum leiðar Konservativi flokkurin: Leiðari: Theresa May. Undirtøka seinasta val: 37% - 331 umboð Labour: Leiðari: Jeremy Corbyn Undirtøka seinasta val: 30% - 232 umboð Liberalu Demokratarnir: Leiðari: Tim Farron Undirtøka seinasta val: 8% - 8 umboð UKIP: Leiðari: Paul Nuttal Undirtøka seinasta val: 13% - 1 umboð BRETAR FARA Á VAL Í MORGIN Tað verður val í Bretlandi í morgin. Nógv síggja hetta sum eitt Brexit val, har mett verður um hvussu stóra undirtøku Brexit mannagongdin hjá Theresu May hevur. Onnur halda hetta er eitt beinleiðis val millum May og Corbyn