hósdagur 8. juni 2017síða 6

6 PERSÓNSSØGA – Tá eg so hugdi inn hagar, sá eg systur mína og dóttur mína, ið báðar búgva í Avstralia. Eg trúði ikki mínum egnu eygum, so eg hugdi einaferð aftrat, og brast síðan útúr at flenna, tí eg visti ikki hvat annað eg skuldi gera. Eg hevði als ongan varhuga av, at tær høvdu lagt nakað slíkt til rættis, og bleiv fullkomiliga tikin á bóli. Tað sigur hálvføroyska Ann Gartside, sum í 65 ára føðingardegi fekk eina ferð til Føroyar í gávu. Lítið visti hon, at familjan eisini var komin alla vegin úr Avstralia HALLUR AV RANA T að var ein minningar­ ríkur flogferð hjá ferða­ fólkunum, ið ferðaðust við Atlantic Airways úr Edinborg í Skotland til Føroyar sunnukvøldið. Á sosialum miðlum hava fleiri sjónbond víst hvussu ferðafólkini hendan túrin blivu undirhildin við ikki minni enn trimum ymiskum framførslum frá felags ferðandi á túrinum heim til Føroyar. Lagið tyktist at vera framúr gott hjá ferðafólkunum, ið flestu nokk munnu hava glett seg at koma heim aftur til klettarnar eftir ein steðg á bretsku oyggjunum í nakrar dagar, vikur ella mánaðir. Men hjá einum av ferðafólkunum var talan um fyrstu vitjanina til Føroyar og føroysku familjuna í 45 ár. Janet Gartside, ið hevur bretsk­ an pápa og føroysku mammu, men er sjálv búsitandi í Perth í Avstralia, var nevniliga á veg til Føroyar við systurdóttrini, har hon hevði lagt til rættis eina heilt serliga gávu til systrina Ann Gartside, ið tríggjar dagar frammanundan var komin til Føroyar saman við eini vinkonu. – Fyri einum mánaði síðan fylti Ann 65 ár, og fekk hon tá eina ferð til Føroyar í gávu frá eini vinkonu. Ann býr í Fraklandi, meðan restin av familjuni, eg, systur okkara Jona og dóttur Ann, búgva øll í Avstralia, greiðir Janet Gartside frá, og heldur á. – Tá ið vit hoyrdu um gávuna, byrjaðu eg og dóttur hennara Lisa at tosa saman, um vit ikki sjálvar skuldi farið til Føroyar uttan at Ann visti av tí. Tað hildu vit báðar vera eitt stuttligt hugskot, so vit bíløgdu ferðaseðlar til Føroyar, so vit kundu ferðast frá hinum endanum av jørðini at taka Ann á bóli. 14.790 kilometrar Soleiðis kom tað í lag, at Janet Gartside og systurdóttirin ferð­ aðust tær 14.790 kilometrarnar, ið tað er í beinari linju frá Perth í Avstralia til Føroyar. Fyri at tryggja sær, at systurin ikki fekk nakran illgruna, setti Janet Gartside seg í samband við familjuna í Føroyum. – Tíbetur, so er tað vorði lættari at halda samband við føroyska familjuna eftir, at øll hava fingið sær Facebook. Teimum dámdu væl hugskotið, so tey hjálptu við at halda loynimálið fyri Ann, sigur Janet Gartside. Seint sunnukvøldið komu so Janet Gartside og systurdóttirin við flogfarinum frá Edinborg. Klokkan var tó blivin so mikið nógv tá, at tey valdu at sova hjá føroysku familjuni og heldur taka systrina á bóli næsta morgun. Hevði ongan varhuga Tríggjar dagar frammanundan var Ann Gartside komin til Før­ oyar saman við vinkonuni, og hevði hon brúkt dagarnar at vitja familju í Havnini, Vágum og Eiði. Mánamorgunin var hon tíðliga á føtum, og var farin ein túr út, tá systurin og dóttirin sníktu seg inn í húsið, og settu seg í stovuna at bíða til hon kom heimaftur. – Eg kom inn hendan morgunin og helt meg hoyra okkurt í stovuni. Tá eg so hugdi inn hagar, sá eg syst­ ur mína og dóttur mína, ið báðar búgva í Avstralia. Eg trúði ikki mínum egnu eygum, so eg hugdi einaferð aftrat, og brast síðan út úr at flenna, tí eg visti ikki hvat annað eg skuldi gera. Eg hevði als ongan varhuga av, at tær høvdu lagt nakað slíkt til rættis, og bleiv fullkomiliga tikin á bóli, sigur Ann Gartside. Sjálv býr Ann Gartside, sum tann einasta í familjuni, enn í Evropa, so tað ganga vanliga trý ár ímillum, at systrarnar hittast. Tískil var tað av sonnum ein gleðistund, tá hon hendan morgunin sá síni nærmastu aftur. – Hetta var ein serligur morgun fyri meg. 65 ára føðingardagurin hjá mær var í mai, men gávurnar blíva við at koma. Nú hevur hann vart í ein heilan mánað, sigur ein fegin Ann Gartside. Mamman giftist hermanni Hóast Gartside familjan í dag er spjadd um allan heim, so líkist familjusøgan henni hjá nógvum øðrum føroyskum familjum und­ ir 2. veraldarbardaga. Gunnvør Norð­foss varð borin inn í heim í ein systkinaflokk av átta børn­um, og livdi eina trygga til­veru í lítla samfelagnum í Norður­atlants­ havinum. Tá ið hon var tannáringur, brast kríggj á í heiminum, og enntá lítlu Føroyar fingu ein leiklut, tá bretskir hermenn hertóku oyggjarnar. Millum teir hermenninar var pápi Ann og Janet Gartside. – Mamma hevur mangan greitt frá, hvussu tær føroysku genturnar dámdu væl hesar fremmandu hermenninar. Pápi var ein teirra, og hann fekk skjótt eitt gott eyga á mammu, og bað hana um at giftast við sær. Hon segði ja, tey giftust og fluttu tá kríggið var av til lítla fiskivinnubýin Fleetwood, ið liggur á vesturstrondini í Norður­ onglandi, greiða báðar systrarnar frá. Longdist heim Men sum so nógvir føroyingar í útlegd hava sannað gjøgnum ár og dag, so kann longsulin heim skjótt gerast stórur, tá man býr sum fremmandur í øðrum landi. Gunnvør Gartside dugdi ikki málið serliga væl og hevði tí trupult við at finna sær vinir í nýggja heimstaðnum. Fyri eina unga kvinnu, ið var von við at hava nógva familju og vinir kring seg, kendist tilveran í Norðuronglandi tískil sera einslig fyrstu árini. – Pápi sá hetta og skilti hennara støðu, so hann gav henni loyvi at ferðast so nógv til Føroyar, ið hon nú einaferð ynskti. So tey fyrstu tíggju árini skifti mamma øgiliga Ferðaðust 14.790 kilo fyri at taka Ann á b Seinast eg var her, so tók tað okkum ein hálvan dag at ferðast til Eiðis at vitja familjuna har, tí vit máttu vit báti. Nú eru brýr, tunlar, undir­ sjóvartunlar og nýmótans vegir allastaðni, so tað sum fyrr tók ein hálvan dag, tekur nú einans ein tíma« SOSIALURIN 66 FRÍGGJADAGUR 9. JUNI 2017