hósdagur 8. juni 2017síða 15

FRÍGGJADAGUR 9. JUNI 2017 SOSIALURIN 66 15 MILLUM GL Sosialurin hevur seinastu dagarnar verið í sambandi við allar sjúkrahússtjórarnar síðani fyrst í nítiárunum. Ætlanin var at fáa onkran teirra at greiða frá, hvørjar avbjóðingarnar eru í starvinum sum stjóri, men av ymsum ávum hava teir allir borið seg undan. at Landssjúkrahúsinum. Talan er ikki bara um læknar, sjúkrasystrar og aðrar heilsufakbólkar, men eisini um kokkar, reingerðarfólk, timburmenn, maskinmeistarar og onnur. Onkur teirra gera meiri um seg enn onnur, men tað vísir seg at vera ein afturvendandi avbjóðing hjá sjúkrahússtjórunum at stýra øllum fakbólkunum. Ikki er gjørligt at gera øllum til lags og stjórin hevur at enda evstu ábyrgd. Men slíkt innanhýsis stríð er uttan iva tærandi fyri stjóran. Nógv smá kongaríki Onkuntíð verður sagt, at á ar­beiðs­ plássinum hava ymisk starvs­fólk síni kongaríki. Mangt bendir á, at soleiðis er eisini á Lands­sjúkra­húsinum, har yvir­ læknar í heilum fara út í fjøl­miðlarnar við síni ónøgd um arbeiðsviðurskiftini. Seinastu árini hevur onkur teirra meiri enn einaferð sagt seg úr starvi, fyri síðani at taka uppsøgnina aftur, tá krøv hansara eru eftirlíkað. Her kennir sjúkrahússtjórin uttan iva trýst frá fleiri síðum – yvirlæknunum, sum vilja trýsta sín vilja ígjøgnum, landsstýrinum, sum vilj hava stjóran at halda seg til játtanina, og sjúklingunum, sum óttast at missa tænasturnar hjá yvirlæknanum. Torført er at fáa yvirlæknar til Føroya, umsóknirnar eru fáar, tá størv verða lýst leys, og tí fáa teir yvirlæknarnir, sum eru í starvi, lutfalsliga stórt vald. Skjótt er at hugsa, at tað er bíligari at eftirlíka teirra krøvum enn at missa teir av landinum. Okkara felags trygd Sjúkrahúsið er okkara felags trygd fyri heilsutænastur. Vit ynskja øll eitt sterkt sjúkrahús, sum er ført fyri at nøkta okkara tørv, tá vit gerast sjúk og hava hjálp fyri neyðini. Fremsta avbjóðingin er framvegis fíggjarliga játtanin og hinar avbjóðingarnar spretta í stóran mun út úr hesi støðuni. Og tá siga vit sum Eyðun Joen­sen gjørdi fyri 20 árum síðani. – Føroyska samfelagið má og skal gera upp við seg sjálvt, hvat tað á heilsu- og almannaøkinum hevur ráð til og ikki, hvussu og hvat møguliga skal takast fram um annað, uttan neyðvendigvís at draga orðaskiftið niður á eitt støði, har tunlar/ vegir ella ítróttahallir verða settar skarpt upp ímóti heilsu- og almannaøkinum, skúl­anum, barna- og ellisforsorgini o.s.f.r. Í fjør fekk Sirið Stenberg hand­ að menningarætlanina um føroyska sjúkrahúsverkið og fyrr í ár var aðalorðaskiftið um evnið. Nú er týdningarmikið, at nýggju sjúkrahússtjórarnir, tað vil siga tann á Landssjúkrahúsinum og tann, sum skal sita sum ovasti stjóri fyri tey trý sjúkrahúsini, fáa greitt at vita, hvat landsstýrið sær fyri sær fyri sjúkrahúsverkið, at teir fáa (og ikki minst taka sær) tíð til at gera neyðugu tillagingarnar og sjálvandi at teir fáa eina nøktandi játtan at arbeiða við, soleiðis at føroyska sjúkrahúsverkið, Lands­ sjúkrahúsið, Suðuroyar sjúkrahús og Klaksvíkar sjúkrahús eisini í framtíðini kunnu veita føroyingum neyðugu heilsutænasturnar. Samanberingin við Urias er kanska nakað grov. Dávid kongur tveitti Urias fram á hermóti við tí fyri eyga, at hann skuldi lata lív. Tað er kortini ikki lagnan hjá sjúkrahússtjórunum. Heldur eru teir sum fuglurin Føniks, sum reisir seg úr øskuni aftur. Allir eru teir farnir frá sjúkrahúsinum í leiðara­størv bæði í Føroyum og uttan­lands.