hósdagur 8. juni 2017síða 26

FRÍGGJADAGUR 9. JUNI 2017 SOSIALURIN 66 26 ÍTRÓTTUR Jónas Tór Næs: FÓTBÓLTUR Hann er ikki altíð sjónligasti maðurin á vøllinum, men avrikið liggur ongantíð eftir. Hann telur ikki landsdystir, men hevur verið við í 50 av teimum seinastu 57 landsdystum hjá Føroyum. Hann hevur ongantíð givið avboð, men tvær ferðir hevur verið nær við. Høgri bakkurin á landsliðnum er aftur farin av landinum at spæla fótbólt, fyri at bjóða sær sjálvum av TRÓNDUR ARGE – HOTEL FØROYAR H ann er løgfrøðingur og familjumaður, men tað hevur ikki steðga hon­ um í at kom í “klubb 50”, sum bara 13 landsliðspælarar hava klár­að. Hann mundi ikki verið við í minni­liga sigrinum í Grikkalandi, tí son­urin ætlaði sær út um somu tíð – men helst visti sonurin okkurt. Konan var sett at eiga um somu tíð, sum vit skuldu avstað. Tíbetur gjørdi hann skjótt av og kom út seks dagar áðrenn tíð, so eg kundi vera við. Okkurt hevur hann vitað, sig­ur Jónas Tór Næs brosandi. Hann situr í troyggju, sum er blá og føroysk frámerki eru á. Hann er rólig­ur og smílandi, men tað koma ikki tær stóru yvirskriftirnar frá løg­frøðinginum. Soleiðis kenna vit hann eisini á vøllinum. Hann arb­eiðir hart, men ger ikki nógv burt­urúr sær sjálvum. Hann hevur spælt 49 landsdystir og hevur illa nokk verið í nánd av at skjóta mál. Heldur er søgan um 30 ára gamla Jónas Tór Næs, søgan um ein arbeiðshest, sum tú altíð kanst rokna við. Hann er í løtuni í farloyvi frá starvinum sum løgfrøðingur í Heilsu- og innlendismálaráðnum, hev­ur tikið útbúgvingina á Køben­havns Univeristet og er familjumaður við tveimum børn­ um – men hevur altíð tíð til lands­ lið­ið – eisini tá nú seks ára gamla dótt­urin bleiv fødd, stutt undan venj­ingarlandsdystinum móti Luksem­borg. Telur ikki landsdystir Tað er gjarna ein stór løta, tá tú spælir landsdyst nummar hálvt­ hundr­að, men heilt soleiðis er tað ikki hjá Jónasi Tór Næs. Hann tyk­ ist verða ein sikkurt startari, men so­leið­is hugsar Jónas Tór Næs held­ur ikki. – Eg havi ikki hugsað um tað, men um eg sleppi á vøllin, so verð­ ur tað stuttligt. Tað var ikki fyrr enn tit miðlarnir byrja at eg fari at hugsa um tað. Tá byrjar tú at hugsa aftur í tíðina. Tað er stuttligt at minnast aftur á upplivingar á landsliðnum. Bæði góðar sum ring­ ar, sigur Jónas Tór Næs. Lars Ol­sen hevur síðani váttað, at høgri bakk­ ur­in byrjar inni í kvøld. Hann hevur ikki tal á sínum lands­dystum, tí hann telur slett ikki landsdystirnar hann spælir. – Eg eri glaður og stoltur av at um­boða Føroyar. Eg hugsi ikki um tal­ið, men eri stoltur av tí. Eg havi ong­antíð havt nakað mál um at klára eitt ávíst tal av dystum, sigur løg­frøðingurin. Tað sigur ikki so lítið, at hann hev­ur verið við í 50 av teimum sein­ astu 57 landsdystunum. Av teimum eru allir vegna skaða ella leikbann. Fyrsta úttøkan órógvaði próvtøkuna Jónas Tór Næs spælir í 2008 sín fyrsta landsdyst fyri Føroyar. Tað er ein venjingardystur móti Est­ landi. – Tá ringdi ongin og segði at tú ert úttikin. Eg var akkurát byrj­ aður upp á eina 24-tímar próv­tøku í stýrisskipanarrætti, tá svág­ur­in, Jákup Sørensen, ringdi og for­ taldi mær tað. Tað órógvaði fyrstu tímarnar, men eg fekk góðar aft­ur­ meld­ingar fyri próvtøkuna, sigur Jón­as Tór Næs. Hann spælir allan dystin, sum Estland vinnur 4-3. Tað er eis­ini í Estlandi, at Jónas Tór Næs fær sítt størsta vónbrot sum lands­ liðs­spælari. Tað er í 2010 til EM und­ankappingina og Jóan Símun Ed­mundsson hevur lagt Føroyar á odda, men í yvirtíðini skorar Est­ land tvær ferðir. Føroyska lið­ið hevur sum so tamarhald á dyst­in­ um, men alt dettur á gólvið. – Tað var ein dystur við lærdu nógv av. Vit høvdu næstan vunnið dyst­in, men endaðu við at tapa. Vón­brotið setti seg, og síðani haldi eg at tað gav okkum eina stryki, tá vit høvdu eitt úrslit, at nú skuldu vit ikki missa tað, fortelur Jónas Tór Næs. Hann leggur afturat um vón­ brot­ini á landsliðnum, at stórtapini eis­ini kennast hørð. Besta minnið er Pireus Tá høgri bakkurin hugsar aftur á lands­liðstíðina, so er eitt minni, sum stendur sterkari enn allar tær góðu løturnar. – Tað er uttan iva í Pireus, tá vit vunnu á Grikkalandi. Tað kann ikki lýs­ast hvussu lekkurt tað var, sigur Jón­as Tór Næs og minnist aftur á dyst­in og ferðina. – Ongin hevði væntað nakað áðr­enn dystin, tí kappingin í Før­oy­ar var liðug og vit høvdu vant á Tórsvølli fyri at halda okkum í gongd. Vit høvdu havt góðar dystir framm­anundan, men úrslitið mangl­aði. Tá vit førdu, so minnist eg at kenslan í Estlandi kom í meg og eg hugsaði, at nú skal tað ikki end­ur­taka seg, greiðir Jónas Tór Næs frá og leggur afturat: – Ein vanligur spurningur er fái frá íslendingum er, um tað ikki eru vit, sum eiga æruna av at Leicester vann Premier League. Hann vís­ur til, at Claudio Ranieri bleiv koyrd­ur sum landsliðsvenjari hjá Grikka­ landi, fyri síðani at vinna Premier League við Leicester. Ivast í besta dystinum Jónas Tór Næs brúkar ikki nógv tíð upp á at hugsa um spældar dystir, men tá hann skal svara upp á besta dyst­in hann hevur spælt, so renna trígg­ir dystir fram í huganum. – Eg minnist at eg hugsaði oft­ ani í byrjanini, at nú var hetta mín besti dystur, men við tíðini havi eg ikki hugsað upp á sama máta. Tað er eisini ringt at siga hvat er mín besti dystur, men kanska tann móti Svøríki á Tórsvølli. Teir vinna 2-1, men skora ikki fyrr enn eg má út at seymast, fortelur høgri bakk­ ur­in. Hann nevnir eisini 2-0 sigurin á Lettlandi fyri kortum, umframt 1-0 tapið fyri Fraklandi í 2009. Tá hevði Jónas Tór Næs úr at gera á høgra bakkinum. – Teir byrjaðu við Patrice Evra á vinstra bakki og Florent Malouda á vinstra vongi. Seinasta hálva tíma kom s o F ra n c k Ribery á vøll­in fyri hann. Eg gav honum eina ordans takl­ing, sum kostaði gult kort, men eft­ir­fylgjandi dribblaði hann inn í vøll­in, fortelur Jónas Tór Næs. Føroyski landsliðsbakkurin fór eis­ini avstað við troyggjuni hjá Franck Ribery eftir dystin. Ein av teim­um fáu troyggjunum hann hev­ur biðið um, men besti spælari hann hevur spælt ímóti er ein íri. – Eg havi spælt móti fleiri stór­ um nøvnum, men besti spælari eg havi spælt yvirfyri er Aiden McGeady úr Írlandi. Eg kundi hugs­að mær at sagt nøkur stór nøvn, men hann var ótrúligur, sigur Jón­as Tór Næs. Til Íslands at liva fótbóltsdreymin Jónas Tór Næs spælir í dag við Íslendska ÍBV, eftir at hann í fjør bleiv valdur til ársins spælara í B36. Hann hevði eisini sáttmála við fe­ lag­ið fyri komandi kappingarár, men 30 ára gamli bakkurin valdi LØGFRØÐINGU Í KLUBB 50