mánadagur 12. juni 2017síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 14. JUNI 2017 · Nr. 67 Eldurin á Varðanum Pelagic: 10.00 – ávaring frá løgregluni um, at eldur var í Varðanum Pela­gic. Løgreglan ávaraði tá um at fáa fólk á Tvøroyri frá húsum, sum búgva tætt við Varðan Pelagic. Tá var vandi fyri, at eldurin fór at spreiða seg. Tey fyrstu, sum vórðu evakuerað, vóru skúlabørnini. 11.00 – løgreglan avsperrar alt Tvøroyri og Trongisvág og heitir á fólk um at fara frá húsum og leita suður til miðnámsskúlan í Hovi ella til skúlan í Hvalba. Bara fólk á sjúkrahúsinum og ellisheiminum sleppa at vera verandi. Sjúkrahúsið sendir ein sjúkling til Havnar við tyrlu, meðan restin verður ant­in útskrivað ella send oman í kjall­ aran. Tað sama verða búfólkini á ellis­heiminum. 11.30 – sløkkiliðsfólkini trekkja seg fyribils, tí eldurin er ov heitur til, at tað er trygt hjá teimum at halda fram við at sløkkja. 13:00 – Brimil kemur á Trongis­ vágsfjørð í royndini at hjálpa við at sløkkja eldin. Tvey onnur skip eru stutt aftaná, og áðrenn klokkan 13.00 fara fýra brandbilar úr Vágum og Havn við Smyrli suður at hjálpa til. Smyril siglur á Vág allan dagin. 14.00 – drekkivatni á Tvøroyri kann ikki drekkast fyribils, tí løgreglan má kanna, um ammoniak hevur spreitt seg hendan vegin eisini. Hetta viðførir, at sjúkrahúsið ikki fær vaska teimm brandmonnum, sum enda á sjúkrahúsinum orsaka av roykskaðum av ymiskum slag. Tað heldur fram inn til klokkan 19.00, tá ið drekkivatni verður mett reint aftur. 15.00 – eldurin er við at vera sløktur á Tvøroyri, men trý skip og ein ørgrynna av brandbilum spula framvegis av øllum alvi. Og í nógvar tímar aftaná – eisini stóran part av sunnudegnum og mánadegnum, verður framvegis spulað fyri at køla bygningin. 17.00 – vegbyrgingarnar verða flutt­ar til Trongisvágs, og síðani 1 km. frá Varðanum. Tað merkir, at tey, sum búgva longri vekk enn 1 km frá eldinum sleppa til hús. 19.00 – Løgreglan boðar frá, at tey hava boðsent starvsfeløgum úr Danmark til Føroya at hjálpa til í kanningararbeiðnum. 22.00 – Nú vera vegbyrgingarnar fluttar til 300 m frá Varðanum. Sostatt eru nøkur hundrað fólk, sum ikki sleppa til hús. Tvøroyrar Kommuna sigur, at tað gekk fyri­ myndarliga væl at fáa hýst hesum fólkunum, tí gestablídni var sera stórt hesa lagnustund. SOLEIÐIS VAR LAGNU­ DAGURIN Á TVØROYRI Lova at endurbyggja beinan vegin Tað hevði sera stóran týdning fyri suðuroyingar at frætta, at Varðin Pelagic skal endurbyggjast beinan vegin. Stjórin gjørdi skjótt greitt, at hetta arbeiði fór at vera byrjað beinan vegin. Materiellir skaðar fyri milliónir Tað verður ein dýrur smeitur fyri Varðan Pelagic og tryggingarfelag teirra, tá ið skaðin skal gerast upp í krónum og oyrum. Eingin ivi er um, at tað verður ein stór milliónaupphædd, sum skal nýtast í royndini at endurskapa risa arbeiðsplássið á Tvøroyri. Heilsanir frá nær og fjar Samkenslan var stór fríggjadagin, tá ið alt frá Aksel V. Johannesen, Anniku Olsen til Lars Løkke Rasmussen sendi sínar tankar suður á Tvøroyri. Tað er eingin ivi um, at hesin stóri smeitur hevur rakt Suðuroynna meint. Tað var sera álvarsamt har suðuri, tá ið eldurin gjørdi av við størsta partin av virkinum hjá Varðanum Pelagic. Miðlahúsið fylgdi málinum og her kanst tú síggja hvat hendi Fingu kreppuhjálp beinan vegin Sálarfrøðingurin hjá Varðanum Pelagic varð flogin suður á Tvøroyri stutt eftir, at eldurin kyknaði. Hetta tí, at starvsfólk hjá Varðanum og bjargingarfólk annars høvdu tørv á stuðli og tað fingu tey beinan vegin.