mánadagur 12. juni 2017síða 21

21 Mánadagur 6. januar 2014 · Nr. 2 Sosialurin Mánadagur 12. JUNI 2017 · Nr. 67 Hugskot og viðmerkingar – send sms til 225000 venjararnir standa við. Í løtuni er mangan talan um foreldur ella fólk, sum bara vilja hjálpa felagnum, men tað er ikki nokk, um vit vilja í elituna. – Vit mangla venjarar, sum eru menningarvenjarar. Tað er eitt stórt arbeiði, tí tað skal venjast nógv, og tú skal eftirmeta og fyrireika venjing eisini, sigur venjarin hjá NSÍ. Fótbóltssambandið hev­ur frá ársbyrjan sett fýra fótbólts­ mennarar, sum skulu hjálpa før­ oysku feløgunum. – Tað er eitt stig á leiðini, men eg haldi, at helmingurin av tíðini hjá teimum verður brúkt skeivt. Teir eru úti hjá feløgunum og meta um venjingarnar og geva góð ráð. Tað er sum so fínt nokk, men eg haldi bara, at vit fáa ov lítið fyri pengarnar tá, tí ein venjari kann gevast til eina og hvørja tíð. Tað haldi eg onkursvega er ov ótrygt, sigur Anders Gerber og vísir til ein annan trupulleika. Venjararnir hava arbeiði við síð­ una av, meðan fótbóltsvenjing er eitt ítriv. Tá blívur alt eitt sindur tilvildarligt, og ein venjari kann bara gevast, tá hann ynskir, heldur Anders Gerber fyri FSF-krav og venjarar á hálva tíð er loysnin Her heldur venjarin hjá NSÍ, at ein máti at kunna krevja meiri av venjarunum er at seta teir hálva tíð. Hann væntar tó ikki, at hetta hendir um FSF ikki setur kravið – Eg veit tað er trupult við fígg­ ing, men tað er tørvur á tí. Kanska skal tað kravið koma frá FSF, tí so verða feløgini noydd at raðfesta ungdómsvenjarar hægri. Eg ræðist, at tað ikki kemur at henda, um tað ikki er eitt krav frá FSF, sigur Anders Gerber og vísir á eitt dømi, har tveir venjarar verða settir hálva tíð, fyri 200 túsund krónur um árið í part. – Tað er 400 túsund krónur, sum NSÍ skal finna í fíggjarætlanini. Tað er ein sera stórur partur, og tí síggi eg eisini, at tað verður torført, at fáa menningarumhvørvið at liggja úti hjá feløgunum. Tí haldi eg, at topp-20 skal mennast av FSF, sum skal tora at taka kjansin, sigur Anders Gerber. Ungdómsdeildirnar hava avbjóðingar Anders Gerber heldur, at tað er ov stórur munur á liðunum í ung­ dómsdeildunum í Føroyum. Tað ger, at ov nógvir dystir verða ov lættir fyri vinnandi liðið. Tá munurin á liðunum er so stórur, ger tað dystin verri. Fyri NSÍ merkir tað ofta, at mótstøðan er ov veik. – Um vit siga, at tað eru 25 dystir fyri eitt lið, eru bara tíggju av teimum á einum nøktandi stigi. Tað er ikki gott nokk, sigur venjarin hjá NSÍ, sum eisini heldur, at bygnaðurin við 1.deild leygardag, Effo sunnudag og U18 mánadag er ein skeiv raðfylgja. – Best var um Effo spælir áðrenn 1. deild, tí so fært tú spælarar frá Effo niður, sum ger at dystirnir blíva á einum hægri stigi. Tað er alt ov fáir dystir í 1.deild, har støðið er høgt nokk, sigur Anders Gerber. Hann heldur fyri, at hugburðurin er tann týdningarmiklasti, tí tað snýr seg um at menna spælarar heldur enn at vinna. Ein vansi er sjálv­andi, at tú kanst detta úr 1. deild. Uppraðfesta landsliðsfótbólt Ander Gerber hevur eisini eina meining um, hvussu vit fyrireika okkum til ungdómslandsdystir. Ser­liga, tá tað kemur til skránna við dystum. – Her kann eg vísa á eitt dømi. U19 landsliðið skal avstað sunnu­ dag at spæla venjingardyst móti Luksemborg týsdag. Spæl­ar­ar­ nir skulu spæla við feløgunum leygardag, fyri síðani at spæla týs­dag og hósdag móti Luksemborg, vísir venjarin hjá NSÍ á og leggur afurat: – Eg haldi, at U19 spælararnir fáa mest burturúr at spæla lands­ dystirnar, men teir koma troyttir til dystin, tí teir hava spælt í Føroyum beint frammanundan. Síðani skulu teir ferðast og venja seg við grasið. Har haldi eg ikki, at U19 landsdystirnir hava fingið nóg høga rað­festing av FSF, tí spælararnir skulu verða frískir til slíkar dystir, sigur Anders Gerber, sum eisini finst at støddini á hópinum. – Afturat tí, hava teir bara ein dag hvíld millum dystirnar, men hava bara 16 útispælarar við til dyst­in. Tað vil siga, at umframt at fyrireikingarnar ikki eru nóg góð­ar, eru ov fáir spælarar við til at kunna spæla tveir dystir upp á so stutta tíð, sigur Anders Gerb­er, sum ikki lovaði sínum U19 lands­ liðs­spælarum at spæla leygardagin áðrenn U19 landsdystirnar. – Teir spældu ikki áðrenn U19 landsliðið fór avstað, fyri at fáa sum mest burturúr dystunum móti Luksemborg. Av tí sama verður 1.deildarliðið ikki eins gott. Tað er fyri at menna spælaran. Vit meina, at um spælararnir fara frískir av­ stað, fáa teir meiri burturúr túr­in­ um. Harvið fáa vit meiri aftur, sigur venjarin hjá NSÍ. Menni einstaklingin Gjøgnum alla samrøðuna gongur aftur, at Anders Gerber saknar, at einstaki spælarin verður raðfestur hægri enn komandi dysturin. At felagið og venjararnir í størri mun menna ein spælara, og hugsavna seg um, hvussu hann kann blíva betri í longdini. – Tað hevur størst týdning, at spælarin mennist. So um ein spælari hevur tørv á at spæla á einum ávísum stigi, so skal hann tað. Tað er ikki alt avger­ andi at vinna, men tað er so týdningarmikið, at hyggja at tí einstaka spælaranum og spyrja, hvat hann hevur brúk fyri. Tað kemur í fyrstu røð, frammanfyri at royna at vinna ein ungdómsdyst. Góð ráð til føroyskan fótbólt Ander Gerber er ein ótolin maður, sum ikki er til langtíðarloysnir. Hann heldur, at FSF og føroyskur fót­bóltur bara skal koyra avstað. – Eg eri mest til, at vit bara skera í gjøgnum, tí hin loysnin tekur ov langa tíð. Tað krevur, at nøkur djørv fólk taka tað avgerðina og tora at standa við hana. Tað er vanda­mikið, bara at halda, at alt er gott, tí vit klára okkum væl í løtuni. Tú skal allatíð endurnýggja teg og flyta teg fram, sigur Anders Gerber at enda. trondur@sosialurin.fo »Eg trúgvi tað mest realistiska boðið í hesum sambandi er at gera eitt miðpunkt, sum verður eitt menningar­ umhvørvi. Tú kundi kanska sagt, at vit kundu havt trý, men eg haldi, at eitt er tað besta. Tá leggja við alla orku í eitt og sama stað« MENNING