hósdagur 15. juni 2017síða 21

FRÍGGJADAGUR 16. JUNI 2017 SOSIALURIN 69 21 VILMUND JACOBSEN S undalagsstevna verður hetta vikuskiftið. Stevnan skiftir millum Kollafjørð, Hósvík og Hval­vík, og í ár eru tað hósvíkingar, sum eru vertir. Tað eru Hósvíkar Róðrarfelag og Bygdafelagið Varðin í Hósvík, sum saman við eldsálum í bygdini hava lagt til rættis skránna og fara at skipa fyri tiltøkum. Umframt at sundalagsstevna hevur bæði barnaróður og FM- róður leygardagin, verður eisini nógv annað á skránni – fyri bæði børnum og vaksnum. Pól Niklái setir Umframt tivoli, hoppiborgir og annað, bjóðar sundalagsstevna eitt nú heitar pottar, grillhugna, PubQuiz, ymiskar kappingar, mat og dans. Sundalagsstevna verður sett fríggjakvøldið – tað er í kvøld – klokkan 19, og tað verður Pól Niklái Thorkildshøj, býráðslimur í Sunda kommunu, sum fer at seta stevnuna. Eftir setanina verður felags­ sang­ur, og tað verður Janus Trúgva­son, sum fer at skipa fyri. Á skránni fríggjakvøldið verð­ur eisini barnadiskotek fyri næmingum í 1.-7. flokki. Barna­ dansurin verður í bygdahúsinum, og í samband við tiltakið koyrir bussleiðin hjá Sunda kommunu. Kappróðurin er størsta einstaka tiltakið á sundalagsstevnu. Lagt verður fyri við barnaróðri leygar­ dagin klokkan 13.30, og klokkan 15 byrjar FM-róðurin. Ein varði í bygdini Bygdafelagið Varðin er eitt virkið felag – ja, ein varði í Hósvíkar bygd - og hetta sæst eisini aftur, nú hósvíkingar fara at skipa fyri sundalagsstevnu, har bygdahúsið verður karmur um fleiri av tiltøkunum. Hotelkokkurin, Ruben Busk, sum eigur og rekur Matsmiðjuna, fer leygarkvøldið at borðreiða við góðari steik, eplum, grønmeti og soppasós, og hetta tiltak verður eisini í bygdahúsinum. Høvi verður at keypa sær heimabakaða sjokulátukøku við sólberjakremi og kaffi. Í Bygdahúsinum verður eisini høvi at keypa børnunum eitt nú pizza, toast og pylsur, umframt at fólk kunnu keypa sær kaffi, køkur og annað. Leygarkvøldið fara Bára Silv­ ans­dóttir og Holgar Jacob­sen at syngja nøkur løg í bygdahúsinum, og um kvøldið verður eisini PubQuiz við Simonu Midjord. Leygarkvøldið á midnátt verður góður dansur í bygdahúsinum, og tað verða Company, sum eru sundalagsmenn, ið fara at spæla og syngja. Í samband við dansin koyrir bussur av Eiði klokkan 23, og hesin steðgar við Magn við Streymin – og við bussskýlini í Streymnesi og Hvalvík. Bussur koyrir eisini av økinum við kirkjuna í Kollafirði á midnátt. Eftir dansin sleppa fólk heim­ aftur við bussi til Eiðis og Kolla­ fjarðar. Frásøgn um kirkjuna Sunnumorgunin klokkan 9 verður morgunsvimjing í Hósvík við Kitty Trúgvadóttir, og tá verða eisini pottarnir við róðrarneystið heitir. Klokkan 11 verður gudstænasta í Hósvíkar kirkju við Bergtórur Bjarkhamar, og klokkan 12-13 verð­ ur frásøgn um Hósvíkar kirkju. Hósvík, sum verður vertur fyri sundalagsstevnu um vikuskiftið, eigur virkin feløg og einstaklingar, sum skapa lív, trivnað og samanhald í bygdini Ruben Busk, sum eigur og rekur Matsmiðjuna, er eisini við til at seta Hósvík á Føroyakortið Fakta um bygdarhúsið Bygdarhúsið í Hósvík varð reist hin 17. august í 1991. Húsið er í trimum hæddum og hevur stóran ídnaðarkøk og kølirúm. Stórur salur er í stovuhæddini, og salur er eisini í niðaru hæddini. Bygdarhúsið verður brúkt til nógv ymisk tiltøk og endamál. Eins og húsið kann leigast, kann steintoy, borð og stólar eisini leigast út úr húsinum. Eldsálir og náttúra seta Hósvík á Føroyakortið Áhugaverd tiltøk í Føroyum longsta dag, sum er 21. juni: Eiðiskoll longsta dag Kom við familjuni niðan á Eiðiskoll, sum er 352 m høgt. Hóvast tú ikki ert í ørandi hæddum er hetta eitt gott stað at síggja sólina seta í vestri um sýni er gott. Við góðum ferðaleiðara, fáa vit frásagnir um radarstøðna uppi á kollinum og hvussu tað ávirkaði Eiðisbygd at verða hersett av bretum. Tíð og stað: Mikukvøld, 21. Juni. 2017, mett til 3 tímar, miðal lætt gonga. Byrjar á Eiði kl. 22.00 (sólsetur kl 23:17 og sólarris kl 03:41) kostnaður: 150,- kr (íroknað ferðaleiðara) Tilmelding: á Kunningarstovunum í Eysturoy Torleikastig: lættur til miðallættur túrur Skælingsfjall longsta dag Takið av tí frálíka møguleikanum, og komið við niðan á Skælingsfjall longsta dag, 21. juni. Skælingsfjall er 767 metrar høgt. Á tindinum hevur tú eitt sera vakurt útsýni yvir Vágalandi, Koltur, Hestoynna og fjallatindarnar norðureftir. Um man ætlar sær upp á tindin, krevur hetta ein staðkendan ferðaleiðara. Tað er bratt at ganga, men leiðin er trygg og teir tríggir ferðaleiðararnir vegleiða væl um hvussu gingið verður. Farið verður við bussi av Vaglinum í Havn kl. 19.00 Kl.19.30 verður byrjað at ganga av Skeiðsskarðið, og vit vænta at vera á toppinum uml. kl. 23.00 Kl. 23.34 er sólsetur og hetta hátíðarhalda vit saman við einari hugnaløtu. Eftir midnátt verður gingið oman og vit vænta at vera niðri aftur uml. kl. 03.00 Síðan koyrir bussurin aftur til Havnar. Kostnaður fyri luttøku er kr. 295 fyri hvønn. Eisini ber til at bíleggja føroyskan matpakka at hava við fyri kr. 195 fyri hvønn. Ferðaseðil fæst til keyps hjá Visit Tórshavn Túrur upp á Gluggarnar longsta dag Longsti dagur er ónsdagin 21. juni. Ætlanin er at fara niðan á hægsta fjall í Suðu-roynni, Gluggarnar, hetta kvøld og vónandi síggja sólina fara í kav millum oyggjarnar norðanfyri. Sólsetur er kl. 23.20. Er sýnið gott, síggast flestu oyggjarnar og tey hægstu fjøllini fyri norðan. Túrurin verður bert, um veðurlíkindindi eru góð. Farið verður úr Rangabotni kl. 21.30. Gingið verður fyrst niðan á Galvin, sum er ves- tasti partur av Gluggunum. Har er vallað, gott at ganga og vakurt útsýni niður í Botn. Síðan verður gingið eystur á hægsta punkt á Gluggunum. Sólin rísur afur kl. 03.35, og fólk, sum hava frí, hava sjálvsagt høvi til bíða eftir hesi løtu. Túrurin er ókeypis