fríggjadagur 23. juni 2017síða 9

FRÍGGJADAGUR 23. JUNI 2017 SOSIALURIN 72 9 ÚTBYGGINGIN Á SUNDI ÁKI BERTHOLDSEN AKI@SOSIALURIN.FO   Í vikuni gjørdu minnilutin í kommununi eina roynd at fáa meirilutan í Tórshavnar Býráð at ganga frá ætlanini at brúka grót úr Eysturoyartunlinum til at gera eitt ídnaðarøkið á Sundi. Men tað miseydnaðist, tí meirilutin stendur við ætlanina og sostatt verður ídnaðarøkið gjørt. Býráðslimirnir í minnilutanum ásanna, at tey hava eisini verið við til at samtykkja at gera ídnaðarøkið í Sundi. Men tey halda, at tað er so nógv nýtt komið fram, at býráðið eigur at steðga á. Tey hugsa um, at kaldbaksfólk hava mest sum einmælt mótmælt ætlanini og tey hugsa eisini um, hvussu órógvandi ferðslan við grótið verður. –  Í meiri enn tvey ár skulu eini 70 treylarar koyra eftir Kaldbaksvegnum ímillum Hvítanes og Sund og tað verður ótolandi fyri ferðslutrygdina, halda tey. –  Tað vóru upplýsingar, vit ikki høvdu, tá ið býráðið samtykti at broyta byggisamtyktina, so at grótið kann leggjast á Sundi. Tey ásanna, at tað var undanfarna býráði, sum samtykti at broyta byggisamtyktina so at grótið kann leggjast á Sundi og tað var undanfarna býráð, sum samtykti at gera ídnaðarøkið. Men málið var ikki endaliga avgreitt í undanfarnu samgongu, og tí bar til at bakka. Og tað er hetta býráðið, sum hevur skrivað undir sáttmálan við tunnilsfelagið um at leggja grótið á Sundi. Og tað er eisini hetta býráðið, sum hevur endaliga góðkent, at byggisamtyktin verður broytt, so at grótið kann leggjast har. Heldur enn at leggja grótið á Sundi, skjóta tey upp at brúka tað til vegin ímillum tunnilin og Havnina. Tað kann eisini brúkast sum ífylla í nýggju Skansabryggjuni og so mikið minni verður grótbrotið á Glyvursnesi. Og ein partur kann eisini brúkast til at gera ídnaðarøkið á Skarðshjalla størri. Eitt av teimum meiri semerktu uppskotunum frá Javnaðarflokkinum var at brúka grótið til ætlaða flogvøllin á Glyvursnesi. Tey ásanna eisini, at tað er ein feilur, at Kalbaksnevndin ikki er hoyrd beinanvegin, men tey halda, at tað er ein dygd at kunna viðurkenna eitt mistak – og at rætta tað. – Hetta er ein gyltur møguleiki at bjarga Kaldbaksfirði halda tey. Og samanumtikið halda tey, at ongin vissa er fyri, at ídnaðarøkið nakrantíð fer at verða brúkt, í hvussu so er eru ongar ítøkiligar ætlanir, uttan ein umsókn um alibrúk, men býráðslimir seta stórt spurnartekin við eina umsókn um aling undir liðini á einum asfaltverki og einum kraftverkið, ið gongur við tungolju. ÚTBYGGINGIN Á SUNDI ÁKI BERTHOLDSEN AKI@SOSIALURIN.FO   Tað segði Annika Olsen, borgarstjóri í Havn á býráðsfundi í vikuni, har eitt uppskot frá minnilutanum í býráðnum um at steðga ætlanini at koyra grót úr Eysturoyartunlinum á Sund, var til viðgerðar. Hon vísti á, at undanfarna býráð hevur samtykt hetta málið einmælt. Og grundað á hesar samtyktina í býráðnum hava byggifelagið, NCC, sum ger tunnilin, og felagið fyri Eysturoyartunnilin, gjørt eina avtalu um grótið úr tunlinum. –  Nú er ábyrgdarleyst at traðka á bremsuna, tí so taka vit grundarlagið undan avtaluni ímillum NCC og felagið, sum ger Eysturoyartunnilin. Og gera vit tað, fáa vit eitt stórt endurgjaldskrav, tí talan er um eina verkætlan fyri milliardir, sigur borgarstjórin Annika Olsen sigur, at einki haldgott uppskot er frammi um, hvat grótið so skal leggjast og tað er ábyrgdarleyst at leggja arbeiðið upp á Eysturoyartunnilin, stilt. – Annika Olsen ásannar, at hetta málið er óhugaligt, tí tað er einki stuttligt hjá býráðnum at fara í kríggj við eina heila bygd. Men hon sigur, at tey hava roynt at gingið Kaldbaksfólki á møti, og tískil verður Sundsá varðveitt, samstundis sum at ein partur a ósanum verður varðveiddur og malargrótið verður tikið upp. Hon vísir eisini á, at tað eru strangari treytir fyri virkseminum á havnarøki enn á einum vinnuøki, so tað verður ikki tann dálkandi ídnaðurin á Sundi, sum kaldbaksfólk stúra fyri. Tey, sum hava virksemið á Sundi, skulu lúka tær treytir, sum settar eru og tí skal økið nú ruddast, leggur hon afturat. Hinvegin heldur hon, at tað er eisini ein uppgáva hjá eini kommunu at skapa vinnumøguleikar og hon vónar at Sund verður eitt blómandi vinnuøki. Og skulu vit hugsa um fiskivinnu, er tað greitt, at vit tapa kappingina við onnur øki í landinum, legði hon afturat. STRÍÐ UM GRÓTIÐ Á SUNDI Nú eiga vit at steðga á Hetta er eitt eymt mál. Samstundis er nógv nýtt komið fram, og tí eiga vit at steðga á. Tað halda tey í Javnaðarflokkinum og Sambandsflokkinum í Tórshavnar Býráði Púra ábyrgdar­ leyst at steðga nú - Tað er ábyrgdarleyst at traðka á bremurnar nú, heldur Annika Olsen, borgarstjóri í Tórshavnar Kommunu