fríggjadagur 23. juni 2017síða 10

FRÍGGJADAGUR 23. JUNI 2017 SOSIALURIN 72 10 DANJAL AV RANA Í 2016 vórðu 268 pør gift í Før­ oyum. Seinasta viku­skift­ ið skrivaði Sosialurin um hjúnaskilnað. Hesa vik­una hava vit valt at skriva um hina upp­ loysn­ina av einum hjún­ar­band­ið, tá annar makin doyr. Tað eru 2.386 einkjur og einkju­ menn í Føroyum í dag, 1.864 einkjur og 522 einkjumenn. Seinastu 30 ár­ ini hevur talið ligið millum 455 og 676 menn og 1.842 og 2.033 kvinnur. Yngsta einkjan í Føroyum er 28 ára gomul, yngsti einkjumaðurin er 31 ára gamal. Elsti einkjumaðurin er 100 ár, elsta einkjan 101 ára gom­ ul. Á næstu síðunum tosa vit við Ása Klakkstein Danielsen, sum tríggj­ar ferðir hevur upplivað at mist mannin. Hon greiðir frá hvussu tað er at liva víðari eftir miss­in. Hon greiðir frá, hvussu ein­ligt tað kann blíva eftir missin. – Eftir nakrar mánaðir ringdi tele­fonin ikki meir, og tað var ómeta­liga einsligt. Einferð lyfti eg hornið upp á telefonini fyri at vita, um hon var í ólagi, tí ongin ringdi longur. Alt steðgaði upp, og tað bleiv sum í grøvini, sigur hon. Ása Klakkstein Davidsen greiðir tó frá, at gjøgnum alla sorgina hev­ur hon leitað sær umsorgan hjá Gudi. Vit hava tosað við Berg Debes Joensen, prest, um hvørja troyst trúgvin gevur teimum, sum mist hava. – Mín uppgáva er at leiða fólk víð­ari. So heldur enn at spyrja hví, eggi eg teimum til at spyrja, hvønn tey skulu fara til við sorg teirra. Tá peiki eg á Gud, sum veit alt, kann alt og hevur umsorgan fyri okkum, sig­ur Bergur Debes Joensen. Sorgin krevur sítt Kathrina Lindenskov Holm, sála­ frøðingur, greiðir frá, hvussu vit skulu liva víðari við sorgini. Hon held­ur, at tað er týdningarmikið at geva sær tíð at dvølja við sorgina. – Hon krevur sítt uppmerksemi, men spurningur er, um tú letur hana fáa tað. Tað letur seg tó ikki gera at skumpa hana vekk. Fyrr fingu fólk heilivág, men hann kann ein­ans doyva pínuna. Men pínan er týdningarmikil. Vit skulu læra at rúma hesum sterku kenslunum, sum koma, tá tú missir. Sorgin tek­ ur langa tíð at arbeiða við og fylgir tær alt lívið, sigur hon. Vikuskiftissosialurin hevur eis­ ini tosað við Betri Pensjón um hvat hend­ir, tá makin doyr. Tað kann ger­ast steinur oman á byrðu, um ein, umframt at missa makan, eisini kem­ur í vanda fyri at missa húsini. John Eystberg, pensjónsráðgevi í Betri Pensjón greiðir frá, hvat fólk eiga at hugsa um. – Hetta kann vera sera torført og óveruligt at hugsa um, tá ein er ungur og lívið júst er um at byrja, men tað er so skjótt, at ein van­ lukka rakar, sigur hann. Hóast sorgin er komin fyri at vera, so er vónin, at vit heldur enn at dvølja við missin halda fast í minn­unum. Sorgin fær sítt nát­úr­ liga pláss í lívinum sum tíðin fer, og mak­in livir víðari í minnunum hjá teim­um, ið minnast hann. 2.386 føroyingar eru einkjur ella einkjumenn. Í Vikuskiftissosialinum hesa ferð tosa vit um sorgina, sum gerst ein partur av lívinum, tá makin doyr. Ein einkja, ein prestur og ein sálarfrøðingur greiða frá. SORGIN ER MISTUR KÆR Einkjur Aldurin á føroyskum einkjum og einkjumonnum 1. jan. 2017 Einkjur Einkjumenn