mánadagur 26. juni 2017síða 13

13 Mánadagur 6. januar 2014 · Nr. 2 Sosialurin Mánadagur 26. juni 2017 · Nr. 73 Hugskot og viðmerkingar – send sms til 225000 FÓTBÓLTUR Tróndur Arge Aftur í ár hevur Ítróttar­ Sosialurin sett eitt ársins lið fyri fyrru hálvu av lands­ kappingini. Tað gjørdu vit eisini aftaná fyrsta triðingin, men onkrar broytingar eru. Lið­ið líkist nógv liðnum, sum varð sett aftaná níggju tey fyrstu umførini, men onkrar broytingar eru, meðan fleiri spælarar tykjast hava bjóðað seg fram. Onkuntíð hevur verið lættari at sett liðið, tí tað er sum um at kappingin er javnari enn hon hevur verið fyrr. Tað er í ár als ikki vist, at topp­liðini vinna á teimum long­ur niðri á stigatalvuni. Hetta er okkara boð upp á ársins lið higartil. Við út­ gangs­støði í liðnum eftir nígg­ju umfør, so skal ein spæl­ara vinna seg á liðið, áðrenn vit skifta út. Ársins lið higartil: Uppstilling: 4-4-2 Málmaður: Símun Rógvi Hansen (NSÍ) Hevur verið sannførandi í sínum avikum og tykist væl fyri. NSÍ hevur latið fægst mál inn í fyrru hálvu og tað er millum annað takkað verið hesum manninum. Onnur boð: Kristian Joensen (KÍ), Trygvi Askham (EB/ Streymur) Høgri Bakk: Gert Hansen (Víkingur) Var á liðnum eftir níggju um­ før og ongin hevur yvirhálað hann síðani. Royndi bakk­ urin hevur veruliga funnið seg til rættis í Víkingi, eftir at hann bleiv fluttur á høgra bakk­in. Hevur verið javnt góður í ár. Hevur eisini hjálpt til við trimum málum. Onnur boð: Tobias W. Olesen (NSÍ), Jógvan Rói Davidsen (HB) Miðverji: Per Langgard (NSÍ) Hevur spælt seg upp seinnu árini sum miðverji hjá NSÍ. Er sannførandi í tvídystunum og er sterkasta kortið í verju­ni hjá NSÍ í løtuni. Ein spælari í framgongd. Vinnur plássi frá Hørði Askham, sum eftir eina sanførandi byrjan nú er endaður uttanfyri. Onnur boð: Jonas F. Ras­ muss­en (KÍ), Bartal Wardum (HB), Mats Walberg (TB/FCS/ Royn) Miðverji: Atli Gregersen (Víkingur) Landsliðsmiðverjin er betri fyri enn hann hevur verið í langa tíð. Hansara evir at stýra og leiða eru ein undirmettur partur av spæli­num. Vann sær plássið á ársins liðið fyrsta triðingin, men er hart kroystur av av­ bjóðarum, men stigatalvan lýg­ur ikki. Onnur boð: Odmar Færø (B36), Erling Jacobsen (Vík­ ing­ur) Vinstri bakk: Hanus Jacobsen (Víkingur) Hevur í fleiri ár verið ein fastur partur av verjuni hjá Víkingi. Í ár hava avrikini eisini verið góð og Víkingur fær góða nyttu burturúr Hanusi í bæði álopsstøðu og verjustøðu. Onnur boð: Einar Trónda­ gjógv (NSÍ) og Ári Mohr Jónsson (HB) Høgri miðvøllur: Sølvi Vatnhamar Tók eina løtu at koma í gongd, men er nú aftur millum bestu spælararnar í landinum. Hann er av­ger­ andi og ein lykil hjá Víkingi. Spælir við nógvari orku og hevur vunnið plássið Jóan­ nesi Bjartalíð úr KÍ. Sølvi Vatnhamar spælir á fram­ rættaða miðvøllinum, men kann eisini spæla á høgra vongi, sum hann eitt nú ger á landsliðnum. Miðvallari: Róaldur Jakobsen (B36) Tann føroyski Andrea Pirlo. Er í einum flokki fyri seg, tá hann er í góða lagnum. Ein spælari, sum er verdur allar pengarnar, bæði fyri áskoðaran og fyri B36. Nú er B36 eisini farið at vinna dyst­ir, so hann heldur fram á ársins liði. Miðvallari: Semir Hadzibulic (KÍ) Prógvaði í fjør, at hann er ein av stinnastu spælarunum í landinum. Í ár hevur hann avrikað frá byrjan og er ein lyklaspælari í FM stríðnum hjá KÍ. Heldur eisini fast í plássinum frá fyrsta triðinginum. Vinstri miðvøllur: Árni Frederiksberg (NSÍ) Er undangongumaðurin á NSÍ liðnum. Leggur upp og skjýtur mál. Tykist væl fyri og er málrættaður í sínum spæli. Ein tann mest spennandi spælarin í føroysku kappingini. Heldur fast í plássinum frá fyrsta triðinginum, men er fluttur á vinstra vong, fyri at gera pláss fyri Sølva Vatnhamar. Onnur boð: Benjamin Heine­ sen (B36), Jóannes Bjartalíð (KÍ) Áleypari: Klæmint A. Olsen (NSÍ) Er toppskjútti í deildini og er tryggur maður í álopinum á ársins liði higartil. Seinast fekk hann eisini mál móti Víkingi. Hevur havt enn eitt gott kappingarár, men verður andaður í nakkan av Adeshina Lawal, sum nú er komin upp á níggju mál – tvey færri enn liðskiparin hjá NSÍ. Onnur boð: Adeshina Lawal (Víkingur), Aleksandar Stan­ kov (HB), Páll A. Klettskarð (KÍ) Áleypari: Patrik Johannesen (B36) Fekk ein fantastiska byrjan upp á kappingarárið, ið eis­ ini úrslitaði í eina lands­ liðs­út­tøku. Hevur ikki rakt mál­ið síðani, men hev­ur fram­vegis munin á kapp­ ingar­neytunum, tí hann kom á liðið fyrst. Tað er góð argumentir fyri, at skifta út í álopinum, men enn hevur Patrik Johannesen ikki spælt seg av liðnum. Onnur boð: Jón Krosslá Poul­sen (TB/FSC/Royn), Búi Egils­son (TB/FSC/Royn), Albert Adu (KÍ) Venjari: Maurice Ross (TB/FC Suðuroy/Royn) Skotin hevur verið maðurin aftanfyri góðu gongdina hjá nýggja felagsliðnum. Hann hevur havt styttst tíð at fyrireika sítt lið, og torførastu umstøðurnar, tí fleiri spælarar venja í Havn. Liðið liggur á fimta plássi og stjørnan er venjarin sjálvur. Hann er enn venjari hjá ársins liði, hóast bæði Sámal Erik Hentze og Mikkjal Thomassen klára seg væl í løtuni. Onnur boð: Sámal Erik Hentze (Víkingur) og Mikkjal Thomassen (KÍ) ÁRSINS LIÐ – HIGARTIL