týsdagur 27. juni 2017síða 22

Mikudagur 28. juni 2017 · Nr. 74 22 Sosialurin Hugskot og viðmerkingar – send sms til 225000 OYGGJALEIKIR 2017 Høvuðsstuðul hjá føroysku ítróttafólkunum í Gotlandi #VINNAFYRIFØROYAR #FLÚGVAFYRIFØROYAR Terji Nielsen Visby, Gotland Mánadagurin var ein fantastiskur fyri føroysku bogaskjúttarnar á oyggjaleikunum í Gotlandi, tí úrtøkan gjørdist ikki minni enn trý gull og tvey bronsuheiðursmerkir fyrsta dagin. Anja og Oddmar vunnu gull Í kappingini í compound var tað Anja Eydnudóttir, sum vann gull við einum greiðum sigri á Gen Witham úr Gurnsey, ið fór avstað við silvurinum. Anja var ikki færri enn 22 stig framman fyri næstfremsta skjúttan. Eftir kappingina segði Anja Eydnudóttur, at hon ikki hevði gjørt so nógv annað enn at roynt at gera sítt besta og so bara síggja, hvussu langt tað bar. Man ger bara sítt besta, og so fáa vit at síggja. Umstøðurnar at skjóta her eru góðar, men tað var rættiliga nógvur vindur, og tað má man so taka hædd fyri, segði Anja Eyndudóttir eftir lokna kapping. Umframt gullið í einstaklingakappingini kundi Anja Eydnudóttir somuleiðis fegnast um, at hon eisini hevði vunnið gull í liðkappingini í compound. Tað er ótrúliga deiligt eisini at vinna gull fyri lið, so eg eri ordiliga væl nøgd við dagin í dag, segði Anja Eydnudóttir eftir kappingina mánadagin. Umframt Anju Eydnudóttir luttók Jastrid Jensen eisini í compound, og hon gjørdist samanlagt nummar 12 í kappingini. Tey fimm, sum mannaðu føroyska liðið, ið vann gull í liðkappingini í compound, eru Anja Eydnudóttir, Albert Elias Dam, Nikkel Petersen, Jógvan Niclasen og Jóannes Poulsen. Avrikini hjá monnunum í compound kappingini vóru so mikið góð, at tað eisini rakk til heiðursmerki. Absalon Hansen, ið bar føroyska Merkið til setanina leygarkvøldið, gjørdist nummar trý hjá monnunum og vann bronsuna, meðan Nikkel Petersen gjørdist nummar fýra og Albert Dam nummar fimm, so teir blandaðu seg allir í oddastríðið. Oddmar vann eisini sannførandi Meðan Anja Eydnudóttir vann gull í compound, so var tað í recurve, at Oddmar Nielsen tryggjaði sær gullið, og eins og hjá Anju var talan um eina ógvuliga sannførandi sigur. Oddmar Nielsen vann recurve- kappingina við 826 stig, meðan nummar tvey, sum var Jason La Page úr Guernsey, hevði 802 stig. Eftir kappingina segði Oddmar Nielsen, at hann ikki hevði væntað, at hann fór avstað við gullinum, men at hann sjálvsagt hevði vónað tað. Eg havi vant miðvíst, men eg leggi væl til merkis undir kappingini her, at skjúttarnir frá hinum londunum eru meiri vanir við at skjóta úti enn eg, og at teir eisini luttaka í fleiri kappingum enn vit gera í Føroyum, men eg vann so framvegis gullið, so eg eri glaður, segði Oddmar Nielsen. TRÝ GULL FYRSTA DAGIN Fyrsti dagurin hjá bogaskjúttunum í Gotlandi kastaði ikki færri enn trý gull av sær Føroysku gullvinnararnir, Anja Eydnudóttur og Oddmar Nielsen, eftir lokna kapping mánadagin Mynd: Hilmar Jan Hansen Eins og á Jersey í 2015 so fekk Marna Egholm silvur á 10.000 metra teininum í renning í Gotlandi Terji Nielsen Visby, Gotland Stórur spenningur var millum føroysku áskoðararnar við Guta­ vall­en í Visby, har kapp­ing­ar­ nar í frælsum ítrótti fara fram á oyggjaleikunum, tá ið Marna Eg­ holm skuldi kappast á 10.000 metra teini­num mánakvøldið. Á leikunum á Jersey fyri tveim­ um árum síðani fekk Marna Eg­ holm silvur, og undan kappingini mána­kvøldið var væntandi, at sterk­asti føroyski rennarin eisini fór at fáa heiðursmerki í ár. Bleiv yvirhálvað í evstu løtu Fyrstu umførini fylgdust fleiri av rennarunum, men tað gekk ikki so long tíð, so gjørdist tað greitt, at kapp­ingin um gullið fór at standa mill­um júst Marnu Egholm og so Louise Perrio av Guernsey. Seinastu fimm kilometrarnar ella so var tað Marna, sum lá beint framman fyri rennaran av Guern­ s­ey, men hóast Marna fleiri ferð­ir royndi at fara frá hinari, so bleiv Louise Perrio við at hanga í før­ oyska rennaranum. Og tá ið komið var inn á seinastu 50 metrarnar, setti Perrio spurtin inn, og tá hevði hon meiri ferð í bein­un­um enn Marna Egholm, sum sostatt bleiv yvirhálvað í evstu løtu og mátti taka til takkar við silvurinum. Tað var týðiligt, at Marna Egholm als ikki var nøgd við silvurið, tí hon vildi als ikki tosa við nakað umboð fyri føroysku miðlarnar eftir kappingina. Hetta er fimtu ferð í oyggja­ leikasøguni, at Føroyar fáa silvur á 10.000 metra teininum hjá kvinnum. Marna fekk silvur Her er Marna Egholm framman fyri Louise Perrio av Guernsey, men tá ið tær fóru um málstrikuna hevði rennarin av Guernsey yvirhálað Marnu. Mynd: Frælsur Ìtróttur Føroya