hósdagur 29. juni 2017síða 18

FRÍGGJADAGUR 30. JUNI 2017 SOSIALURIN 75 18 Høvuðsstuðul hjá føroysku ítróttafólkunum í Gotlandi #VINNAFYRIFØROYAR #FLÚGVAFYRIFØROYAR TERJI NIELSEN VISBY, GOTLAND Jónfinn Petursson er aktivur partur av badmintonkappingini á Oyggjaleikunum, men tá ið vit hitta hann í høllini, har kappingin fer fram, hevur hann ikki nakað plagg ella frámerki, sum vísir, at hann er føroyingur. Orsøkin er, at Jónfinn Petursson er farin til Gotlands sum dómari í badmintonkappingini. Eg eri sum so partur av føroyska bad­mintonhópinum, men eg eri also dómari í kappingini. Hetta er fyrstu ferð nakrantíð, at Bad­min­ ton­samband Føroya hevur sent ein skrásettan dómara til kapp­ ingarnar á Oyggjaleikunum, greiðir Jónfinn Petursson frá. Dømir eisini føroyingar Spurdur hvat ein skrásettur dóm­ ari er fyri nakað, sigur Jónfinn Peturs­son, at tað er ein dómari, sum skal hava lokið nøkur ávís skeið. Hjá okkum í Føroyum er tað van­ligani nøkur skeið, sum verða tikin í donskum samanhangi. Men hetta er so ein liður í at koma víðari í døming og vónandi sleppa at døma úti í altjóða kappingum, sig­ur hann. Jónfinn Petursson greiðir frá, at tað eru nógvir dystir í gongd allatíðina, tí tað skulu so ómeta­liga nógvir dystir spælast í badmintonkappingini í Gotlandi, og av tí sama døma dómararnir eisini rættiliga nógvar dystir. Eg haldi, at teir hesar fyrstu dagar­nar havi eg dømt eini 50 dystir í minsta lagi, sigur hann. Hesa løtuna vit vitja í Racket­ hall­en seinnapartin mikudagin, síggja vit eisini Jònfinn Petursson døma ein dyst í tvímansleiki hjá kvinn­um, og júst í tí dystinum dømir hann eitt føroyskt par. Í nógv­um øðrum ítróttargreinum sleppa dómarar ikki at døma íðkar­ar frá sínum egna landi, men so­leiðis er ikki badminton. Tað verður undirstrikað væl og virðiliga her, at tað eitur ”The Friendly Games”, og at alt fer fram í einum góðum ítróttaranda, og tí kunnu vit eisini døma før­ oy­ingar. Men tá ið vit koma til fjórð­ingsfinalurnar ella longur, so sleppa vit ikki at døma okkara egnu, sigur hann. Bleiv dómari av tilvild Men hvussu bar tað til, at Jón­finn Petursson endaði sum bad­minton­ dóm­ari – hevur hann sjálvur verið virkin spælari áður? Nei, tað var eitt sindur av tilvild. Dótturin spældi nógv badminton, og so hevur man gingið til tað saman við henni, og so hevur onk­ ur lagt til merkir, at man var har, og einki hevði ímóti at hjálpa til, um tørvur var á tí. So ein dagin bleiv eg spurdur, um eg vildi taka eitt dómaraskeið. Tað eru eini trý til fýra ár síðani, og so havi eg tikið tað har frá, sigur hann. Sum gongdin er í løtuni í før­ oyskum badminton, so hava før­ oyingar skjótt sjey skrásettar dómar­a­r. So vónandi hava vit tveir før­ oyingar við sum dómarar til kom­ andi oyggjaleikir á Gibraltar í 2019, sigur hann. Spurdur, hvat hann droymirum at sleppa at døma her í Gotlandi, sigur Jónfinn Petursson, at tað er eitt sindur trupult at siga. - Eitt ella annað stað, so droymi eg um at døma eina finalu, men tað merkir so samstundis, at før­ oy­ingar ikki eru í finaluni, og tað ynski eg sjálvandi ikki. Men røkka føroyingar ikki finalunum, so havi eg kanska ein møguleika at sleppa at døma eina av finalunum, men best er, um føroyingar sleppa í finalurnar, sigur Jónfinn Peturs­ son at enda. Aron Jacobsen fekk mikudagin silvur í ”All round” kappingini í fimleiki. Tað er fyrstu ferð nakrantíð, at ein føroyingur fær silvur í ”all round” kappingini á oyggjaleikunum. “All around” merkir, at kappast verður í øllum seks kappingargreinunum, og mikudagin hilnaðist so mikið væl hjá Aron Jacobsen, at hann bleiv næstbestur og vann silvur. Harumframt hevur hann staðið seg so mikið væl, at hann er komin í finaluna í beinsveiggi, lopi um hest, ringum, paralellari barr og rekk. Tað vil siga í øllum greinum uttan gólvi. Hinir menninir stóðu seg eisini væl mikudagin, tí eftir kappingarnar var greitt, at teir hava vunnið sær tilsamans 11 finalupláss, tá kappast verður fríggjadagin. Aron Jacobsen fekk silvur í ”all round” kappingini í fimleiki mikudagin Mynd: Hilmar Jan Hansen Søguligt silvur til Aron JÓNFINN ER KOMIN TIL GOTLANDS AT DØMA OYGGJALEIKIR: Ein av mongu føroyingunum, sum hevur sína dagligu gongd í Rackethallen í Visby, har badmintonkappingin fer frá í Gotlandi, er Jónfinn Petursson. Men hann hevur ein heilt annan leiklut enn allir hinir føroyingarnir í høllini Jónfinn Petursson er komin til Gotlands at døma í kappingini í badminton sum tann fyrsti skrásetti føroyski dómarin nakrantíð MYND: ÍSAK LAKSAFOSS ÍTRÓTTUR