hósdagur 29. juni 2017síða 20

FRÍGGJADAGUR 30. JUNI 2017 SOSIALURIN 75 20 Høvuðsstuðul hjá føroysku ítróttafólkunum í Gotlandi #VINNAFYRIFØROYAR #FLÚGVAFYRIFØROYAR TERJI NIELSEN VISBY, GOTLAND Føroyski hópurin í frælsum ítrótti á oyggjaleikunum í Gotlandi telur rætti­liga nógv nýggja andlit í oyggja­leikahøpi, og talan er um ein ógvuliga ungan hóp. Men talan er um ein evanríkan hóp, og ikki minst á kvinnusíðuni sær tað rætti­liga spennandi út fyri fram­ tíðina. Kvinnurnar sterkar í stafettini Mikudagin vísti eitt av ungu talentunum, 18 ára gamla Margit W. Fríðmundsdóttir, at hon er eitt spennandi navn, ið tað verður áhuga­vert at fylgja í framtíðini. Margit rann 200 metrar inn­ leið­andi, og tað gjørdi hon so mik­ið skjótt, at hon tók næstan 0,4 sekund av føroyska metinum, sum hon sjálv átti frammanundan. Í hálvfinaluni hósdagin var mót­ støðan tó ov sterk, so Margit gjørd­ ist nummar seks av teimum seks í hálv­finaluni, og tískil fekk hon ikki pláss í finaluni. Seinnapartin mikudagin runnu kvinn­urnar so 4 ferðir 400 metrar stafet, og tað er nakað, sum før­ oysk­ar kvinnur ongantíð áður hava luttikið í á Oyggjaleikunum. Men føroysku kvinnurnar líktust ikki nøkrum nýbyrjarum, tí tær vunnu sítt heat so ruddiliga. Elisa­beth Simonsen legði fyri, og ungi hoyvíkingurin gjørdi sítt til, at okkara vóru við í kappingini, men tað var, tá ið tann bert 16 ára gamla Oddvør Josephsen legði til brots, at Føroyar av álvara komu við í stríðið um fremsta plássið. Margit W. Fríðmundsdóttir tóku síðani yvir, og tá ið Rebekka Fuglø rann seinasta teinin, var ongin ivi um, at Føroyar vóru nógv tað sterk­asta lðið í kappingini. Tí Rebekka Fuglø kom á mál eini 15 til 20 metrar framman fyri næst­ fremsta rennaran, og føroyska tíð­in var so mikið góð, 4.06.56, at hon var næstan tíggju sekund skjótari enn gamla føroyska metið, ið var frá 2014. Føroysku kvinnurnar renna finalu­na á 4 ferðir 400 metrum seinna­partin fríggjadagin. Rebekka og Oddvør í finaluna á 800 metrum Fyrrapartin mikudagin runnu bæði Rebekka Fuglø og Oddvør Joseph­sen innleiðandi kapping á 800 metrum, og ikki kann sigast enn, at tað gekk teimum báðum ser­stak­liga væl. Rebekka Fuglø var í fyrru kapp­ ing­ini, og hon vann ein greiðan sigur, meðan tað var greitt, at Odd­ vør veruliga skuldi spíla seg út, um hon skuldi hava ein møguleika at røkka finaluni í sínari kapping, tí bert tvær tær fremstu vóru tryggj­ að­ar pláss í finaluni. Og 16 ára gamla Oddvør Joseph­ sen rann sum ein brandur, og hóast hon leingi lá triðfremst, so hevði hon teir síðstu 50 metrarnar so mikið eyka í sær, at hon við einum framúr endaspurti fekk tikið seg fram á næstfremsta pláss­ ið og harvið tryggjað sær pláss í finaluni, sum verður fríggjadagin. Ein rørdur venjari Guttorm Sørensen er venjari hjá bæði Rebekku Fuglø og Oddvør Josephsen, og hann var sum vera man ein ógvuliga fegin maður, tá ið tær báðar høvdu tryggjað sær pláss í finaluni. Hetta er heilt fantastiskt. Vit hava ongantíð áður havt tveir renn­arar við í finaluni á 800 metr­ um, so hetta er ordiliga stórt fyri okk­um. Rebekku væntaði altíð í finalu­ni, men tað var eitt sindur meira ivasamt, um Oddvør fór at megna tað, men eg visti, at hon hevði tað í sær, og tú sást, hvussu hon gav alt, ið hon átti í sær, og tað er júst soleiðis, at vit kenna Odd­ vør, segði Guttorm Sørensen eftir kappingarnar mikudagin. Hann sigur, at tað er serstakliga stutt­ligt at vera við í ár, tí føroyski hóp­urin telur so nógv ung og spenn­andi andlit, sum hava nógv ár framman fyri sær, um tey blíva við. Tær toppa ikki enn, so tað verður ótrúliga spennandi í framtíðini, um tær blíva við, tí tær hevði nógv ár framman fyri sær. Um hetta verður gongdin, so verður tað ómetaliga spennandi á Gibraltar um tvey ár, sigur Guttorm Sørensen. Fríggjadagin verður eisini stór­ ur spenningur um aðrar kapp­ingar í frælsum ítrótti sæð við føroyskum eygum. Tí tá fer Tórur Mortensen at kappsat í trístøkk, har man kann vænta eitt heiðursmerki, og somuleiðis fer Marna Egholm at kappast á hálvmarathonteininum. Guttorm Sørensen var ovurfegin um úrslitini hjá føroysku rennarunum mikudagin Mynd: Ísak Laksafoss MIKUDAGURIN GJØRDIST SØGULIGUR ÍTRÓTTUR OYGGJALEIKIR: Hjá føroyskum frælsum ítrótti gjørdist mikudagurin her í Gotlandi søguligur á fleiri økjum Rebekka Fuglø skal fríggjadagin renna finalu á bæði 800 metrum og á fýra ferðir 400 metrum. Mynd: Ísak Laksafoss