týsdagur 4. juli 2017síða 16

Mikudagur 5. juli 2017 · Nr. 77 16 Sosialurin Hugskot og viðmerkingar – send sms til 225000 Europa League: Tróndur Arge Føroyskur liðfótbóltur er hóttur á al­tjóða styrkilistanum. Verða vit yv­ir­hálaði av Gibraltar, so missa vit fjórða plássið í Evropa. Tað mekir, at bara trý feløg sleppa í Evropa á hvørjum ári, og tað er ein stór mink­ing í Evropa-milliónum, sum koma til landið. Vit hava sjálvi skyldina av tí. Í fleiri ár hava feløg strídst fyri at koma í Evropa, fyri síðani at brúka tað sum ein feriutúr, ella enntá spari­túr. Málið var bara at fáa fatur á upp­runaliga luttøkugjaldinum, fyri síðani at brúka sum minst á ferð­un­um kring Evropa. Nú kemur revsingin. Vit renna und­an Gibraltar, sum við stórum fet­um heintar inn á føroyskan fót­ bólt. Mótspælið er í gongd. Víkingur hev­ur gingið undan og nú er ongin ivi. Øll tey før­oysku feløgini og spæl­ar­ar­nir rað­festa nú Evropa, sum eina týdn­ingar­mikla uppgávu. Ikki bara fyri seg og sítt felag, men eisini fyri føroyskan fótbólt. Í tvey ár er einki føroyskt felag kom­ið víð­ari, men tilgongdin til dyst­ir­nir lík­ist nú tí, sum lands­lið­ ið leggur fyri dagin undan al­tjóða upp­gávu. Úrslitið sæst í fyrsta um­ far­in­um av innleiðandi um­far­in­ um í Europa League. Hóast av­bera sterka mótstøðu, so eru øll trý før­ oysku liðini á lívi enn. B36 fer at spæla B36 fótbólt Størsta møguleikan at koma víð­ari hevur B36. Teir spæla móti Nõmme Kalju úr Eslandi. Í fyrra dyst­in­um var omaná ein løtu, eftir at Patrik Jo­hannesen javnaði fyri árstals­fe­ lag­ið úr Gundadali. Tað endaði við at Nõmme Kalju vann 2-1, men tað er eitt gott útgangsstøði fyri ret­ur­ dystin hóskvøldið. Á A. Le Coq Arena í Tallinn hevði B36 flutt miðverjan og liðskiparan, Odmar Færø, upp á miðjuna. Hetta fyri at verja betri fyri stóru og sterku spælarunum hjá Nõmme Kalju. Nú er líkt til, at B36 verður at síggja í eini meiri framrættaðari spæliskipan. – Vit valdu at vera varnir í úti­ dyst­in­um. Teir eru stórir og vit vildu verja fyri. Tað gera vit ikki hesa­ferð. Tað verður meiri B36, sum vit kenna tað, ið vit koma at síggja í Gunda­dali, sigur Jákup á Borg, venj­ari hjá B36. Hann náddi ongantíð at vinna seg víðari í Evropa sum spælari. Nú er málið at klára tað sum venj­ari. Hann hevur ikki havt bestu kort­ini á hondini í ár, tá talan er um skað­ ar. Nógvir spælarar hava sitið utt­ an­fyri, men til dystin hóskvøldið er stríð um fleiri pláss á liðnum. – Fyrstu ferð síðani eg bleiv venj­ ari, kann eg nú velja millum fleiri spæl­arar á fleiri plássum. Eg havi onk­un­tíð ivast í tveimum, men nú ivist eg í heili fýra spælarum, sigur Ják­up á Borg. Hann váttar, at talan er um pláss í mið­verjuni, har Odmar Færø skal spæla fyri antin Bjarna Petersen ella Andrias H. Eriksen. Eisini eru bæði Hannes Agnarsson og Christi­ an R. Mouritsen við at verða so klár­ir, at teir kunnu spæla fullan dyst­in. Tí eru eisini fleiri um boðið á vengr­unum. Vandar og veikleikar Í fyrra dystinum hevur Jákup á Borg lagt merkis til, at estiska liði spæl­ir meiri beinleiðis, enn væntað varð frammanundan. Tað er tó ivast hvussu verður í Gundadali, tí Nõmme Kalju hevur nýggja bras­ilsk­an spælara tøkan. – Í fyrra dystinum spældu teir við einum stórum áleypara, sum pass­aði verjuni hjá okkum væl. Nú mugu vit líka síggja hvussu hesin nýggi spælarin er, sigur venjarin hjá B36. 35 ára gamli Tarmo Neemelo spældi í álopinum í Tallinn, men í Gunda­dali verður tað helst brasilski Liliu, sum spælir. Hann er 27 ára gam­al og hevur spælt á Malta, men hev­ur felagið hjá honum hevur ikki vilja givið spælaraloyvið til Nõmme Kalju fyrr enn nú. – Vit hava heilt víst ein kjans, men teir eru nokk favorittar, tá teir nú hava eina leiðslu frá fyrra dyst­in­um. Tað løtuna tað var javn­ leikur í Estlandi vóru vit om­an­á. Tá vit fluttu bóltin væl runt fingu vit eis­ini pláss, meðan teir eru sterkir upp á deyðbóltar og innlegg, sig­ur Jákup á Borg og leggur aft­ur­at: – Í Estlandi spældu vit á ein­um hálvtómum leikvølli. Nú spæla vit í Gundadali og framm­an­fyri WhiteTigers. Tað gleða vit okkum t i l , sigur venj­ar­ in hjá B36, sum er uttan Høgna Eysturoy og Philip Lund, sum báð­ir eru skaddir. Vinnur B36 1-0, so eru teir víðari. Skor­ar Nõmme Kalju, so skal B36 skora minst tvey mál, fyri at út­ javna støðuna. Tað er ikki nokk hjá B36 at vinna eitt nú 3-2, tí so hava gest­ir­nir skorað fleiri mál á útivølli. NSÍ fær tað trupult Runavíkingar fingu helst tor­før­ asta lutakastið saman við KÍ. NSÍ fekk Dinamo Minks, sum er mill­um tey heilt stóru feløgini í Hvíta­russ­ landi, tó at BATE Borisov er heilt stóra felagið í løtuni. NSÍ tapti í fjør greitt fyri Shakhtyor Soli­ gorsk, sum somuleiðis er úr Hvíta­ russ­landi. Tí varð væntað, at NSÍ fór at tapa greitt í hitanum í Minsk, men so var ikki. Við einum sterkum enda­spurti minkaði NSÍ um munin, og kundi við hepi stolið eitt stig. – Eftir endan á dystinum í Minsk, sita vit við kensluni at hetta ber til. Nú fáa vit at síggja hvørja fyrimunir vit hava av at spæla á heimavølli. Hitin er minni og und­ ir­lag­ið er øðrvísi. Framvegis skal alt tað grundleggjandi rigga, men vit vóna at tað ber til, sig­ur Anders Ger­ber, venjari hjá NSÍ. Hann hev­ur møgu­liga Jan Ell­ ings­gaard tøkan til dystin, men B36, NSÍ og KÍ hava øll møguleika at koma víðari undan seinna dystinum í innleiðandi umfarinum í Europa League. Alt tosa um føroysku kreppuna í altjóða liðfótbólti er fyribils løgd á ís. KÍ “vann” 0-0 á AIK Stokholm, NSÍ kom livandi frá Hvítarusslandi, meðan B36 kundi havt vunnið í Estlandi. Bæði taptu 2-1, men hava eitt útivallarmál ÍTRÓTTUR EVROPESISKI DREYMURIN LIV KRING LANDIÐ