hósdagur 6. juli 2017síða 21

FRÍGGJADAGUR 7. JULI 2017 SOSIALURIN 78 21 G OG POLITISK ATLIT Samgongan í trupulleikum SÓLVIT E. NOLSØ SOLVIT@SOSIALURIN.FO Tað er okkurt, sum bendir á, at sam­gongan hevur torført við at halda saman uppá nýskipanina av fiski­vinnuni. Eftir at Páll á Reyna­ túgvu valdi at enda fundin áðrenn málið um nýskipanina kom fyri, skapti eitt sindur av ørkymlan, tí eingin visti reiðiliga hvat fór fram. Sein­ni, tá Páll á Reynatúgvu var klár­ur at svara spurningum, segði hann seg taka tvey atlit tá hann valdi at taka restina av málunum av skrá: umsitingarlig og politiskt atlit. Tey politisku atlitini, sum Páll á Reynatúgvu segði seg taka, vórðu, at samgongan hevði havt tað trupult við at fáa eina semju innan­hýsis. Í gjár gjørdi eg virkandi løg­ man­ni, Høgna Hoydal, greitt, at tær løg­ligu og politisku fortreytirnar skulu verða komnar á mál í dag. Tá seg skuldi fáa tað fráboðanina kun­di eg konstantera, at mann var ikki komin á mál. Tó tók eg tað avgerð at senda tingið til hús, sigur Páll á Reyna­túgvu. Leiðarar siga væl standa til Poul Michelsen, Høgni Hoydal og Aksel V. Johannesen vórðu allir úti í gjár og gjørdu greitt, at samgongan var ikki í trupul­ leikum. Høgni Hoydal segði, at sam­gonguleiðararnir høvdu tosa sam­an og vórðu samdir um, at sam­gongan enn helt saman. Tað stend­ur í beinari andsøgn við tað, sum løgtingsformaðurin sigur. Teir tríggir formennirnir skulu sjálv­andi siga, at alt hongur saman enn. Alt annað hevði verið politiskt sjálv­morð. Tað var eitt sindur trupult at fáa viðmerkingar frá tingfólki úr sam­ gonguni uppá støðuna. Tey flestu søgdu seg undrast á avgerðina hjá løgtingsformanninum og ikki skilja hví hann segði, at fortreytirnar fyri upp­skotinum ikki vórðu møttar. Eftir stendur tó, at hann segði tað og tað kann ikki hava verið tikið burt­ur úr ongum. Tað hevur leingi verið mett, at sam­gongan fór at hava trupult við at fáa alt at ganga upp, tí tað eru ógvuliga sterk áhugamál uppá spæl, ið royna at ávirka politiska ar­beiðið. Tað er okkurt, sum bendir á, at okkurt kann verða um prátið. Tað vórðu fleiri broytingar sendar nið­an í vinnunevndina í seinastu løtu­na og sum skilst, so eru nógvar broyt­ingar torførar at yvirskoða. Hvussu er og ikki, so hevur sam­gongan eina avbjóðing kom­andi vikurnar. Um onkur er í sam­gonguni, sum ikki er nøgdur við upp­skotið, sum fyriliggur, so skal verða løgið um viðkomandi ikki fram­vegis er ónøgdur tá uppskotið verð­ur lagt fram aftur á ólavsøku. Tí fáa samgonguleiðararnir nóg mik­ið at taka sær av komandi vikur­nar. av­gerðin hjá løgtingsformanninum var røtt, sigur Jørgen Niclasen. Hann sigur, at andstøðan hevur tosa saman um hvat tey skulu gera nú, men higartil er einki avgjørt. Jørgen Niclasen sigur, at fyri fyrst mugu tey bíða inntil ólavsøkan kem­ur, men hann væntar, at sam­ gongan má fara til arbeiðis fyri at tryggja sær, at tey framvegis hava eina samgongu á ólavsøku. Sum eg skilji hetta, so er støðan í kom­in vegna ósemju í samgonguni. Tí má løgmaður koma heim fyri at vita um hann hevur eina sam­ gongu, sigur Jørgen Nicalsen. Einki hent í tvey ár Jógvan Skorheim, formaður í Sjálv­ stýri, sigur, at hesin ruðuleikin kring nýskipanina av fiskivinnuni var væntandi, tí samgongan mangl­ ar eina felags fatan av hvat mann vil byggja uppskotið á. Vit fóru úr samráðingunum fyri tveim­um árum síðani, tí vit sóu, at her manglaði nógv í at fáa eina semju. Tað síggja vit so nú, at somu trupul­leikar gera seg galdandi enn, sigur Jógvan Skorheim. Jógvan Skorheim sigur, at teir gera ikki meir beint nú. Hann held­ ur, at tað má verða upp til sam­ gongu­na at loysa henda trupul­ leik­an, ið tey eru komin í. Løgmaður og lands­stýris­maðurin í fiskvinnumálum eiga at finna útav trupulleikunum, ið teir hava. Vit mugu bara bíða og síggja hvussu alt spælir av inni í samgonguni, sigur Jógvan Skor­heim. Uppskotið verður lagt fram aftur á ólavsøku Høgni Hoydal sigur, at sum støðan lá við nýskipanararbeiðnum, so eru samráðingarleiðararnir samdir um, at ein semja enn var í samgonguni. Hann sigur at tað er eingin ivi í, at tað hevur verið eitt strævið arbeiði at fáa alt at ganga upp, men at higartil hava tey klára at talt upp í 17. Hinvegin skilji eg, at umsitingin hevur havt nógv um at verða av hes­um uppskotinum og at tað kanska hevur verið tikið ov langt, sigur Høgni Hoydal. Hann sigur, at sjálvur hevði hann vilja hvat uppskotið koyrt ígjøgnum nú, men at nú hava tey so fingið longri tíð at arbeiða við málinum og at tann tíðin skal brúkast væl. Samgonguleiðararnir hava tosa saman og vit eru samdir um, at samgongan er intakt. Tí verður hetta uppskotið lagt fram aftur á ólavsøku, sigur Høgni Hoydal. TIKIÐ ÚR SAMRØÐUM VIÐ IN.FO MIKUDAGIN Jørgen Niclasen Jógvan Skorheim Høgni Hoydal