mánadagur 10. juli 2017síða 18

Mánadagur 10. juli 2017 · Nr. 79 18 Sosialurin Hugskot og viðmerkingar – send sms til 225000 Símun Christian Olsen/Tróndur Arge Ungir føroyskir fótbóltsspælarar venja ov lítið, venjingin er ikki á einum nøktandi støði, vit tora ov illa at dyrka elituna og geva ung­um, evnaríkum spælarum møgu­leikan at mennast. Í sein­astuni hevur Sosial­urin varp­að ljós á spælara­ menn­ing í før­oysk­um fót­bólti, og ein av høvuð­s­niður­støðunum er, at okkara bestu og mest framsøknu spælarar ikki hava umstøðurnar og til­boðini, ið teimum tørvar. Tekniski stjórin hjá FSF, Pætur Smith Clementsen, ið varð settur í starv fyri góðum tveimum árum síðandi, tekur undir við hesum sjónar­miðunum. Tískil tykist breið semja valda í føroyskum fótbólti um, at tørvur er á einum tilboði til tey, sum vilja eitt sindur meir við fót­bólti enn at venja tríggjar ferðir um vikuna í sínum egna felag. Tilboð er á veg Pætur Smith Clementsen ger eisini greitt, at hetta ikki er nakað nýtt mál, men at Fótbóltssambandið javnt og samt hevur arbeitt við hes­um í huga, og at ítøkiligar ætlan­ir eru í stoypiskeiðini. Í strategiini hjá FSF, sum er sam­ tykt av starvsnevndini og av fótbóltsfeløgunum á aðal­fundi­ num, stendur svart upp á hvítt, at í fyrsta ársfjórðingi næsta ár, skal úrvals­venjing av onkrum slagi byrja. Spurningurin í løtuni tykist vera, hvussu eitt slíkt tilboð skal síggja út. Hvat er frægasta loysnin, og hvat ber til? - Tað er sett út í kortið, at í seinasta lagi í mars 2018, byrja vit eitt program – júst hvat tað er, av­ gera vit – so tað er eitt sindur av trýsti á, greiðir tekniski stjórin frá. - Vit gera eitt gott arbeiði við breidd­ini, men spurningurin er: ‘Hvus­su geva vit teimum allarbestu okkurt umframt?’ Og tað er ein upp­gáva fyri okkum í FSF. Tí vit eru eitt lítið land við fáum spælarum, og tað gevur meining, at tað er ein instans­ur, sum samlar toppin og menn­ir hann, sigur Pætur Smith Clement­sen. Hann leggur stóran dent á, at hóast FSF nú hevur ítøkiligar æt­ lan­ir um elitumenning, merkir hetta ikki, at arbeiðið við breiddini skal líða undir hesum. - Tú kanst saktans bæði, sigur hann og heldur fram. - Nógv av tí, sum vit gera í løtuni er mitt ímillum. Feløgini hava eitt til­boð, sum bjóðar venjing umleið tríggjar ferðir um vikuna. Tey, sum bara vilja venja eina ferð um viku­na, fella burtur, meðan tey, ið ynskja at venja seks ferðir um viku­ na einki nøktandi tilboð hava. Akademi, morgunvenjingar ella økisvenjingar Stórar fótbóltstjóðir, sum til dømis Eng­land og Frakland, hava havt og hava stór fótbóltsakademi, har evnaríkastu spælararnir í lond­ unum verða savnaðir og skúlaðir í fótbólti eftir einum ávísum leisti, samstundis sum teir ganga í skúla við síðuna av. Enska Lilleshall, ið lat aftur í 1999, og franska Clairefontaine munnu vera millum kend­astu dømini. Eina somikið um­fatandi loysn sær Pætur Smith Clement­sen ikki fyri sær í Føroyum í løtuni. - At tú byggir eitt akademi har spælararnir búgva og ganga í skúla liggur langt frammi í tíðini, um tað nakrantíð verður aktuelt, greiðir hann frá. - Men minni kann sjálvandi eisi­ni gera tað. Tað kann til dømis vera, at tú fekst samlað spælarar til morgunvenjingar eini tvær, tígg­jar ferðir um vikuna. Vit hava jú fleiri fyrimunir her í Føroyum. Frá­støðurnar eru ikki stórar, og tað ber til at samla nógvar spælarar á einum stað upp á stutta tíð, og eg trúgvi, at hetta fer at gerast veruleiki sum frá líður. Men um spælarar til dømis skulu venja hjá okkum, og ganga í skúla við síðuna av, skulu fleiri partar spæla saman, og skúlaskipanin og Menta­málaráðið mugu vera við, sigur hann, men heldur ikki, at tað er órealistiskt. Tað verður kortini neyvan ein slík loysn, sum verður á skrán­ni longu í 2018, leggur Pætur Smith Clementsen afturat. Fyri umleið tíggju árum síðani byrj­aði Fótbóltssambandið upp á talent­venjingar. Landið varð býtt upp í nøkur øki, og teir evnaríkastu spælararnir úr teimum ymsu feløg­ unum fingu høvi at venja saman eina ferð um vikuna. Hetta arbeiðið datt niðurfyri í 2012, og síðani hevur FSF ikki havt eitt slíkt tilboð. Kann nýggja elitumenningin koma at líkj­ast gomlu talentvenjingini? - Tað er eitt boð, men upp á tann mátan rakar tú kanska eini 60 spælarar í hvørjum árgangi, og spurn­ingurin er, um tað er ov nógv, og mann kanska heldur leggur seg eftir, at hava tveir deplar, ein í Havn og ein á Toftum til dømis. Á tann hátt kanst tú minka um talið. Tú kanst eisini hava fleiri spæl­ arar við, tá teir eru 14 ára gamlir, og minka um talið, tá teir gerast 16, greiðir tekniski stjórin frá. Møgu­ leikarnir eru nógvir, men endaligu niðurstøðurnar tykjast ikki klárar enn. Smidleiki og hugburður Í samrøðu við Sosialin eftir­ lýsti Eli Hentze, ein av fót­bólts­ mennarunum hjá FSF, størri smidleika í føroyskum ung­dóms­ fót­bólti. Hann sipaði serliga til aldurs­býti og kynsbýti. Tekniski stjórin kennir tankarnar hjá starvs­ felaganum aftur, og avdúkar, at Fót­ bólts­sambandið er á veg við ein­um uppskoti um, hvussu struktururin og kappingarloysturin kann betr­ ast. - Vit hava hugt at skipanini, longd av kappingarárinum, upp­ deil­ingini av aldursbólkunum, styrkis­meting, nær vøllurin skal vera stórur, nær hann skal vera min­ni og so framvegis. Vit hava eitt upplegg til broytingar, sum koma í gildi í 2018 ella 2019, tí onk­rar broytingar eru nokkso um­fatandi, greiðir Pætur Smith Clement­sen frá. Endamálið er í størst møguligan mun at fáa kapp­ ingar­strukturin at spæla saman við menningarætlanini, sum FSF al­mannakunngjørdi fyrr í ár. Tey, sum ynskja tað, skulu sleppa at kapp­ast størri part av árinum, og færri dystir skulu enda við stór­ sigr­um. Smidleikin tykist vera eitt lykla­orð í tillagingini. - Lat okkum siga, at eitt gott dreingja­lið hjá HB skal spæla ímóti B71, sum kanska hevur trupult við at manna lið. Tá gevur tað meining fyri báðar partar, at B71 sleppur at spæla við trimum U18-spælarum fyri at manna liðið. So vinnur HB kanska 2-1 ístaðin fyri 10-0. Tað er ikki úrslitið, ið skal vera tað týdn­ ELITAN MANGLAR TILBOÐ Bestu føroysku fótbóltsspælararnir hava ikki møguleikan at realisera sínar gávur, tí tilboð mangla til elituna. Í Fótbóltssambandi Føroya ásanna tey trupulleikan, og tekniski stjórin, Pætur Smith Clementsen, sigur, at broytingar eru á veg Spælaramenning í Føroyum: FÓTBÓLTUR Greinarøð: (Fyrsti partur Sosialurin 12.06.17) Í fyrsta parti av greinarøð um spælaramenning í føroysku fótbólti tosaði ÍtróttarSosialurin við fótbóltsmennararnar, Jógvan Martin Olsen og Thomas Thinggaard, umframt venjaran hjá NSÍ, Anders Gerber. Teir greiða frá hvørjar avbjóðar teir síggja í spælaramenningini í Føroyum, og koma við sínum boðið upp á hvussu vit kunnu taka næsta fetið. Allir eru samdur um, at Fótbóltssambandið og Mentamálaráðið skal á vøllin við einu fótbóltsskúla. Her er nakað av tí, sum teir tríggir søgdu í ÍtróttarSosialinum fyri eini viku síðan. Jógvan Martin Olsen (Sosialurin 12.06.17) Fyrrverandi landsliðsvenjarin heldur, at feløgini skulu fylgja menningarátakinum hjá FSF, og venja útfrá teimum fimm átaksøkjunum. Hann leggur dent á, at ov lítil partur av peninginum, ið verður brúktur í føroyskum fótbólti, fer til ungdómsmening. Hví skal ein ungdómsvenjari við nógvari ábyrgd arbeiða ókeypis, tá ein spælari kanska fær 5000-10000 krónur um mánaðin, spyr hann. Harumframt skulu vit í størri mun dyrka talentini, betra um javnvágina millum venjing, dyst og hvíld og seta eitt fótbóltsakademi á stovn í Føroyum.