mánadagur 10. juli 2017síða 22

Mánadagur 10. juli 2017 · Nr. 79 22 Sosialurin Hugskot og viðmerkingar – send sms til 225000 v ­Símun Christian Olsen Fyri kortum setti 07 Vestur Jógvan Hendrik (Hegga) Samuelsen í eitt fulltíðarstarv hjá felagsliðnum í Vágum. Starvið er býtt í tvey, og innber, at venjarin, ið var venj­ari hjá besta liði felagsins frá 2014 til 2016, nú skal vera bæði ung­dóms­ mennari og samskipari. Frammanundan hevur felagið fyrr­verandi landsliðsspælaran, Jens Erik Rasmussen, í fulltíðarstarvi sum høvuðsungdómsvenjari, og tískil hevur felagið nú hálvtannað lønt ungdómsvenjarastarv. Hetta er helst eitt eindømi í føroyskum fót­bólti. Meðan Jens Erik Rasmussen tekur sær av ungdóminum í felag­ num upp til U16 ára aldur, og brúk­ ar nógva tíð til at venja tey ymis­ ku liðini á vøllinum, fær Hegga Samuel­sen ein meir yvirskipaðan leiklut. Hann skal leggja venjingar­ æt­lanina fyri felagið, og skal men­ na og orða visiónir, og hvat felag­ið ætlar. Umframt hetta skal hann taka sær av U16 liðnum hjá felag­ num. Tað er rætt at menna egnan ungdóm Tað eru tvær orsøkir til, at 07 Vest­ur hevur valt at seta enn ein ung­dóms­venjara í starv, sigur for­ maðurin í felagnum, Jim Sonni Gutte­sen. - Orsøk nummar eitt er, at vit halda, at tað er rætt at menna ung­ dóm­in, og at tú skalt seta kvalifi­ser­ aðar venjarar at gera hetta, sigur for­mað­urin. - Hin orsøkin er, at vit fáa ikki før­oyskar spælarar, tá vit skulu keypa inn til Effo-liðið. Vit hava roynt at leiga spæl­ar­ ar frá fleiri feløg­um, men tey siga nei. Tí hava vit nú lagt 100 p r o ­s e n t á­herðs­lu á, at men­na okk­ ara egnu. - Tað, sum veru­ liga setur gongd á hetta, er, at stóru stuðl­ar­n­ir hjá okk­um siga: ‘vit síggja, at her hendir nak­ að spennandi hjá tykkum, og tit fáa nógv­ar spælarar undan. Tað ber til, og tit skulu bara koyra á,’ greiðir Jim Sonni Guttesen frá. Starvsetanin ein provokatión Starvssetanin er eisini framd við tí í huga greitt at staðfesta, hvørja støðu felagið hevur, bæði yvirfyri hin­um føroysku feløgunum og fyri Fótbólts­sambandið Føroya. - Eg haldi persónliga, at nógv meir peningur skuldi verið lagdur í ung­ dómsmenningina. Mann tosar um landslið, og spyr, hví mann ikki er nóg góður. Tað er tí, mann ikki fær ment sínar egnu spæl­ar­ar. Fleiri av teim­um, sum eru góð­ ir nokk, og sum kun­du spælt fast í Effo­deild­ini, sita á bein­ki­ num hjá sum­ m­um feløg­ um. Tað hal­da vit er skeivt, sig­ur formaðurin í 07 Vestur. Hann held­ur, at stuðul­i­n, ið feløgini fáa gjøgn­um stjørnu­ fótbóltsskipanina hjá FSF, sum lønar íløgum í ung­dóms­fótbóltin, er ov lítil. - Hann skuldi verið tvær ferðir so stór­ur, sigur Jim Sonni Nattestad. Um stuðulin varð tvífaldaður, hevði tað kosta Fótbóltssambandinum onku­staðni millum hálvatriðju og tríggj­ar milliónir krónur afturat hvørt ár. Jim Sonni Nattestad sær stórar møgu­leikar í ungdómsarbeiðnum hjá 07 Vestur. Felagið telist millum tey størru í landinum, um hugt verð­ur eftir luttakaratali, og for­ mað­urin gleðir seg til eina tíð, tá liðið ikki longur er ens tengt at út­ lendsk­um styrki fyri at yvirliva í bestu deildini. - Hetta verður ikki veruleiki, fyrr­enn vit fáa fleiri av okkara egnu ígjøg­num, og ta javnvágina hava vit ikki enn. Men hon kemur, og um vit halda fast við hendan leistin, verð­ ur tað innan fimm ár, sigur for­ maðurin, ið lovar, at hendan kósin verður hildin, so leingi hann situr á ovastu rók. Felagið í Vágum hevur nú hálvtannað lønt ungdómsvenjarastarv, og formaðurin heldur, at nógv meiri peningur skal brúkast til ungdómsmenning í føroyskum fótbólti Stjørnufótbóltsskipanin hjá FSF er ein skipan, ið skal eggja føroysku fótbóltsfeløgunum at hava eitt sunt og fjølbroytt ungdómsarbeiði við menning í miðdeplinum. Feløgini kunnu vinna sær tilsamans sjey stjørnur við at uppfylla ávísar treytir, og síðan verður ein upphædd latin fyri hvørja stjørnu. Til dømis er stjørna nummar tvey millum annað treytað av, at felagið hevur ein høvuðsungdómsvenjara. Stjørna nummar seks er millum annað treytað av, at felagið nýtir minst 20 prosent av útreiðslukarminum upp á barna- og ungdómsfótbólt. Stjørna nummar sjey er treytað av, at felagið hevur eitt hóskandi fótbóltstilboð til børn og ung í vetrarhálvuni. Tað er krav, at peningurin, sum verður latin í stuðuli gjøgnum hesa skipanina, skal nýtast til at menna barna- og ungdómsfótbólt. Stjørnufótbóltur SETT ENN EIN UNGDÓMSVENJARA 07 Vestur: FÓTBÓLTUR