hósdagur 13. juli 2017síða 10

FRÍGGJADAGUR 14. JULI 2017 SOSIALURIN 81 10 HALLUR AV RANA HALLUR@SOSIALURIN.FO K ommunulæknarnir eru fyrstu dyrnar, ið borgarin kemur til í heilsuverkinum, og tað eru kommunulæknarnir, ið lata dyrnar upp til restina av heilsuverkinum. Tað eru teir, ið tryggja, at borgaran fær røttu og neyðugu hjálpina. At borgarin sleppur innum tær røttu dyrnar. Tí er tað so týdningarmikið, at júst tær dyrnar virka sum tær skulu. Í temanum í dag varpa vit ljós á økið, tí skipanin í løtuni er undir stórum trýsti og ávirkar tað beinleiðis borgaran. Í skrivandi løtu eru sambært tølunum hjá Heilsutrygd 19.998 borgarar, ið ikki hava ein fastan kommunulækna, tí tað mangla kommunulæknar í teirra læknadømi. Av teimum 32 kommunulækna­størv­ unum í Føroyum eru í minsta lagi 13 størv, ið ikki eru sett. Neyðug er at skriva í minsta lagi, tí Heilsutrygd og Komm­unu­lækna­ felag Føroya eru ikki samd í hvussu nógv størv eru sett. Onkur bati er tó at hóma. 1. september taka tveir kommunulæknar við starvi í Eiðis Læknadømi, ið annars hevur verið mannað við avloysara, men áhugin tykist sum heild ikki at vera serliga stórur fyri at gerast kommunulækni. Tað kom til sjónd­ar, tá Heilsutrygd fyrr í summar lýsti eftir tíggju kommunulæknum, og fekk ein­ans tríggjar umsóknir til tvey størv, harav tann eina umsóknin var frá einum kommunulækna, ið frammanundan var í starvi. At støðan er álvarsom gjørdist eisini greitt í tinginum fyri einum lítlum ári síð­an, tá Magnus Rasmussen, tingmaður fyri Sambandsflokkin, fekk svar upp á ein §52a fyrispurning til Sirið Stenberg, lands­ stýris­kvinnu í heilsumálum, um støðuna á komm­unulæknaøkinum. - Seinnu árini hevur tað víst seg, at tá ein kommunulækni fer úr fasta starvi sínum, er tað nærum ógjørligt at manna starvið aftur við einum kommunulækna í føstum starvi, var dapra svarið til tingmannin. 19.998 BORGAR UTTAN FASTAN KOMMUNULÆK Fáir kommunulæknar norðanfyri T að er serliga í norðara partinum av Føroyum, at tað er torført at manna kommunulæknastørvini. Í Norðoyggjum og Eystur­ oynni eru níggju læknaviðtalur, men einans tríggjar eru mannaðar við føstum læknum. Í Norðoya Læknadømi, har tríggjar viðtalur eru, eru tvær mannaðar av av­ loysarum, meðan Magnus Magnusson er einasti komm­unulæknin í føstum starvi. Í Fuglafjarðar Læknadømi eru tvey størv, harav Krista Thom­sen mannar eitt, meðan hitt er mannað av avloysara. Í Skálafjarðar Læknadømi er Kári Rasmussen einsamallar komm­unulækni í føstum starvi, meðan avloysarar røkja hini bæði størvini í læknadøminum. Ein avloysari røkir starvið í Eiðis Læknadømi í løtuni, men 1. september taka tveir komm­unu­læknar við starvinum. Í Vestmanna Læknadømi er Djóni Sandberg Joensen einsa­mallur kommunulækni í føstum starvi, meðan ein avloysari røkir hitt, og støðan er tann sama í Vága Læknadømi, har Marjus Dam er einsamallur kommunulækni í føstum starvi. Í Suðurstreymoyar Lækna­dømi eru tólv viðtalur í alt. Fimm kommunulæknar arbeiða fulla tíð, fýra kommunulæknar ar­beiða niðursetta tíð, tveir avloysarar manna viðtalur og ein lækni er í farloyvi. Í Sandoyar Læknadømi eru tvær viðtalur, harav ein er mannað við avloysara, meðan Dán­jal Petur Højgaard mannar hina. Í Suðuroynni eru fýra viðtalur, harav tvær eru mannaðar av komm­unulæknum, meðan ein kommunulækni er í farloyvi og fjórða viðtalan er mannað av avloys­ara. Kommunulæknatrot