hósdagur 13. juli 2017síða 18

FRÍGGJADAGUR 14. JULI 2017 SOSIALURIN 81 18 ANNIKA KUNOY IM ANNIKA@SOSIALURIN.FO S ama dag, sum Heidi Lava Elgeirs­dóttir og Bárður Olsen siga siga ja hvør til annan og ganga saman í hjúnaband, hava tey verið par í 10 ár. Ætlanirnar um at giftast eru ikki nýiliga íkomnar. Tað eru fimm ár liðin síðani Bárður fríggjaði til Heidi, og hon segði ja, men ongar ítøki­liga brúdleypsætlanir vórðu tá lagdar. Eldri sonur teirra var tá hálvtannað ára gamal, og síðani ringurin kom á fingurin hjá Heidi, hevur hon átt ein son afturat, sum nú er ársgamal. Hon greiðir frá, at tað kanska ljóðar óromantiskt, men at hon og Bárður hava verið saman so longi, at tey veruliga kenna hvønn ann­ an, og avgerðin um at giftast er ikki tikin í einum nýggjum kær­ leiks­rúsi. Fríggjaði jólaaftan - Vit høvdu verið saman í fimm ár tá, og vit høvdu eisini eitt barn sam­an. Tí var tað onkursvegna ein avgreiðsluspurningur, sigur Heidi Lava Elgeirsdóttir. Tað var ein rólig løta, tá Bárður bað bønarorð síni. Tað var tíðliga um morgunin jólaaftan 2012, og Heidi var ikki ordiliga vaknað. - Knappliga var hann vekk, og so kom hann inn aftur í kamarið, har eg lá og svav, lat eskjuna upp har ringurin lá í, og spurdi síðani um eg vildi gifta meg við honum. Eg segði sjálvsagt ja, hóast nakað ný­vaknað, sigur hon. Áðrenn Bárður spurdi Heidi stóra spurningin, hevði hann spurt pápa Heidi um loyvi til at spyrja hana. - Hann er ikki so frambrúsandi sum eg, og eg helt tað var ordiliga kul, at hann hevði spurt babba fyrst. Tí vistu foreldrur míni tað eisini, áðrenn eg visti tað. Tá eg kom upp tann morgunin, bleiv mamma við at hyggja at ringfingrinum, sum eg til stuttleika royndi at goyma, so hon ikki visti um eg hevði sagt ja. Ongin tordi at spyrja, flennir Heidi. Tó, so skuldi nøkur ár ganga aft­ ur­at áðrenn veruligar brúd­leyps­ ætlanir vórðu lagdar. Heidi greiðir frá, at orsøkin í høvuðsheitinum var hon, at hon varð við barn aftur, og ikki hevði hug til at halda brúd­leyp sum barna­koma, ella júst eftir, at hon hevði átt. Tá parið keypti hús síni fyri hálvum øðrum ári síðani, valdu tey, at nú skuldi stigið takast. Tað var umráðandi fyri bæði Heidi og Bárð, at dagurin varð hild­in í meðan tey bæði høvdu for­eld­ur síni á lívi. - Eg mundi mist mammu mína fyri tveimum árum síðani, og tá hugs­aði eg, at vit mugu halda brúd­leypið í meðan øll eru her. Tað hevur nógv at siga fyri meg, at tey eru við, sigur hon álvarsom. Brúdleypið, sum varð sett á kal­endaran fyri hálvum øðrum ári síðani er tó ikki lagt til rættis á sið­bundan hátt, , greiðir hon frá. - Í grundini eru brúdleypið komið upp at standa uppá 14 dagar, hó­ast tað er hálvtannað ar síðani vit tóku avgerðina, flennir hon. Onki ljósareytt túll Bergtórur Bjarkhamar prestur víg­ir parið í Haldórsvíkar kirju 15. juli klokkan 14.00. Bárður er úr Vík, og pápi hansara er degnur í Haldórs­víkar kirkju. Hetta er veru­liga einasta avgerðin, sum brúð­gommurin hevur tikið, greiðir Heidi skemtiliga frá. - Hann hevur onga greiða mein­ ing havt í ráðleggingini. Hann vil gift­ast í Vík, og so vil hann, at øll sum koma fáa ein góðan dag, legg­ ur hon afturat. Men Heidi hevur eina greiða mein­ing. Ikki eina greiða meining um, hvat hon vil, men eina greiða mein­ing um, hvat hon ikki vil. - Tað skal ikki verða eitt prins­ essu­brúdleyp við nógvum ljósa­ reyð­um og túlli. Tað er ikki tí, at eg haldi, at tað er ljótt, men tað er ikki eg, og tað verður falskt, um eg skal gera tað, sigur hon. - Eg havi ikki vitað, hvat eg vil, men eg havi vitað, hvat eg ikki vil, og av tí at eg onga greiða mein­ ing havi havt, so hava fólk roynt at lurta eftir mær og komið við uppskotum. Eg havi brúkt útlukn­ ings­metoduna, sigur hon avgjørd. Stóra dagin fer Heidi í nýggjan bláan stakk og Bárður í Føroysk klæði. Dreingirnir báðir fara í klædning, greiðir hon frá, Tað er ikki bert brúðarparið, ið ber brá av føroysku mentanini, men sama hugsan er handan pynt­ ingina av veitsluhølinum, og Heidi hevur valt, at litirnir blátt, reytt og hvítt skulu verða gjøgn­um­gang­ andi. - Vit brúka litirnar úr Merkinum, serviettarnir eru eitt flagg og ljósa­ stak­arnir eru úr malagróti, sigur hon. Hetta er heldur ikki nakað, sum hon hevur hugsað væl og longi um, tí hon hevur ongantíð havt deymin um tað stóra brúdleypið og tí held­ ur ongantíð havt nakra greiða mein­ing um, hvussu hennara stóri dagur skuldi síggja út. Eitt stórt ball Upprunaliga tosaðu Heidi og Bárð­ ur um gifta seg uttan nakað hóva­ sták og síðani fara av landinum, og í staðin fyri brúdleyp bert hava brúðarhús á Ólavsøku. Ístaðin valdu tey tó at halda brúdleyp, men á teirra egna hátt. - Vit hava droppað tey tingini, sum gera tað ov stívt, sigur Heidi Lava Elgreirsdóttir. Tey hava ongar innbjóðingar sent fólki, men í staðin hava tey stovnað eitt tiltak á Facebook, har fólk hava kunnað meldað seg til. Orsøkin til tað er, at Heidi og Bárður halda, at tað er torført at velja, hvør skal og hvør ikki skal bjóðast. - Á hendan hátt hava vit fingið nógvar stuttligar tilmeldingar. Summi koma, sum vit ikki høvdu væntað at sæð, og tað er frálíkt. Onn­ur hava nevnt, at tey ivaðust, tí tey ikki hildu seg kenna okkum nóg væl. Tá hava vit lagt dent á, at tað ikki snýr seg um at kenna okkum nóg væl, men at vit skulu hava tað stuttligt saman, sigur hon. Tá parið hevði fingið 250 til­ meld­ingar, máttu tey lukka fyri møgu­leikanum at melda til, tí B36-húsið har veitslan skal haldast rúmar bert 180 fólkum. Hon heldur tó ikki, at avbjóð­ing­ in við fólki verður ein trupulleiki, tí lagt er upp til, at fólk koma og fara, tá tey sjálvi hava hug. Veitslan byrj­ar klokkan 18, tá kokkarnir fara at grilla grís og lamb á áskoð­ ar­plássinum, síðani skera teir mat­in niður og taka hann við inn í gongina, har fólk síðani fáa sær uppá tellerkin. Seinni kunnu gest­ irnir fáa kaku. - Maturin er frá klokkan 18 til 22, og fólk kemur tá tá tey hava hug, og fara avstað aftur tá tey hava hug. Tað verður onki siðbundi borðhald við eini ørgrynnu av talum, sigur hon avgjørd. Heidi og Bárður prenta tískil held­ur ikki 250 sanghefti til gest­ inar. Hon hevur lagt eina fílu við út­valdum sangum á síðuna á Face­ book, og har kunnu gestinir taka fíl­una niður á telefonina, áðrenn teir koma. Eisini verða sangirnr upp­varpaðir á stórskíggja. Restina TAÐ SKAL IKKI VERÐ EITT PRINSESSUBRÚ - Tað er ikki tí, at eg haldi, at tað er ljótt, men tað er ikki eg, og tað verður falskt, um eg skal gera tað, sigur Heidi Lava Elgeirsdóttir. Heidi og Bárður: BRÚDLEYP “Maturin er frá klokkan 18 til 22, og fólk kemur tá tá tey hava hug, og fara avstað aftur tá tey hava hug. Tað verður onki siðbundi borðhald við eini ørgrynnu av talum” Heidi Lava Elgeirsdóttir 28 ár Úr havn Skrivar bachelor uppgávu í politikki og umsiting Fríyrkisfólk Bárður Olsen 31 ár úr Haldórsvík arbeiðir hjá Føroya Bjór Spælir fótbólt við AB Tey búgva í Hamrinum á Argjum Saman eiga tey seks ára gamla Filip og eitt ára gamla Paula 15. juli giftast Heidi Lava Elgeirsdóttir og Bárður Olsen. Vígslan verður í Haldórsvíkarkirkju og veitslan verður í B36-húsinum.