mánadagur 17. juli 2017síða 8

Mánadagur 17. juli 2017 · Nr. 82 8 Sosialurin Hugskot og viðmerkingar – send sms til 225000 G! FESTIVALURIN Orð & myndir: Harriet Olafsdóttir av Gørðum Tjaldingarøkið - Ein partur av at vera á festival Longu mikudagin klokkan 17.00 lat tjaldingarøkið upp og harvið tjóðstartaði festi­ valin. Føstu gestirnir úr Skopun­hagen komu longu klokkan 7 á morgni, fyri at trygg­ja sær fremstapláss í bíði­røðini, síðan løgdust fólk aftur­at so við og við. Tey fingu bíðitíðina at ganga við spølum, hugna, grill og tón­ leiki – lagið var gott og tað kend­ist sum bíðirøðin var ein partur av at halda G! Aftur í ár gjørdist tjaldingar­økið fult og var tískil útselt áðrenn fríggja­ dag­urin var liðugur – so tað vóru mong, ið máttu finna sær annað stað at sova. Hóskvøldið - Sum ongantíð áður Ongantíð áður hava so nógv fólk verið á G! hóskvøld sum í ár, fyriskipararnir meta at eini 5000 fólk høvdu leitað sær til Gøtu hóskvøldið. Konsertin við Elinborg Páls­dóttir hósdagin, við gest­ um sum Allan Tausen, Hans Marius Ziska og ikki minst systrunum báðum Eivør og Elisabet rakti beint inn í hjartað hjá áhoyrarunum og setti veruliga støðið á ársins festivali. - Meðan vit spæla hyggi eg yvir á Knút, Per og Torleik og síggi tríggjar av teimum bestu vinunum, ein kann ynskja sær, ráðhugna sær við okkara tónleiki. Síðan vendi eg mær við og síggi á áhoyr­ararnar, sum gera tað sama. Tað kendist bara púra rætt, segði ein fegin Konni Kass eftir framførsluna á Sandi­num. - Ein dreymur sum gjørdist veruleiki, legði hon aftrat Íslendski rapp bólkurin Reykja­víkurdætur, ið merkir døtrar­nar úr Reykjavík, setti veruliga lív í spæliplássið við sínum provokerandi klædna­ stíli og songtekstum um eitt nú kvinnurættindi og sex. Høvuðsnavnið hós­kvøld­ ið var heimskenda MØ úr Danmark. MØ fekk sand­in at kóka við heims­hitt­um sum ”Nights With You” og ”Final Song”, men eisini var tað hennara fram­førsla í høgum tempo og ikki minst nær­ kontakt við áhoyr­ar­arnar, í veruliga fullintu kvøld­ið. Hettar var avgjørt ein fram­ førsla í heimsklassa og MØ prógv­aði, hví hon er kend um allan heim. Fríggjakvøldið - Suspekt fingu lív í Fríggjakvøldið byrjaði held­ur róliga fólk sótu niðri á vølli­ num meðan Hans Andri­as, sum tann fyrsti fram­førdi kl 17.20 – men áðr­enn konsertin var liðug, var næstan fullsett á spæli­plássi­num. Við sínum róligu tón­um, fekk hann fólk­ið at slappa av og njóta løtu­na. Honum har eftir tók Frederik Elsner F sama støð­ ið og fólk gjørdust verandi. Samstundis var G! Paradan av teltplássinum yvir í fjósið har tón­leikar­ar­ nir Brothers Moving, ið fram­ førdu nøkur løg frá lastini á einum opnum vøru­vogni, og bleiv nógv gjørt fyri at undirhalda fjøldina á vegn­ um, umframt at bananir blivu handaðar til tey for­vit­ nu, ið stóðu framvið vegnum. Í fjósinum var skráin fult pakk­að við framførslum so at siga alt fríggjakvøldið, við nøvnum sum Kata, Lyon, Holg­ar og Stanley Samuelsen og fleiri. Tað var tó ikki fyrr enn Suspekt trein á pall kl 22.00 at tað kom lív í. Sandurin fyltist enn einaferð og lív kom í festivallutakararnar. Her eftir áttu føroysku bólk­ar­nir náttina, um mid­ náttar­leiti byrjaði at regna rættu­liga illa, men hóast tað, vóru tað mong, ið hugnaðu sær til konsertirnar. Leygardagurin - Fólk spent at síggja Kris Kristofferson Sjálvt um skráin ikki byrjaði fyrr enn kl 12.00 við barna G!, vóru fólk á økinum frá tíðliga á morgni. Veðri var gott og fólk hugnaðu sær óført í hitapottinum, sauna og við at svimja á sjónum. Barna G! var sera væl vitjað, hóast summi fýltust inn á, at tað var ov illa lýst at í ár kost­aði tað altso at koma inn á økið allan dagin. Einans børn undir 12 ár sluppu inn ókeyp­is, við vaksnum, ið høvdu atgongumerkið. Eitt sindur út á seinna­ part­in byrjaði so at regna, men hettar var eingin forð­ ing – gestirnir blivu fleiri í tali og høvdu latið seg í eftir veðri­num. Høvuðsnavnið leygar­ dagin Kris Kristofferson hál­ aði nógv fólk oman á sandin og eisini uttanfyri økið stóðu fleiri bilar parkeraði uppi á vegnum fyri at hoyra Kris. Kanska serliga vóru tað teir meira tilkomnu áhoyr­ar­ar­ nir, ið høvdu glett seg til hesa kon­sertina og vóru fólk sum heild sera væl nøgd. Hareftir koyrdi skráin sum smurt og allar kon­sert­ ir­nar vóru sera væl vitjaðar. Tá Danny and The Veetos trinu á pall eitt sindur yvir klokk­an 02.00 leygarnáttina, var fjøldin í hopla líka frá byrjan til enda. Eitt sindur inn í konsertina byrjaði at regna av grimd, men hett­ar gjørdi konsertina bara upp­ aftur stuttligari og end­aði konsertina við regn­dans­ ið. Klaksvíkingar megnaðu at enda festivalin á hægsta støði og við stíli. Ein frálíkur endi upp á ein frálíkan festival. Sum heild - ein fantastiskur festivalur Samanumtikið kann sigast at G! festivalurin í ár man vera ein av teimum bestu í langa tíð, við hópin av góðum nøvn­um og tiltøkum annars. Skráin í ár var sera spenn­ andi, tað var okkurt til øll – heilt frá Jensinu Olsen, Frozen, Angelu og Hanni­bal á barna G! Til Kris Kristoffer­ son, Alphaville, MØ og Su­ spekt. Ikki at gloyma øll tey mongu føroysku nøvnini eisi­ni. Høvuðsnøvnini á G! vóru sum vera mann útlendsk, men eg kann líka skjóta upp í at fyri mong vóru tað føroysku nøvnini og stem­n­ ing­urin sum heild sum lokk­ aði. Serliga vóru tað mong, ið høvdu á orði, at tey gleddu meg mest til at hoyra Teit fram­føra løg úr Poetry & Aero­plains og hettar gjørdi hann til UG! G! TIL UG! Ársins G! festivalur hevur verið um vikuskiftið og Miðlahúsið hevði sjálvandi fólk á staðnum allar dagarnar. Her er ein stuttur samandráttur og myndir frá festivalinum