mánadagur 24. juli 2017síða 8

Mánadagur 24. juli 2017 · Nr. 85 8 Sosialurin Hugskot og viðmerkingar – send sms til 225000 Sólvit E. Nolsø solvit@sosialurin.fo Uppboðssølan er ikki nýggj eftir­ hondini. Henda samgongan hevur roynt uppboðssøluna nakrar ferðir og hevur, sum flesu kunnugt, ætl­ anir um at uppboðssølan framyvir skal verða ein háttur at útvega sær rættindir at fiska. Tað er eitt av aðalendamálunum í nýggju lógini um vinnuligan fiskiskap, lógin um fyrisitin av sjófeingi. Í mun til undanfarnu árini, so krevst ikki eitt veiðiloyvi fyri at bjóða á uppboðssøluni. Tað hevur annars verið eitt krav, at eitt skip skal hava eitt veiðiloyvi fyri at kunna fara á fiskarí, men eisini tað er ætlanin at broyta. Nú kunnu øll skip skrásett í Føroyum bjóða, umframt at skip kunnu leigast av feløgum, um so er, at alt er skrásett í Føroyum. Hetta letur upp fyri, at fleiri kunnu bjóða seg fram at bjóða nú, eisini feløg, sum ikki eru í fiskivinnu. Hevur lurtað eftir atfinningum Høgni Hoydal, landstýrismaður í fiskvinnumálum, segði við út­ varpið hjá Kringvarpi Føroya, at tað hava verið fleiri atfinningar móti mátanum, ið uppboðssølan var gjørd seinast. Serliga hetta, at tað var so avmarkað hvør slapp at bjóða og at tað var mestsum ógjør­ ligt hjá nýggjum at bjóða seg fram. Hesum atfinningum vildi hann ganga á møti og tískil bleiv broyt­ ingin gjørd. Hanus Hansen, reiðari, var skjót­ur úti og fanst at avgerðini hjá landstýrismanninum. Fyri tað fyrsta, segði Hanus Hansen, var upp­boðsølan so sein ávegis, at skip høvdu ringa tíð at fyrireika fisk­ aríið árið út. Eisini helt hann tað verða løgið, at landstýrið hevið latið upp fyri nýggjum skipum at koma inn nú, tí kvoturnar, sum skuldu seljast, kundu væl og virði­ liga fiskast av teimum skipum, sum longu fiskaðu í Føroyum. Torført at leggja fiskaríið til rættis Anfinn Olsen er reiðari og for­ mað­ur í Reiðarafelagnum. Hann hevur skip undir sær úr so at siga øll­um skipabólkum. Hann hevur somu atfinningar sum Hanus Han­sen og sigur, at leisturin, sum lands­týrismaðurin hevur valt í ár, her tað torført at leggja til rættis fiskiskapin, tú hvørt fiskaslag hev­ ur avbjóðingar við sær, sum upp­ boðssølan ikki hevur lagt upp fyri. - Tað eru góð 50,000 tons av svart­kjafti, sum skulu seljast á upp­boðssølu. Sesongin í Føroyum byrjar í vetur og har ímillum koma jólini eisini. Um handa nøgdin skal fiskast áðrenn ársskiftið, so vænti eg ikki, at nógvir fara at bjóða. Veðrið hasa tíðina plagar eisini at gera, at summir dagar ikki eru til fiskiskap. Har haldi eg mann er for seinur, sigur Anfinn Olsen. Silda- og makrelfiskiskapurin er ikki byrjaður í føroyskum sjógvi enn. Anfinn Olsen sigur, at higartil hava føroysku skipini fiska í ES sjógvi. Anfinn Olsen sigur tó, at aftur har er landsstýrismaðurin í seinni lagið, tí tað er ov seint at planleggja fiskaríið í august mán­ aða. - Viðvíkjandi Barents­havin­um, so plagar mann at kalla september mánaða fyri svarta september. Tað er tí, at fiskurin er burtur úr Barentshavinum í september og oktober við. Hann tekur seg ikki upp aftur fyrrenn í november og summi ár í desember. Tí er tað eisini torført at planleggja tað fiskaríið og kanska verður heldur eingin tíð at fiska har, um fiskurin verður leingi burtur, sigur Anfinn Olsen. Ynskja eina opnari uppboðssølu Anfinn Olsen sigur, at tá ein upp­ boðs­søla skal verða, so ynska teir í Reiðarafelagnum eina púra opna uppboðssølu, men at tað verður tað ikki eftir teirra tykki. - Sum eg skilji tað, so er ætlanin framvegis, at hava nummur at bjóða við og ikki vísa hvør tað er, sum keypir, sigur Anfinn Olsen. Harumframt, so eru limirnir í Reið­arafelagnum ikki nøgdir við leist­in í tí afturlatnu uppboðssøluni heldur, tí har verður møguleiki at leggja trý boð inn. Tí vænta teir, at tað verða fleiri, sum fara at leggja ov høg boð inn, fyri at tryggja sær fisk og tá er skjótt, at boðini verða so høg, at tað verður torført at fáa rakstur í. - Harumframt, so hava teir tikið kravið um veiðiloyvi burtur, so tað er einki, sum forðar fyri, at fleiri bjóða hesuferð, sum ikki hava - Um 50,000 tons av svartkjafti skulu fiskast áðrenn ársskiftið, vænti eg ikki nógvir tora at bjóða. Fyri tvemum vikum síðani sendi Fiskimálaráðið boð út, at uppboðssølan av veiðirættindum skal verða í august. Sambært heimasíðuni hjá Vørn, verður fyrsta afturlatna uppboðssøla verður 24. August. Tá verða 5447 tons av makreli og 1721 tons av botnfiski í Barentshavinum seld. Næsta uppboðssøla verður 31. august. Tá verða 9000 tons av norðhavssild og 9000 tons av svartkjafti seld. HAVA IKKI TÍÐ AT FISKA ØLL TONSINI Samlaða nøgdin, ið skal bjóðast út í ár: Botnfiskur í Barentshavinum: 614 tons (Norra) Botnfiskur í Barentshavinum: 2,213 tons (Russland) Makrelur: 10,894 tons Svartkjaftur: 54,594 tons Norðhavssild: 53,000 tons Størsta broytingin í 2017, samanborið við 2016, er, at fleiri kunnu bjóða seg fram at keypa. Eigarar av fiski­ fari undir føroyskum flaggi, uttan veiðiloyvi, kunnu keypa í 2017. Somuleiðis kunnu feløg eisini keypa, ið skjal­prógva avtalu um, at ávíst fiskifar undir føroysk­ um flaggi veiðir keyptu kvotuna. Allar ásetingar í fiski­ vinnu­lóggávuni annars eru eisini galdandi fyri hesar nýggju keyp­ararnar, so sum treytir um eigaraviðurskifti.