mánadagur 31. juli 2017síða 22

Mánadagur 31. juli 2017 · Nr. 87 22 Sosialurin Hugskot og viðmerkingar – send sms til 225000 Vikan ið fór Víkingur dregur nú frá í oddinum í Effo-deildini. Teir vunnu trivaligan sigur í útidystinum móti TB/FCS/ Royn, meðan nærmastu kappingarneytarnir úr KÍ taptu ólavsøkudystin móti HB. Eisini NSÍ og B36 vunnu sannførandi sigrar, meðan Skála og EB/Streymur deildu stigini millum sín í teirra dystum. Føroyska U-21 landsliðið endar EM-endaspælið, sum seinastu vikurnar hevur verið spælt í Algeria. Liðið endar á sekstanda plássi, og føroysku dreingirnir spældu fleiri framúr góðar dystir. 80 bátsmanningar meldaðu til ólavsøkuróðurin, sum var rógvin í bestu líkindum á ólavsøku. Mjølnir kunngerð at Sofía Purkhús Splidt er nýggjur leikandi venjari hjá Mjølnir kvinnunum. Sofía Purkhús Splidt hevur seinastu árini spælt í donsku flogbólti. Venjarin hjá Suðuroyingum, Maurice Ross, fær leikbann í tveir dystir fyri gerð í útidystinum hjá suðuroyingum móti Skála fyrr í summar. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Bjarni Nielsen Aldur: 29 Starv: Arbeiðir í Burn Royn tína vitan um ítróttin her og nú! Svarini standa niðast til vinstru, men royn teg nú fyrst 1 Føroyska U-21 landsliðið hevur júst verið í Algeria til HM-endaspæl. Hvørjum landi spældi føroyska liðið ímóti í seinasta dystinum? 2 Kaj Leo í Bartalsstovu skoraði sigursmálið, tá ÍBV spældi seg í íslendsku steypafinaluna. Hvørjum var dysturin hjá ÍBV ímóti í hálvfinaluni? 3 Hvør bátur vann róðurin hjá 10-mannaførunum á ólavsøku? 4 René Shaki Joensen skiftir í næstum til íslendskan fótbólt. Hvat felag skal René umboða í Íslandi? 5 kvinnurnar kunngjørdu í seinastu viku nýggjan venjara. Hvussu eitur nýggi venjarin? 6 Hvat nummar endaði U-21 landsliðið til HM-endaspælið? 7 Hvussu eita formenninir í HB og KÍ? 8 Hvussu eitur leikarin á myndini? ? 1. Svøríki, 2. Stjarnan, 3. Klaksvíkingur, 4. Grindavík, 5. Sofía Purkhús Splidt, 6. Nummar 16, 7. Kaj Leo Holm Johannesen (HB) og Tummas Lervig (KÍ), 8. Rói Berg Hansen UMMÆLI Hey Bjarni Stórt til lukku við at vera føroya sterkasti maður. Tú byrjaði kappingina eitt sindur illa, men so vendi. Hvat var tað sum fór at rigga betur? Eg hevdi ilt við at fáa lastbilin í gongd, tí eg fekk ein fibur skaða í tjúkkan 14 dagar ádrenn kappingina. Tað fór at ganga betur tí restin av kappingini var ikki so hart fyri tjúkkan. Hvussu var feltið annars í ár samanborið við undanfarin ár? Feltið í ár var sterkt í mun til í fjør, tá hugsi eg serliga um støddina á monnunum ið vóru við. Í ár vóru 4 mans ið vigaðu 130+ kg. Hvussu var at íðka frammanfyri so stórari áskoðarafjøld á ólavsøku? Tað var sera stuttligt og eg havi bara fingið positivt feedback frá teimum eg havi tosa vid, so tað verdur nokk gjørt aftur. Hvussu metir tú at standurin er innan strongman í Føroyum í hesum døgum? Standurin er í betring tad at tríggir nýggir mans koma til er gott, og at teir so allir plasera seg í topp 4 er eisini eitt gott tekn. Ætlar tú at vera við aftur til føroya sterkasta mann aftur komandi ár? Eg havi mangan sagt at mít mál viðvíkjandi føroya sterkasta manni kappingini er at vinna 10 ár í trekk, so ja eg verið við næsta ár. Fimm ferðir er hann kosin sum ár­sins besti fótbóltsleikari í Týsk­landi. Hann er heims­ meistari, vann eitt meistaraheiti við Real Madrid og hevur vunn­ið FA Cup tríggjar ferðir, síðani hann kom til Arsenal í 2014. Kortini eru tað fleiri, sum halda, at tann í dag 28 ára gamli Mesut Özil er yvirmettur og ikki ein leikari í heimselituni. Hansara renningarlag lýsir kanska ikki altíð av stríðsanda, men áðurnevndu heiðrarnir og skoðsmálini, ið Özil fær frá fyrr­ verandi venjarum og lið­feløg­um í sjálvævisøgu síni, Gunning for Greatness, lata ongan iva vera um, at týskarin við turkiska blóð­ num er ein fótbóltsleikari í heims­ flokki. Í bókini greiðir Özil frá sínum barn­dóms­árum í fátæksligum býar­parti í Gelsenkirchen í Týsk­ landi, har lítli Mesut ikki dugdi at siga nakað á týskum, fyrr enn hann var blivin fýra ára gamal. Hetta tí, at heima við hús varð tosað á turkiskum, har foreldur hansara eru ættað. Hann bleiv eitt offur í einari sáttmálaósemju ímillum seg og sítt lokala felag, Schalke 04, ið gjørdi, at hann mátti fara aðrar leiðir. Í Werder Bremen slóð Mesut Özil síðani veruliga ígjøgnum og bleiv fastur maður á týska landsliðnum. Eftir eitt væl eydnað HM í 2010 tók Özil fetið upp til heimselituna, tá ið hann skifti til Real Madrid, har hann skapti sær eitt stórt navn og spældi í trý ár. Í 2013 skifti hann síðani til Arsenal, har hann fram­ vegis ikki hevur vunnið Premier League - hetta kallar hann sína størstu avbjóðing, sum hann fram­vegis hevur eftir at basa. Özil fortelur eisini um sína av­ gerð um at spæla við týska lands­ lið­num framum tað turkiska, har hann stavar frá. Sjálv orsøkin til, at Özil fór í holt við hesa bók­ ina var, at hann í einum hálv­ leiks­steðgi í tíðini í Madrid fekk eina so stóra lortaspann frá José Mourinho, at hann ikki fór út á vøllin aftur. Hetta fekk Özil at seta sjón­eykuna á seg sjálvan og hugsa um, hvussu hann bleiv tann fótbólts­leikarin og persónurin, ið hann er í dag. LES UM: Tú vilt vita og skilja, hvussu ein talentfullur leikari við rætta hugburðinum fær sum mest burturúr sínum evnum. IKKI LES UM: Tú væntar, at Özil hevur eitt hav av røvarasøgum at fortelja. Gjøgnum sína yrkisleið hevur hann verið ,,ein fittur drongur”, hóast hann als ikki altíð hevur havt tað lætt. HVUSSU ER AT LESA: Frásøgustílurin er lættur og greitt verður frá yrkisleiðini í skipaðari tíðarrøð. Eisini áhugavert, at kendir menn sum José Mourinho, Sami Khedira og Sergio Ramos hava skrivað í bókini. HVAT SIGUR TÚ: Mesut Özil hevur havt eina sera flotta yrkisleið og hevur takklað sínar avbjóðingar fyrimyndarliga væl, so hetta er avgjørt ein bók, ið er verd at lesa fyri ein og hvønn fótbóltselskara. Ummælið: Gunning for greatness 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku!