hósdagur 3. august 2017síða 3

FRÍGGJADAGUR 4. AUGUST 2017 SOSIALURIN 89 3 SVIMJ­I­ HYLURIN ER SLEPTUR Ann-Mari av Skarði er formaður í ovastevnu­ nevndini, sum telur fimm fólk, og sum nú á triðja árið skipar fyri stevnuni. – Høvðusendamálið við stevnuni er at fáa eina rúgvu av fólki til Nólsoyar. Vit vilja vísa, hvussu stutt­ ligt og hugnaligt tað er í Nólsoy, sigur Ann-Mari av Skarði. Tí bjóða vit øllum føroyingum til Nólsoyar á ovastevnu í vikuskiftinum. Endamálið við stevnuni er ikki longur at savna pening til svimjihyl. Tí hava øll tiltøkini á seinastu stevnunum mestsum verið ókeypis, sigur hon. – Í nógv ár varð enda­ málið við ovastevnuni at savna pening til svimjihyl í bygdini, sigur Ann-Mari av Skarði. Tað var eitt stórt ynski, sum lokala hetjan Ovi Joensen, sáli, hevði. Nógvur peningur bleiv savnaður saman og byrjað varð at byggja. Uppgávan bleiv tíverri alt ov møtumikil, og stevnurnar góvu lítið fíggjarligt yvirskot, so steðgur kom í arbeiðið. Nú fleiri ár seinni eru flestu nólsoyingar komnir til tað niðurstøðu, at svimjihylur í bygdini helst ikki verður veruleiki. Vit eru ov fá fólk og grundarlag er ikki fyri svimjihyli, samstundis sum orka ikki er at savna pening, sigur Ann-Mari av Skarði. Hóast dreymurin og ætlanin um svimjihylin meira ella minni er slept, vilja nólsoyingar framhaldandi heiðra Ova og hansara bragd og halda ovastevnu, sigur Ann-Mari av Skarði. Samstundis styrkir tað samanhaldið í bygdini at skipa fyri einum so stórum tiltakið. – Tað eru einans gott 200 fastbúgvandi fólk í Nólsoy og mestsum øll – ung sum gomul – taka eina hond í í fyrireikingunum á ein ella annan hátt. Dagarnir eftir ólavsøku er rokan um alla bygdina og øll gera sítt til, at bygdin tekur seg út á bestan hátt, sigur Ann-Mari av Skarði. – Vit vóna, at nógv fólk koma til Nólsoyar í vikuskiftinum. Vit hava lagt okkum eftir at seta eina skrá saman, sum hevur okkurt til øll, leggur Ann-Mari av Skarði aftrat. OVASTEVNAN FYRI FRAMMAN Aftur í summar boða nólsoyingar frá met nógvum ferðafólki í Nólsoy. Ternan hevur so at siga verið full hvønn einasta dag. Og nú summarið er farið at halla, eru nólsoyingar framhaldandi til reiðar at taka ímóti hópin av gestum. Hetta vikuskiftið verður nevniliga Ovastevna. BARBARA HOLM BARBARA@SOSIALURIN.FO O vastevnan, sum hevur fleiri enn 20 ár á baki, er fastur táttur á summ­ ar­skránni hjá nógvum før­oy­ing­um, og verður hon í viku­ skift­inum. Bygdastevnurnar eru nógvar, men Ovastevnan er nakað ser­stakt, og eftir Ólavsøkuna og festi­val­ar­ nar, man Ovastevnan mangan hava verið millum tær mest vitjaðu stevn­urnar í Føroyum. – Ovastevna er stevnan í Nólsoy har bygdafólkið ger alt, tey eru ment, at bjóða tær vælkomnum og vísa tær hvussu stuttligt, hugna­ ligt og gott tað kann vera, at vera í Nólsoy. Ovastevna er stevnan fyri alla familjuna. Børn­ini kunnu spæla frítt, meðan tey vaksnu hugna sær í bygdasliga um­hvørv­ in­um. Tú merkir veruliga, at tú er kom­in á bygd, bara 20 minuttir úr høv­uðs­stað­num, siga fyrireikarar. Skráin er løgd soleiðis, at tiltøk eru allan dagin og byrja longu leyg­ar­morg­unin. Hetta eru ikki bara typ­isk stevnutiltøk, men eis­ ini tiltøk, sum geva ein brellbita av ger­and­is­deg­num í Nólsoy. Leyg­ar­ morg­unin byrjar við einum svimji­ treffi, har fólk úr øllum landinum koma at svimja, dyppa ella vassa á hugna­liga sandinum á Malarenda. Hetta til­tak er sprottið millum svimji­dam­ur­nar í Nólsoy, sum ger­and­is­liga svimja ella dyppa á Mal­ar­enda. Sum nakað heilt serligt fyri børn­ini hava fyrireikararnir heitt á Dánjal á Neystabø, um at skipa fyri sangløtu fyri børn. Hugskotið kom Jensina Olsen við í fjør. Fyri vaks­in er tað púra nátúrligt at sang­løtur eru partar av stevnum og festivalum, og tí eiga børn eisini at kunnu fáa slíkar løtur, har tey sleppa at merkja kensluna av at syngja saman. Og soleiðis kom 'Nátt­urða­sangur fyri børn' í lag, greiða fyrireikararnir frá. Í Nólsoy er ríkt tónleikalív og nóls­oy­ing­um dámar væl at syngja og spæla. Hetta sæst eisini aftur í ova­stevnu­skránni. Kórkonsert við kóri sam­ansett til stevnuna við út­ vald­um sangarum undir leiðslu av Leif Hansen verður í kirkjuni og sama kór fer at skipa fyri serligari kór­sang­løtu undir Botnagarði, har øll fáa høvi at syngja við. Við vælvild frá Strandferðsluni er møguligt at koma um Nóls­oy­ar­ fjørð nærum hvønn tíma.