hósdagur 3. august 2017síða 19

FRÍGGJADAGUR 4. AUGUST 2017 SOSIALURIN 89 19 Herfyri varð skotið upp, at Nólsoyar Páll skuldi flytast úr Vágsbotni. Eitt av boðunum til nýggja staðin var Skinnarasker í Havn, har Sjúrður Skaale og Jákup Veyhe standa. Nøkur av hittunum: Danmark er et dejligt land: Lagið hjá Bent og Henrik bleiv skrivað upp á eitt korter í klokkan seks á morgni í einum sjónvarpshøli í Keypmannahavn – Hann varð skrivaður í einum. Vit fingu brádliga hugskotið til sangin, og ein tíma seinni, var hann tikin upp. Sjálvandi bleiv hann eitt ordans hitt, siga teir báðir flennandi. Tað er órættvíst: Uppreistrarsangurin hjá Karl Jáge á Kósini byrjaði við slagorðunum “Tað er víst, tað er órættvíst”, sum varð tikið upp til eina kabarett. Harafturat var eitt lítið ljóðbrot í sanginum tikið upp inni í einum fiskakassa niðri í Bakalao – Vit slongdu síðani okkurt saman, uttan at fara út í æsir, og fingu tónleikarar at spæla rokktónleik útyvir. Tað var tað, sigur Jákup Veyhe. Ketchup í eitt jørn: Upprunin var til landapláguna var maðurin í kai-kioskini í Havn, sum skeldaði inn á tey forbannaðu bygdafólkini, sum, tá tey keyptu pylsur, bóðu um at fáa ketsjupp í jørnið. – Eg hoyrdi um tað mundið, at allir pylsubakkarnir vóru útseldir, tí í barnaføðingardøgunum vildu øll hava ketsjupp í jørnið. Eg havi tað strævið: Sangurin, sum gjørdi Esmar Eysturoy til eina stjørnu, bleiv ómetaliga nógv spældur í útvarpinum. Hóast Sjúrður Skaale sjálvandi ikki gekk í eyðkendu brillunum, fylgdi Esmar Eysturoy honum til tíðir í gerandisdegnum. Sjúrður Skaale greiðir frá, at hann einaferð ikki fekk frið at røkja sítt starv sum tíðindafólk. – Eg skuldi gera eitt innslag uttan fyri skúlan í Vestmanna, men bleiv brádliga kringsettur av skúlabørnunum, sum vildu sleppa at heilsa upp á Esmar. Endin varð, at einki innslag spurdist burturúr. Piparsangurin: Sangurin bleiv gjørdur í sambandi við, at ein vinmaður hevði føðingardag. – Vit høvdu ein tíma at gera eina føðingardagsheilsan. Vit gjørdu av at seta okkum í køkin við einari mikrofon og einum lítlum Portasound ljómborði. Upptøkan riggaði fínt, og mjavvið frá kettuni á gólvinum kom enntá við, sigur Jákup Veyhe og flennir.